Yowaho 3:3 - Deoso-ka Yama Hani

³ “Owati amosabote timitahi. Mai wadamatasara Deoso ai nafi‑ka hidi kitabote tohawahebona‑ya mai sawiraboneni.” Yeso ati nemarine.

Yowaho 3:3 ပူးပေါင်းရင်းမြစ်များ

Mateo 16:17

“Simaho, Yona bidi amatini. Ya‑yaitinahi. Owa tiwatobisineni. Bofe‑ka mai ihi tohi awira, Okobi neme‑ke ene yama tiwatowahani.

Mateo 19:24

Owati dai mitahi. Akoye hodone‑ya kamero tokiyomaterene. Fara‑nima mai naboneni. Mai yahi hone dama Neme‑ke ai nafi‑ka hidi kitabote tohawahebona‑ya mai dami sawiraboneni.” Yeso ati nemarine.

Mateo 21:31

Ebeni‑ke badi ati‑ya tokadababisati?” Yeso ati ne, “Bidi daidi badi ati‑ya tokadababisane.” Mai ati namaroni. “Owati amosa dai mitahi. Kofeno‑ka yinero‑bona‑ya mai ha‑haa mai toha, fana towe mai toha na, Neme‑ke ai nafi‑ka hidi kitabote tohawahe‑ya mai sawebone, dai‑ta dai sawiraboneni.

Mateo 5:18

Owati amosa dai mitahi. Neme aba, bofe aba naboneni. I‑di Mose‑ka yama hani ati kote fawaterabone, ati‑nima yama nawahaboneni.

Maroko 10:14

Yeso hika mai da‑daba mai ati‑ya mite, yawe, ati yanane, “Madehe dai ati baririyahi. Madehe owati‑ya nofa, madehe‑nima mai na Deoso ai nafi‑ka hidi kitabote tohawahe‑ya mai saweboneni.

Maroko 9:47

Tiwa nokobodi one ene yama towe nokotiniya, tiwa noko one sobatinakihi, yama towe‑ya nokotinimarabonehe. Deoso ai nafi‑ka hidi kitabote tohawahe‑ya tiwa noko ohari‑ya tisawiya, yama sibabisaraboneni. Tiwa noko fami‑ya ti·abiya, tikitamiya, wara hirini‑kaya tikiya, yama towe tohaboneni.

Yowaho 1:13

Deoso bidi ai tohabone, fana dori‑ya ai wadamatasi awiramaroni. Ai owa ene tohi awire, Deoso hini ene bidi ai tohawahamaroni.

Yowaho 1:5

Ai watoremari yama wahi‑nima ne ai‑ya yofikane, yama soki‑ka mai toha mai ati maahikanebona mai ati na, mai kitara, mai maahikaremarine.

Yowaho 1:51

“Owati amosabote dai mitahi. Dai‑ka Ayo neme‑ke ama·oni. Neme seekaniya, Deoso‑ka yo‑yose owa‑ya mai kisiya, mai tokomatasa, mai dai awaboneni.” Yeso ati nemarine.

Yowaho 12:40

“Yama‑ya mai awa, Deoso hini ati ene yama‑ya mai watora, tamine mai himite, Deoso hini ati ene tamine mai hiwatorane. Mai ihi‑maro‑nima mai ihi namariya, mai‑ya Deoso kasomane.” Isa·iya ati nematamonane.

Yowaho 3:4

“Bote ai toha ai‑ka ami dori‑ya ai foyamarani. Hini yamata‑nima ai nibati, ai wadamatasabonehe?” Nikodimo ati nemarine.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Korito yoto‑ke 5:17

Yeso Kirisito‑ka ai toha, ai yati tohawaha, hibati‑ka ai ene amosaramaro, ai ene amosa yanarabateni.

Karatiya 6:15

Yeso Kirisito ati ai tokadaba, ai sowiri tati ataro aba, sibarihi, ai sowiri tati ataro abara, sibarihi nineni. Ai atibodi yati tohawaha‑ya Deoso nofabisane.

Efesiyo 2:1

Hibati‑ya Deoso ati dai tokadabara, dai ene amosara ene dai aba‑nima dai namaroni.

Tito 3:5

Ai ene tohara. Deoso ai‑ya nofi nafi, ai‑ya kasome, ai ene amosaramaro, ai atibodi‑ya Deoso awe, ai bisa toha‑nima ai atibodi na, Deoso ene ai atibodi yati tohawaha, ai bisa toha, ai‑ya ai sokona‑nima ai atibodi yati tohawaha nineni. Deoso ene‑nima ai ene nawahabone, Deoso‑ka Doni ai‑ya sawi, yama amosa ai watoni.

Tiyako 3:17

Deoso ene yama‑ya mai wato yokana toha, mai ihi amosa mai ibi weerihi, mai ati kitarihi, mai one ati‑ya mai mita, mai one tosaware, mai‑ya mai ati somawamateni. Mai ihi amosa dama, mai dami‑ya mai nofa, mai atibodi ati‑nima mai ihi teni.

Bedoro daidi 1:3

Ai‑ka Abi ai kahiyarahi. Ai‑ka Hidi i‑di Yeso Kirisito‑ka Abi i‑di Deoso amosabote amane. Ai‑ya nofe, ai‑ya kadike ene ai wada yati‑nima ai nawahani, Deoso bidi ai tohawahabonehe. Deoso bidi ai toha, Bidi i‑di Yeso Kirisito‑ya nakitame‑nima ai‑ya nakitamebona ai nimaneni.

Yowaho daidi 2:29

Yeso Kirisito ene amose hinama tohemari, mai ihi amosa, Deoso bidi mai toha, mai ihi dai awiya, mai ihi amosa, Deoso bidi mai toha, mai dai watowahaboneni.

Yowaho daidi 3:9

Deoso bidi ai toha, ai ene towe hinama tohateraboneni. Ai‑ka abi ene‑nima ai ene nabone, Deoso bidi ai toha, ai ene amosawamaboneni.

Yowaho daidi 5:1

Kirisito i‑di Yeso tohene ai atibodi ati na, Deoso bidi ai tohateni. Ai‑ka Abi i‑di Deoso ai nofa, bidi mai ai nofahari teni.

Yowaho daidi 5:18

Deoso bidi ai toha, mahi‑nima ai ene amosara hinama toha terani. Deoso Bidi ai‑ya nawade, Satanasi ai‑ya kayafaterebonane.

Yowaho daidi 5:4

Deoso bidi ai toha, Deoso ati‑ya ai nofa Satanasi ati‑ya ai nofarani.

Yeso Kirisito ene‑bona 3:14

“Yama hani tikanahanohi. Deoso‑ya mai hi‑hiyara‑ke yobe Raodiseya‑ya wai, yobe hidi‑ya daatinahi. Deoso ati‑nima owati na, keyehe‑ya hiri·otera, Deoso fara oda ati kafamineni. Deoso ati ene yama nafi‑ya wama·onamaro, fara owati amani.