Yowaho 7:14 - Deoso-ka Yama Hani

¹⁴ Mai marini beheri hawa tohiya, Deoso‑ka yobe‑ya Yeso tokiyome, mai‑ya kanawatomarine.

Yowaho 7:14 ပူးပေါင်းရင်းမြစ်များ

Mateo 21:12

Deoso‑ka yobe‑ya Yeso toke, yama‑ya mai one daa, mai one yama‑ya kanika na, mai‑ya Yeso kananiwahemarine. Yinero‑ya mai da‑daa mai‑ka mesa‑ya Yeso fatatokawiti, wayomata mai‑ya mai da‑daa mai‑ka kadera‑ya Yeso fatatokawiti nemarine.

Mateo 26:55

Mai dama, mai sawe, mai‑ya Yeso hiyare, “Yima‑ya dai aka, awa‑ya dai aka nineni, owa‑ya dai watabonehe. Yama‑ya mai bo‑boti mai wati‑nima owa‑ya dai watineni. Hibati‑ya mahi‑nima Deoso‑ka yobe‑ya owitare, mai okanawata, owa‑ya dai wataramaroni.

Roka 19:47

Mahi‑nima Deoso‑ka yobe‑ya Yeso mai‑ya kanawatomatane. Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, Yodeo mai‑ka hidi mai bi‑bidi na mai toha, mai na, Yeso‑ya mai nanahababone, mai ati nameteni.

Yowaho 18:20

“Owati‑ya mai nafi mitani. Deoso‑ya mai hi‑hiyara‑ke yobe‑ya mai okanawata, Deoso‑ka yobe‑ya mai okanawata, mai yorotokana mai okanawatoteni. Mai noki beheri‑ya owati yanaterani.

Yowaho 5:14

Makobote Deoso‑ka yobe‑ya maki sawi‑ya Yeso awe, “Yakatinamawaha, tiwa ene amosaramaro‑nima tiwa ene namariyahi, tiwa komene ba‑basi ni awirabonehe.” Yeso ati nemarine.

Yowaho 7:2

Oda amoni fa‑famaraba niya, Yodeo oda toha oda‑ka feriado yananaboneni. Feriado oni Wa‑wasa tohamaroni.

Yowaho 7:28

Deoso‑ka yobe‑ya Yeso mai‑ya kanawatobona mai‑ya hiyare, “Hehe fara amani. Owa dai wato, owa tabaro oni dai wato neni. Owa‑ya yose‑mari dai watora, owa‑ya yose‑mari amosabote amane.

Yowaho 7:37

Feriado‑ka mahi faina tohe, fare amosabote tohe‑ya Yeso mai‑ya hiyaramatase, ati kite, “Dai bako hokoya, owa‑kaya dai kamahi. Oka faha dai fawahi.

Yowaho 8:2

Yama wahabisari‑ya Deoso‑ka yobe‑ya Yeso kamatasemarine. Yeso wai‑ya mai dama mai kamakemaroni. Yeso itarisemarine, mai dama mai‑ya kanawatobonaha.

Yowaho 8:20

Deoso‑ka yobe‑ya yinero weyene wai yowi‑ya Yeso itari, mai‑ya kanawatomarine. Yeso ati‑ya mai mitiya, Yeso‑ya mai waratonabone mai atibodi ati na, Yeso aba‑bona‑ke mahi kobore ene Deoso mai‑ya maakane, Yeso‑ya mai waratoni awiramaroni.