Yowaho 5:44 - Deoso-ka Yama Hani

⁴⁴ Hini dai hinama dai ibi kahiyarabisa, Deoso dai‑ya kahiyarebona‑ya dai nokotonirani. Fara ihi owati dai nofarani.

Yowaho 5:44 ပူးပေါင်းရင်းမြစ်များ

Mateo 23:5

Mai‑ka yama hani wiye ba‑basi na‑ya mai sako, mai‑ka bora fowari kawiya yabona, ‘Oda ene‑ya mai awa, oda‑ka bora‑ya mai awa niya, oda‑ya mai nofaboneni.’ Mai atibodi ati teni.

Roka 19:17

‘Tiwa ene amosa, hibati‑ya tika yama bide daa·onamaro, owati‑nima tina, owati ihi tika yama damawahaboneni. Mai tabori 10 kana mai‑ka hidi tihawahaboneni.’ Hidi ati nane.

Yowaho 12:43

Ai one ati‑ya mai nofi ba‑basi na, Deoso ati‑ya mai nofi bi‑bidi neni.

Yowaho 17:3

Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Yowaho 3:20

Yama wahi‑nima ne‑ya mai nofara, yama soki‑ya mai nofabisa, hini mai ihi towe watowami‑ya mai nofarani.

Yowaho 5:41

Owa‑ya dai kahiyarabone bofe‑ya dai wi‑wina dai‑ya noko·onirani.

Yowaho 8:43

Owati dai mita, hini yamata ihi owati dai watorihi? Owati dai nofara ihi amani.

Homa 2:10

Mai one ihi amosa, mai manakone amosa‑ya Deoso daanebonane. Hini tabaro amosabote‑ya mai‑ya nawiniya, mai‑ya kasomebona, mai‑ya kahiyarebona, mai atibodi mai‑ya ati somaboneni. Yodeo mai toha, Bara mai toha na, Deoso eyehe mai winiya, mai ya‑yainaboneni.

Homa 2:29

Yodeo yokana ai tohabone, ai sowiri tati ataro wisina ene tohaterani. Deoso‑ka Doni ai atibodi‑ya sawi, ai atibodi‑ya namose ene Deoso‑ka ai toha, Yodeo yokana ai toha teni. Ai atibodi‑ya mai one awara, Deoso‑ta ai atibodi‑ya awe, ai atibodi amosa ene Deoso ya‑yaitene.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Korito daidi 4:5

Dai owa ene‑ya dai kadikariyahi. Yeso kamataseya, ai nafi ai ene‑ya kadikebonane. Yama ai kemamaro‑ya kadika, ai atibodi ati‑ya kadika neya, ai manakone‑ya Deoso daanebonane.

Korito yoto‑ke 10:18

“Amosabote oda amani.” Mai ati na, mai ati amosa awineni. “Mai ihi amosini.” Deoso ati neya, mai ihi amosateni.

Firibo 2:3

Dai ati dai kahiyarariyahi. Mai ati dai mita, “Yama‑ya mai wato ba‑basi na, ai‑ta yama ai wato bi‑bidi nibisineni.” Dai atibodi ati nahi.

Tesaronika daidi 2:6

Oda‑ya dai kahiyara oda ati rihi, mai one oda‑ya mai kahiyarabone oda ati rihi teni. Yeso Kirisito‑ka yo‑yose oda toha, oda‑ya dai kasomahi oda ati na‑mani, yama sibara neni. Haa‑nima oda ati terani.

Timoti daidi 1:17

Deoso ai‑ka Hidi webote ohari, abaterebonane. Ai nafi‑ka Hidi i‑di Deoso tohe, Deoso noko ai awatere, neme‑ya wine, Deoso ai nofa, “Deoso amosabote amane.” Ai ati na. Ai ati fawariyahi. Owatibodi ati nineni.

Ebereo 3:12

Dai noko wadahi. Dai atibodi amosa, Satanasi dai‑ya keyeheya, ati dai nofarayaho. Deoso ati dai tokadababisabonehe.

Tiyako 2:1

Oka soho dai toha, ai‑ka Hidi i‑di Yeso Kirisito amosabote ati‑ya dai no‑nofa, owati dai mitahi. Mai mese dai kadikariyahi. Yeso mai nafi‑ya nofi‑nima mai dai nofaharihi.

Bedoro daidi 1:7

Oro‑ya mai awawama, yifo hiwe ihi oro fahi tohawamaya, yama bara sawe‑ya mai nanahaba, oro hinama tohaboneni. Makobote oro abawahaboneni. Yeso ati‑ya dai no‑nofa dai‑ya mai bisinabone, dai ene‑ya mai awaboneni. Yeso ati dai nofi yokana toha, ati dai nofi fawarebonane. Yeso kobonameya, Deoso dai‑ya kahiyara, hika wehene kote dai kayafaboneni.

Yoda‑ka yama hani 1:25

Deoso ohari tohe, amosabote tohe, kitabote tohe, ai dami‑ka Hidi tohe, Yeso Kirisito oda‑ka Hidi dai fama, hibati‑ka dai toha, hibayata‑ka dai toha na, makobote yama nafi abiya, hini dai toha, dai tohasa naboneni. Feye amani.