Yowaho 4:23 - Deoso-ka Yama Hani

²³ Deoso ai nofiya, Deoso‑ya ai atibodi kahiyariya, Deoso ya‑yaitene. Fara dai watowahaboneni.

Yowaho 4:23 ပူးပေါင်းရင်းမြစ်များ

Yowaho 1:17

Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Yowaho 12:23

“Dai‑ka Ayo neme‑ke ama·oni. Owa ene amosabote‑ya mai awaboneni. Fara yama kobo kanibote naboneni.

Yowaho 16:2

Dai‑ya mai ati barinaboneni, Deoso‑ya mai hi‑hiyara‑ke yobe‑ya dai tokiyomamarabonehe. Dai‑ya mai nanahabiya, ‘Oda ene Deoso ya‑yainane.’ Mai atibodi ati naboneni.

Yowaho 16:32

yama nahorabone, fara hibayata dai kananaboneni. Owa dai dabami awirabone, dai tabaro‑ya dai tokomaboneni. Owa hari awirabone, Okobi oda famaboneni.

Yowaho 4:21

“Owati timitahi. Yama one‑ya ai‑ka Abi i‑di Deoso‑ya ai ati kahiyariya, Yerosare‑ya oda tokomarihi, dai tabaro‑ka adami webote‑ya dai tokomorosamarihi, hini ai sawi‑kaya Deoso ai kahiyara, ai nawahaboneni.

Yowaho 5:25

Owati amosabote dai mitahi. Deoso Bidi ama·oni. Mai aba mai haa·oniya, mai kitamawahaboneni.

Yowaho 5:28

Dai atibodi yama‑ya kadikariyahi. Mai abamaro, hini mai tame‑ya mai sawe owati‑ya mai mitabone,

Homa 1:9

Deoso ati onofi nafe, Yeso Ati Amosabote okamina, dai tamine ohiyara oteni, Deoso‑ya. Dai tamine ohiyaranade‑ya Deoso watone.

Homa 8:15

Mai mai hikanikamaro mai‑ka hidi mai‑ya nofare awane. Mai‑ka hidi‑nima ai‑ka hidi re, Deoso ai‑ya nofe, hika Doni‑ya ai‑ya daane, ai‑ya ewe ne, ati ene ai kakomehera, ai ya‑yainibisa, “Abi Deoso” ai ati teni.

Homa 8:26

Ai atibodi yama nafi‑ya watora, Deoso‑ka Doni ai‑ya kanawatotene. Deoso‑ya yama‑ya ai atibodi haanabone, yama ai watora‑ya Deoso‑ka Doni Deoso‑ya basane, ati ai mitare, Deoso‑ta ati himitatene.

Karatiya 4:6

Deoso bidi ai tohawaha, Deoso‑ka Doni ai atibodi‑ya sawi ene Deoso ai Abi nineni. Deoso ai‑ya ewe tene. “Abi Deoso” ai ati teni.

Efesiyo 6:18

Yama soki‑ya sodado mai nafi amorani. Mai one amona, mai one‑ya mai kakatoma teni. Sodado mai hama, mai ihi mai sotatorabonehe. Fara mai‑nima dai nahi. Dai noko wadahi. Dai one tamine‑ya Deoso‑ya dai atibodi hiyarahi. Satanasi‑ka keyehe‑ya mai nofarabonehe.

Firibo 3:3

Deoso ai atibodi‑ya namose ene Deoso‑ka ai tohateni. Ai abano wisina ene tohaterani. Deoso‑ka Doni ai‑ya sawi, Deoso‑ya ai kahiyara, Yeso Kirisito ene ai ene amosawamateni. Mai sowiri tati ataro wisina ihi mai‑ya mai kahiyara, ai ataro ene ai‑ya ai kahiyaraterani.

Bedoro daidi 2:9

Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.