Yowaho 5:23 - Deoso-ka Yama Hani

²³ Owa‑ya yosemari ene Okobi‑ya mai kahiyari‑nima owa‑ya mai kahiyarahareboneni. Owa‑ya mai kahiyari awira, Okobi owa‑ya yose‑mari‑ya mai kahiyaraharirani.

Yowaho 5:23 ပူးပေါင်းရင်းမြစ်များ

Mateo 10:37

Owa dai nofi nafibisahi. Abi, ami, mai na, mai dai nofi bi‑bidi nahi. Dai‑ka madehe dai nofi bi‑bidi nahi. Owa‑ya mai nofi nafira, oka mai tohi awirani.

Mateo 11:27

Oda‑ya hiyaramatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomakineni. Dai‑ya okasomara‑mani, Okobi‑ya dai watora neni.

Mateo 12:21

Oka yo‑yose‑ya Bara mai watoya, mai habi siitonamaraboneni.” Deoso‑ka yama hani ati nineni. Fare ati‑nima yama nawahani.

Mateo 15:8

‘Owa‑ya mai nofamone mai ati na, hiniya keyehe‑ya mai hirina, owati‑ya mai tokadabarani.

Mateo 28:19

Mai tabori dami‑ya dai tokahi. Owa tamine dai hiyarahi. Mai‑ya dai habanirisahi. Okobi, Deoso Bidi, Deoso‑ka Doni ne oni‑ya mai weyenaboneni.

Roka 10:16

Hika mai da‑daba mai‑ya hiyare, “Dai ati‑ya mai tokadaba owati‑ya mai tokadabahareni. Dai ati‑ya mai nofara owati‑ya mai nofaharirani. Owati‑ya mai nofara owa‑ya yose‑mari ati‑ya mai nofaharirani.” Yeso ati nematane.

Yowaho 14:1

“Dai atibodi yama‑ya dikariyahi. Deoso ati dai nofiyahi. Owati‑ya dai nofahari, dai nahi.

Yowaho 16:14

Ati ene owa ene amosa dai watowahaboneni. Oka yama tamine‑ya kaminebonane.

Yowaho 17:10

Oka yama nafi toha tika tohahari, tika yama nafi toha oka mai tohahari neni. Owa‑ya mai watowahini.

Homa 1:7

Homa‑ya dai wi‑wina Deoso dai‑ya nofe, dai‑ya kadikematane, Deoso‑ka dai tohabonehe. Dai‑ka yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito mai fama, dai‑ya mai kasoma, dai atibodi ati dai‑ya soma teni.

Homa 15:12

“Yese‑ka nodi kobonebonane, Bara mai‑ka hidi‑bonaha. Yese‑ka nodi Ati Amosabote‑ya Bara mai nofawahaboneni.” Isa·iya ati nematane, Deoso‑ka yama hani‑ya.

Homa 6:22

Dai ene‑maro dai‑ya yaditonamara, dai manakone abawaha, hibayata Deoso‑ka dai toha, dai ene amosawama, dai manakone amosawamahari na, makobote Deoso tabaro‑ya dai winaboneni.

Homa 8:9

Deoso‑ka Doni dai‑ya sawi, dai‑ka hidi tohawahe, dai atibodi bote dai‑ka hidi tohami awira, ati dai tokadabamaraboneni. Kirisito ene Deoso‑ka Doni dai atibodi yati‑ya sawitene. Deoso‑ka Doni dai‑ya sawire‑mana, Kirisito‑ka dai tohi awira neni.

Korito daidi 1:3

Ai‑ka Abi i‑di Deoso, ai‑ka Ayo i‑di Yeso Kirisito mai fama, dai‑ya mai kasoma, dai atibodi dai‑ya ati soma teni.

Korito daidi 10:31

Yama dai kaba, yama dai fawa na, dai ene Deoso‑ya mai kahiyarabisiya, yama sibaraboneni.

Korito daidi 16:22

Ai‑ka Hidi ati‑ya mai nofara, Deoso mai‑ya nakomebonane. “Yeso, oda‑ka Hidi amatini. Kama kanibote tinahi.” Oteni.

Korito daidi 6:19

Ai abano Deoso‑ka Doni tabaro toha, ai‑ya Deoso hika Doni‑ya nawine, tika hidi tihara, Deoso tika hidi tohabisane.

Korito yoto‑ke 1:9

Oda ababa amanikani oda ati na, oda kasomi‑ya oda watora Deoso‑ta oda kasomi‑ya watone. Oda abano abiya, Deoso oda‑ya nakitamebona oda atibodi ati namaroni.

Korito yoto‑ke 13:14

Deoso‑ya dai tamine ohiyara, ai‑ka Hidi Yeso Kirisito dai‑ya kasome, Deoso dai‑ya nofe, Deoso‑ka Doni dai‑ya sawinebona oteni. Feye amani.

Korito yoto‑ke 5:14

Yeso Kirisito ai‑ya nofi nafi ene dai‑ya oda kaminamaroni. Ai nafi manakone‑ya nanahabebona, abematane. Ai manakone aba ene ai abamete‑nima ai nawaha, ai manakone wadamarani.

Korito yoto‑ke 5:19

Deoso ati ene mai nafi manakone‑ya Yeso nanahabe, ati‑ya mai no‑nofa mai ihi‑maro‑ya kadikamaterebona oda ati nabone Deoso ati nane.

Efesiyo 6:24

Deoso‑ya ohiyara, “Abi Deoso, mai‑ya tikasoma, mai‑ya tiwakasomi fawateriyahi. Tika dao, i‑di Yeso Kirisito‑ya mai nofi nafe, mai tikasoma, mai abateraboneni.” Oteni. Feye amani.

Timoti yoto‑ke 1:12

Deoso ati‑ya ohiyara, kadeya‑ya owa‑ya mai nawaa, kadeya‑ya owaa, oyawi awirani. Sibarabone owatibodi ati nani. Deoso owato, ati onofe, owa‑ya nawadebona, owa‑ya kayawebonane. Hika yama ani·ona‑ya kayafatene. Makobote Yeso kamataseya, oka yama‑bone‑ya daanebonane.

Ebereo 1:6

Bidi‑ya yose, oda tabaro‑ya Bidi winebona, hika yo‑yose mai dami‑ya hiyare, “Oka dao dai kahiyarahi.” Deoso ati nematane.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.

Yowaho daidi 2:23

Deoso Bidi‑ya mai nofara, Deoso‑ya mai nofaterani. Deoso Bidi‑ya ai nofa, Deoso‑ya ai nofahari teni.

Yowaho yoto‑ke 1:9

Yama nafi‑ya mai watobisamone mai ati na, Kirisito ati‑ya mai tokadabara, Deoso mai‑ya sawiterene. Kirisito ati‑ya mai tokadaba, Deoso mai‑ya sawi, Deoso Bidi mai‑ya sawi tene.