Yowaho 5:22 - Deoso-ka Yama Hani

²² Mai ihi‑ya Okobi kadikare, owa‑ya yosemarine, mai ihi okadikabisabonehe.

Yowaho 5:22 ပူးပေါင်းရင်းမြစ်များ

Mateo 11:27

Oda‑ya hiyaramatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomakineni. Dai‑ya okasomara‑mani, Okobi‑ya dai watora neni.

Mateo 16:27

Deoso‑ka yo‑yose mai eyehe okomatasabone, Okobi wehene owa‑ya sawibonane. Bofe‑ka dai ene‑nima dai ene manakone na daa·onaboneni.

Mateo 28:18

Makobote Yeso oda‑ya kobone, oda‑ya hiyare, “Neme, Bofe na‑ka hidi ohawahineni.

Yowaho 17:2

Abi, tiwa ene mai nafi‑ka hidi ama·oni. Owa‑ya mai daatinamaro owa ene mai abateraboneni.

Yowaho 3:35

Deoso Bidi‑ya nofi nafi, yama nafi‑ya Bidi‑ya daanane.

Yowaho 5:27

Deoso ati ene dai‑ka Ayo neme‑ke dai ene‑ya kadikebonane. Hini dai ene‑nima dai manakone na daa·onaboneni.

Yowaho 9:39

“Bofe‑ya okemaroni, dai nafi ene okadikabonehe. Yama‑ya mai awaramaro, yama‑ya mai awawahaboneni. Yama‑ya mai ati awamaro, yama‑ya mai awami awiraboneni.” Yeso ati nemarine.

Yeso‑ka yo‑yose mai tamine 10:42

Oda‑ya hiyare, ‘Owa tamine mai‑ya dai hiyarahi. Owati‑ya mai nofiya, sibaraboneni. Mai hasina mai toha, mai abamete mai toha, mai na, Deoso ene mai ihi okadikaboneni.’ Ati nemarine.

Yeso‑ka yo‑yose mai tamine 17:31

Yeso ai ene‑ya kadikebona‑ke mahi‑ya Deoso wato, hibati‑ya Yeso‑ya kadikemata, Deoso ati‑mata‑nima yama nabone ai wato, Yeso‑ya nakitamebona ati nemata, Yeso‑ya nakitamane.” Baoro ati nemonane.

Homa 2:16

Ai ene ai kema‑ya ai one watoterani. Deoso‑ta ai ene‑ya watotene. Ai atibodi ati ai one himitara‑ya Deoso mitatene. Makobote yama ai kemamaro‑ya Deoso kadika, ai atibodi ati‑ya kadika nebonane. Deoso ene Yeso Kirisito ai ene‑ya kadikebona tamine okaminateni.

Korito yoto‑ke 5:10

Yeso Kirisito noko‑kaya ai waa, ai ene‑ya kadikebonane. Ai ene amosa‑ya kadika, ai ene amosara‑ya kadika nebonane. Ai ene‑nima ai manakone naboneni.

Timoti yoto‑ke 4:1

Yeso Kirisito kamataseya, ai nafi ene‑ya kadikebonane. Ai hasina, ai ene‑ya kadika, mai abamete mai ihi‑ya kadika nebonane. Ai one‑ya kayafa, ai one‑ya sarikana nebonane. Deoso owati‑ya mite, owati timitaharihi.

Bedoro daidi 4:5

Mai ihi‑ya Yeso kadikebonane, mai manakone‑ya daanebonaha. Mai one hasina toha, mai one aba toha na, mai tamine‑ya mai kaminabone, mai ihi‑nima mai manakone‑ya Yeso daanebonane.