Yowaho 5:40 - Deoso-ka Yama Hani

⁴⁰ Owa dai nofarani. Owa dai nofa‑mani, dai abara neni.

Yowaho 5:40 ပူးပေါင်းရင်းမြစ်များ

Mateo 22:3

Hika yo‑yose mai‑ya yose, ‘Mai oni tiawahi. Mai dai haanahi, marina‑ya mai kamabonehe.’ Hidi webote ati ne, mai‑ya mai haana, mai ati a‑arira, mai kamaki awirani.

Mateo 23:37

Yerosare, tika mai ihi ohi·oneni. Tiwa‑kaya mai wi‑wina Deoso ati‑ya mai mi‑mita mai‑ya mai nanahabateni. Tika mai okasomabone ona, owati‑ya mai nofarani. Arakawa afe bodi‑ya bidi mai mookana, madi mai hikayawateni. Fara‑nima tika mai okayawabone ona, owa‑ya mai nofarani.

Yowaho 1:11

Hini hika mai‑ya kobone, mai hinofaremarine.

Yowaho 10:10

Yama‑ya mai bo‑boti kaneiro mai tabori‑ya mai kakiya, ‘Awa yara bai onahabiya, kaneiro o·idiya, kaneiro onahababoneni.’ Mai atibodi ati teni. Kaneiro mai abarabone, mai tabori‑ya okemaroni. Mai ya‑yaini nafebone, mai tabori‑ya okemaroni.

Yowaho 3:19

Yama wahi‑nima ne bofe‑ya kobone, bofe‑ya mai wi‑wina yama towe‑ya mai nokotonihe, yama wahi‑nima ne‑ya mai nofarani. Hini mai ihi mai manakone hasinasa neni.

Yowaho 5:39

Deoso‑ka yama hani dai kadika, ‘Ai abaterabone tamine oda mitaboneni.’ Dai ati na, Deoso‑ka yama hani owa tamine‑ya kaminateni.

Yowaho 5:41

Owa‑ya dai kahiyarabone bofe‑ya dai wi‑wina dai‑ya noko·onirani.

Yowaho 5:44

Hini dai hinama dai ibi kahiyarabisa, Deoso dai‑ya kahiyarebona‑ya dai nokotonirani. Fara ihi owati dai nofarani.

Yowaho 6:27

Yamata dai nokotoniriyahi. Yamata batateni. Oka yamata bara ihi dai abaterabone, fara dai nokotonibisahi. Okobi i‑di Deoso owa‑ya yose, owa‑ya kayawemarine. Yamata bara dai‑ya daa·onaboneni. Dai‑ka Ayo neme‑ke ama·oni.” Yeso ati nemarine.

Yowaho 6:37

Dai one‑ya Okobi owa‑ya daane, Okobi mai daahina owa‑ya mai nafi nofabone, owa‑ya mai nofiya, ‘Dai‑ya onofi awirini, dai tokahi.’ Oteraboneni.

Yowaho 6:40

Haa‑nima yama na‑ya Okobi nofane, Bidi mai hiawa, Bidi ati mai hinofa hine mai abateraboneni. Yama faina‑bone‑ya mai onakitamaboneni.” Yeso ati nemarine.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Yeso Kirisito ene‑bona 22:17

Deoso‑ka Doni ati toha, Kaneiro Bidi fadi‑bone ati toha na, mai ati, “Yeso, kobotinahi.” Yama hani ati dai mitiya, dai ati yananamatasahi. “Yeso, kobotinahi.” Dai ati nahi. Dai bako hoko‑ya dai kamahi. Ai abarabone‑ka faha dai fawiya, manakone wadaraboneni.