Yowaho 5:20 - Deoso-ka Yama Hani

²⁰ Okobi owa‑ya nofi nafi, yama nafi‑ya owa‑ya yofikane, owa ene kitamaro, Okobi ene owa ene kitawahabone, dai awiya, dai atibodi yama‑ya kadikawahaboneni.

Yowaho 5:20 ပူးပေါင်းရင်းမြစ်များ

Mateo 11:27

Oda‑ya hiyaramatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomakineni. Dai‑ya okasomara‑mani, Okobi‑ya dai watora neni.

Mateo 17:5

Bedoro hiyaranasa neya, neme sabi wahi wada mai‑ya barikanameteni. Neme sabi‑ya ati kaki, “Oka Dao amane. Oka Dao onofi nafi, ati dai tokadabahi.” Ati nematane.

Mateo 3:17

Neme‑ya ati kaki, “Oka Dao amane. Oka Dao onofi nafineni. Ene amose, ene ya‑yai·oneni.” Ati nematane.

Mateo 4:8

Adami webote‑ya Yeso‑ya Diaboro towakame, mai tabori dami‑ya yofikanematane.

Roka 10:22

Yeso ati yananamatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomake, dai‑ya okasomara‑mani, Okobi dai watora neni.” Yeso ati nematane.

Yowaho 1:18

Deoso ai aware tamine‑ya Bidi kaminemarine. Bidi yokana Badi‑ya famene.

Yowaho 10:32

“Deoso ene owa ene amosa, owa ene kitabote amani. Owa ene dai awamaro, owa‑ya dai ati nanahabi‑ka dai yofikanahi.” Yeso ati nemarine.

Yowaho 14:12

Owati amosabote dai mitahi. Owati mai nofiya, owa ene‑nima mai ihi nawahaboneni. Okobi‑ya okomiya, Okobi ene mai ihi kitawahaboneni. Owa ene kiti bi‑bidi namaro, mai ihi kiti ba‑basi naboneni.

Yowaho 15:15

Hidi‑ka yo‑yose mai‑ya hini tamine‑ya kaminaterene. Oka no‑nofa dai amani. Okobi ati nafi‑ya dai‑ya okaminateni. Oka yo‑yose dai tohamaro, oka no‑nofa dai tohawahineni.

Yowaho 17:26

Mai‑ya tiwa yofi·okanamaro, tiwa yofi·okateboneni. Tiwa‑ya mai wato, owa tinofi nafe‑nima mai ibi nofabone, mai‑ya osaweboneni.” Yeso ati nemarine.

Yowaho 3:35

Deoso Bidi‑ya nofi nafi, yama nafi‑ya Bidi‑ya daanane.

Yowaho 5:21

Mai aba mai‑ya Okobi nakitame‑nima onabone, mai‑ya owati nakitama mai onakitamabone, owa ene mai abaraboneni.

Yowaho 5:25

Owati amosabote dai mitahi. Deoso Bidi ama·oni. Mai aba mai haa·oniya, mai kitamawahaboneni.

Yowaho 5:29

owati‑ya mai mitiya, mai nafi kitamawahaboneni. Mai ihi amosamaro mai abaraboneni. Mai ihi amosaramaro mai wee·obisaboneni.

Bedoro yoto‑ke 1:17

Badi i‑di Deoso amosabote neme‑ya ati kaki, ati oda mitemari, ati oda kaminineni. “Oka dao amane. Oka dao onofi nafi. Oka dao ene ya‑yai·oneni.” Neme‑ya Deoso ati nemarine. Deoso amosabote‑nima Bidi amosabote tohane.