Yowaho 5:41 - Deoso-ka Yama Hani

⁴¹ Owa‑ya dai kahiyarabone bofe‑ya dai wi‑wina dai‑ya noko·onirani.

Yowaho 5:41 ပူးပေါင်းရင်းမြစ်များ

Yowaho 12:43

Ai one ati‑ya mai nofi ba‑basi na, Deoso ati‑ya mai nofi bi‑bidi neni.

Yowaho 5:34

Ai owa ati noko·onira, Yowaho ati dai nokotonibisineni. Yowaho ati tamine okaminineni, ai komene fawaterabone‑kaya dai sawirabonehe.

Yowaho 5:40

Owa dai nofarani. Owa dai nofa‑mani, dai abara neni.

Yowaho 5:42

Dai atibodi ati owatoni. Deoso dai nofarani.

Yowaho 5:44

Hini dai hinama dai ibi kahiyarabisa, Deoso dai‑ya kahiyarebona‑ya dai nokotonirani. Fara ihi owati dai nofarani.

Yowaho 6:15

“Yeso oda‑ka hidi‑bona oda ati na, oda ati‑ya nofareya, Yeso oda waratoneya, hidi tabaro‑ya oda towakamebonane, oda‑ka hidi webote tohawahebonaha.” Mai one atibodi ati na, mai atibodi ati‑ya Yeso wato, ohari toke, adami webote‑ya tokomorosemarine.

Yowaho 7:18

Hini mai ati ihi yama‑ya mai kanawata, ‘Amosabote ama·oni. Owa dai nofahi.’ Mai ati teni. Hidi ati‑ya kamine, ‘Owa‑ya yose dai nofabisahi.’ Ati ne, keyehe‑ya hirire, ati amose hinama toha tene.

Yowaho 8:50

Hini owa‑ya noko·onirani. Okobi owa‑ya nokotonibisatene, owa‑ya mai kahiyarabonehe. Ai ene‑ya Okobi kadikatene.

Yowaho 8:54

“Owa‑ya okahiyara‑mani, owati‑ya dai nofariya, yama sibara neni. Okobi owa‑ya kahiyarabisatene. Okobi dai‑ka Deoso‑mona dai ati teni.

Tesaronika daidi 2:6

Oda‑ya dai kahiyara oda ati rihi, mai one oda‑ya mai kahiyarabone oda ati rihi teni. Yeso Kirisito‑ka yo‑yose oda toha, oda‑ya dai kasomahi oda ati na‑mani, yama sibara neni. Haa‑nima oda ati terani.

Bedoro daidi 2:21

Dai ene Yeso Kirisito‑ya mai bisina, Yeso‑ya mai nanahabamaroni. Yeso ene amose hinama tohe, mai bisihine yawaremari, “Owa‑nima dai nahi. Dai ene amosa, dai‑ya mai bisiniya, dai yawariyahi.” Yeso ati nemarine.

Bedoro yoto‑ke 1:17

Badi i‑di Deoso amosabote neme‑ya ati kaki, ati oda mitemari, ati oda kaminineni. “Oka dao amane. Oka dao onofi nafi. Oka dao ene ya‑yai·oneni.” Neme‑ya Deoso ati nemarine. Deoso amosabote‑nima Bidi amosabote tohane.