Yowaho 6:2 - Deoso-ka Yama Hani

² Fara ai one‑ya Yeso nakitame‑ya mai awa, mai dama mai tokobasamakemaroni.

Yowaho 6:2 ပူးပေါင်းရင်းမြစ်များ

Mateo 12:15

Mai ihi‑bone‑ya Yeso wato, toke, nowati‑ya mai dama mai tokomake, mai kiyana mai‑ya Yeso nakitame,

Mateo 13:2

Mai dama mai yorotokanamaroni, Yeso ati‑ya mai mitabonehe. Mai dama mai ihi kanawa‑ya Yeso foye, itari, faha widi‑ya mai dama mai nahobasamaroni.

Mateo 14:14

Oda kobona, oda tokomorosa, mai dama mai‑ya Yeso awe, mai‑ya nofe, mai kiyana mai‑ya nakitamemarine.

Mateo 8:1

Adami‑ya Yeso tokofawaha, nowati‑ya mai dama mai kamakemaroni.

Maroko 1:45

Yeso ati‑ya maki tokadabare, mai nafi‑ya Yeso ene tamine‑ya hiyaremarine. Mai dama mai ihi yama tehe‑ya tabora webote‑ya Yeso tokomaremarine. Kabani‑kaya Yeso waabisemarine. Tabora dami‑ka Yeso‑ya mai towamakemaroni, kabani‑kaya.

Maroko 6:33

Yeso mai eyehe toke‑ya mai dama mai awa, tabora dami‑ka mai tokomake, faha widi‑ya mai kanani tokobasamake, mai koboni dai tohamaroni.

Yowaho 11:47

Makobote Deoso‑ka yama‑bone‑ya mai da‑daa mai‑ka hidi mai toha, fariseo mai toha, mai na, oda‑ka hidi mai nafi‑ya haane, mai yorotokanameteni, Yeso tamine‑ya mai hiyarabonehe. “Hini yamata‑nima ai nibati? Yeso ene kitabote‑ya mai dama mai awineni.

Yowaho 12:18

Yeso ene kitabote tamine‑ya mai mita, Yeso‑ya mai tokomakemaroni, Yeso‑ya mai awabonehe.

Yowaho 12:37

Yeso ene kitabote‑ya mai awi dama, Yeso ati‑ya mai nofasa ramaroni.

Yowaho 2:11

Kana Karireya‑ya Yeso ene kitabote daidi oda awa, Yeso amosabote oda watowaha, ati oda nofemarine.

Yowaho 2:23

Ka‑kariwa kobona, Yerosare‑ya oda marini‑ya Yeso ene kitabote‑ya mai awa, Yeso ati‑ya mai dama mai nofawahamaroni.

Yowaho 20:30

Yeso ene kitabote damemari, Yeso‑ya oda da‑daba ene oda awe, ene nafi okanahano awirene.

Yowaho 3:2

Yama soki‑ya Yeso‑ya toke, Yeso‑ya hiyare, “Ayo, Deoso tiwa‑ya yose‑mata ati tikamine, tiwa ene kitabote tohani. Deoso‑ka tihara‑mani, haa‑nima tiwa ene ra neni.” Nikodimo ati nemarine.

Yowaho 6:14

Yeso ene kite‑ya mai awa, “Deoso ati‑ya mi‑mita kakibona yama hani ati na, fare i‑di Yeso tohe awane.” Mai ati namaroni.

Yowaho 6:22

Yama wahabisari‑ya mai dama mai naha, mai atibodi yama‑ya kadika, “Yeso‑ya mai da‑daba kanawa ohare‑ya mai towakama, Yeso mai‑ya sawirene.” Mai atibodi ati nameteni.

Yowaho 6:26

“Owati amosabote dai mitahi. Baho dai kaba ihi owa‑ya dai sibanineni. Deoso ene dai nofabone, owa‑ya dai sibana‑mani, yama sibabisara neni.

Yowaho 6:30

“Tiwati oda nofawahabone, tiwa ene kitabote oda awahi.