Yowaho 5:34 - Deoso-ka Yama Hani

³⁴ Ai owa ati noko·onira, Yowaho ati dai nokotonibisineni. Yowaho ati tamine okaminineni, ai komene fawaterabone‑kaya dai sawirabonehe.

Yowaho 5:34 ပူးပေါင်းရင်းမြစ်များ

Roka 13:34

“Yerosare, tika mai ihi ohi·oneni. Tiwa‑kaya mai wi‑wina Deoso ati‑ya mai mi‑mita mai‑ya mai nanahabateni. Tika mai okasomabone ona, owati‑ya mai nofarani. Arakawa afe bodi‑ya bidi mai mookana, madi mai hikayawateni. Fara‑nima tika mai okayawabone ona, owa‑ya mai nofarani.

Roka 19:10

Bofe‑ya dai wi‑wina dai‑ya okemaro, Deoso hawine dai watora dai‑ya siba·onaboneni, dai okayafabonehe.” Yeso ati nematane.

Roka 24:47

Mai ihi towe‑maro‑ya mai nofamariya, mai ihi manakone wadamaraboneni. Fare Deoso‑ka Ka‑kadika ene amane. Fare tamine‑ya mai kaminaboneni, Yerosare‑ya. Makobote mai tabori dami‑ya tamine mai hikaminamakibonane.’ Yama hani ati nineni.

Yowaho 20:31

Yeso ene kote okanahano, Yeso tamine dai nofebonaha. Yeso i‑di Kirisito amane. Deoso Bidi amane. Tamine dai nofeya, Yeso ene dai abaraboneni.

Yowaho 5:32

Owa tamine‑ya kaminahari, ati amosemarine.

Yowaho 5:41

Owa‑ya dai kahiyarabone bofe‑ya dai wi‑wina dai‑ya noko·onirani.

Yowaho 8:54

“Owa‑ya okahiyara‑mani, owati‑ya dai nofariya, yama sibara neni. Okobi owa‑ya kahiyarabisatene. Okobi dai‑ka Deoso‑mona dai ati teni.

Homa 10:1

Oka soho dai amani. Owati dai mitahi. Isara·eo‑ka mai onofi nafe, Deoso‑ya mai tamine ohiyarateni. Yeso ati‑ya mai nafi nofiya, Deoso tabaro‑ya mai nafi tokabone owatibodi ati nofani.

Homa 10:21

Isara·eo mai tamine‑ya Deoso hiyaramatase, “Mahi‑nima mai haa·ona, owa‑ya mai kamara, mai ime kita, owati‑ya mai tokadabi nofarani.” Deoso ati nematane.

Homa 12:21

Dai‑ya mai ihi amosara mai ihi‑nima dai ene riyahi. Hiniya mai dai kasomiya, Deoso ati‑ya mai nofawahaba awineni.

Homa 3:3

Deoso ati‑ya Yodeo mai one nofara, ati mai hikadabarihi hine, Deoso ati‑nima yama ni awirabone dai ati na awineni.

Korito daidi 9:22

Yama‑ya mai watora mai‑ya osawe, mai‑nima onihi ona, owati ihi Kirisito ati‑ya mai watowahaba awineni. Mai nafi‑ya osawe, mai‑nima onihi ona, owa‑ya mai nofiya, Kirisito ati‑ya mai nofawahaba awineni.

Timoti daidi 4:16

Tiwa noko wadahi. Deoso ati yokana tikamina, Deoso ati‑nima tiniya, Deoso tabaro‑ya tiwinawahaboneni. Tiwati‑ya mai mita, tiwati‑ya mai tokadabiya, Deoso tabaro‑ya mai winahareboneni.

Yowaho daidi 5:9

Ai owa mai 3 toha, mai ati fara hinama toha, mai ati ai nofateni. Ai owa keyehe‑ya mai hirinaba awineni. Deoso keyehe‑ya hiritere, ati ai nofahi.