Yowaho 4:34 - Deoso-ka Yama Hani

³⁴ “Yama kaba tamine ohiyari awirani. Dai tafa dai ya‑yaiteni. Owa‑ya yose‑mari ati‑nima owa ene niya, ati‑nima yama hawa·oniya, ya‑yai·oteni.” Yeso ati nemarine.

Yowaho 4:34 ပူးပေါင်းရင်းမြစ်များ

Mateo 26:39

Ahiyata‑ya Yeso toke, hini home‑ya hini tamine‑ya Deoso‑ya hiyare, “Abi, yama towe yananabone, yama kobonabone onofarini. Owati‑nima yama riyahi. Hini tiwati‑nima yama nibisiyahi.” Yeso ati nemarine.

Mateo 3:15

“Sibaraboneni. Owa habatinirisiya, Deoso ati‑nima ai teni.” Yeso ati nematane. Ati ene Yowaho habahinirisematane.

Mateo 9:19

Yeso waamisame, hika mai da‑daba mai eyehe tokomakimarine.

Roka 15:10

Owati dai mitahi. Deoso ati‑ya ai owa nofaremari, Deoso ati‑ya nofawaheya, Deoso‑ka yo‑yose mai sawi‑kaya mai ya‑yaiteni.” Yeso ati nematane.

Roka 19:10

Bofe‑ya dai wi‑wina dai‑ya okemaro, Deoso hawine dai watora dai‑ya siba·onaboneni, dai okayafabonehe.” Yeso ati nematane.

Roka 2:49

“Okobi noko·onihe, Okobi‑ka yobe‑ya osawe, hini yamata ihi owa‑ya sibatiniti?” Yeso ati nematane.

Yowaho 17:4

Tiwati‑maro‑nima ona, owa ene‑ya mai awa, tiwa‑ya mai watowahani.

Yowaho 19:28

Yama nafi hawa toha, fara Yeso hiwata, ati yanane, “Owa bako hokoni.” Ati nemarine, Deoso‑ka yama hani ati‑nima yama nabonehe.

Yowaho 19:30

Fino‑ya to‑tomine, “Yama nafi hawa tohini.” Ati ne, tati winarise, abemarine.

Yowaho 4:32

“Owa tefe‑bone tohani.” Yeso ati nemarine.

Yowaho 5:30

Hini owati ihi tohara, Deoso ati ene mai ihi okadikabisaboneni. Owa‑ya yose‑mari ati‑nima mai‑ya wee·owahaboneni.

Yowaho 5:36

Yowaho ati amosi bi‑bidi nane. Okobi ene owa ene kitabote, owa ene dai awiya, Okobi owa‑ya yose‑mari dai watowahaboneni.

Yowaho 6:33

Neme‑ya yanane, bofe‑ya kise, ene dai abarabone, fare Deoso‑ka baho amane.” Yeso ati nemarine.

Yowaho 6:38

Bofe‑ya okemaroni, Okobi ati‑nima onabonehe. Owa‑ya yose‑mari ati‑nima oteni. Hini owati‑nima oterani.

Yowaho 8:29

Owa hari terani. Owa‑ya yose‑mari owa‑ya famatene. Okobi yama hinofa‑nima oteni.” Yeso ati nemarine.

Yeso‑ka yo‑yose mai tamine 20:35

Dai yofi·okana, yama‑ya ani·ona, dai kiyana, dai okasoma, onamaro, owa‑nima dai niyahi. Dai yofi·okanani. Yeso ati‑ya dai ati kadamowamariyahi. ‘Yama‑ya dai‑ya mai daana, Deoso dai‑ya kasomi bi‑bidi, yama‑ya dai daana, Deoso dai‑ya kasomi ba‑basi nibisane.’ Yeso ati nemona,” Baoro ati nemarine.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.