Yowaho 4:14 - Deoso-ka Yama Hani

¹⁴ Oka faha‑ya mai fawiya, mai baki hokomarani. Wami hodi‑ka faha kimisa‑nima oka faha kimisabone, tosiyoraboneni. Oka faha‑ya mai fawiya, mai abateraboneni.” Yeso ati nematane.

Yowaho 4:14 ပူးပေါင်းရင်းမြစ်များ

Mateo 25:46

Mai ihi amosara mai toka, mai kome fawateraboneni. Mai atibodi amosa mai abaterabone‑kaya mai tokaboneni.” Yeso ati nemarine.

Mateo 5:6

‘Owatibodi amosawamaboneni.’ Dai atibodi ati na, Deoso dai‑ya kasomebona, dai atibodi‑ya namosi nafibonane.

Yowaho 10:10

Yama‑ya mai bo‑boti kaneiro mai tabori‑ya mai kakiya, ‘Awa yara bai onahabiya, kaneiro o·idiya, kaneiro onahababoneni.’ Mai atibodi ati teni. Kaneiro mai abarabone, mai tabori‑ya okemaroni. Mai ya‑yaini nafebone, mai tabori‑ya okemaroni.

Yowaho 11:26

Owati‑ya mai no‑nofa yama kome fawaterabone‑kaya mai sawiteraboneni. Maata, owati tinofiraniha?” Yeso ati nemarine.

Yowaho 4:10

“Owa tiwato awirini. Deoso owa‑ya yosemarine. Owa tiwata‑mani, tika faha‑ba haatina neni. Faha haatiniya, faha daa·ona neni. Oka faha‑ya mai fa‑fawa mai baki hokomarani.” Yeso ati nematane.

Yowaho 4:11

“Tika yama wiye wadara, hodi koweni. Ebeni‑ya tika faha toha?

Yowaho 4:13

“Hodi‑ka faha‑ya mai fa‑fawa mai baki hokomarimateni.

Yowaho 4:36

Yamata‑ya mai kakama, mai ihi amosa manakone wadateni. Mai ihi ai one abateraboneni. Yamata noki‑ya mai werena, yamata‑ya mai kakama, mai na, mai nafi ya‑yainaboneni.

Yowaho 6:27

Yamata dai nokotoniriyahi. Yamata batateni. Oka yamata bara ihi dai abaterabone, fara dai nokotonibisahi. Okobi i‑di Deoso owa‑ya yose, owa‑ya kayawemarine. Yamata bara dai‑ya daa·onaboneni. Dai‑ka Ayo neme‑ke ama·oni.” Yeso ati nemarine.

Yowaho 6:35

“Deoso‑ka baho ama·oni. Owa ene mai fimiraboneni. Owa‑ya mai nofa mai fimimarihi, owati‑ya mai nofa mai baki hokomarihi teboneni.

Yowaho 6:58

Neme‑ka baho amosabote ama·oni. Mana‑ya ai‑ka idi mai kaba, mai abametemoneni. Oka baho‑ya mai kaba, mai abateraboneni.” Yeso ati nemarine.

Yowaho 7:37

Feriado‑ka mahi faina tohe, fare amosabote tohe‑ya Yeso mai‑ya hiyaramatase, ati kite, “Dai bako hokoya, owa‑kaya dai kamahi. Oka faha dai fawahi.

Homa 5:21

Ai ene towe manakone ai nafi ababone Deoso ai‑ya kasome, ai‑ka Ayo Yeso Kirisito ene amosabote ene ai‑ya Deoso ati somawame, Yeso ene amose‑nima ai ene na, Deoso ai‑ya awawahe, Deoso tabaro‑ya, ai nafi winawahaboneni.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Korito yoto‑ke 1:22

Deoso oni ai‑ya sawi, hika Doni ai atibodi‑ya sawi ne, ati‑nima yama nabone ai watoboneni.

Efesiyo 4:30

Deoso‑ka Doni dai‑ya sawi, dai ene Deoso‑ka Doni yawarayaho. Deoso‑ka Doni dai‑ya sawi, Deoso tabaro‑ya dai winabone dai watoneni.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.

Yeso Kirisito ene‑bona 7:16

Mai fimimarihi, mai baki hokomarihi, mahi hewene mai‑ya natirihi, yama hiwe mai‑ya sarikarihi naboneni.

Yeso Kirisito ene‑bona 7:17

Hidi Webote‑ka kadera amosa yowi‑ya Kaneiro Bidi wai, Bani hidi hika bani mai‑ya kakatomi‑nima Kaneiro Bidi hika mai‑ya kakatominebonane. Bani hidi faha kimisa‑ya yofikitine. Bani mai baki hokorabone‑nima Kaneiro Bidi ene mai ya‑yaiteboneni. Deoso ene mai ohinamaraboneni.” Hidi bi‑bidi ne ati nene.