Yowaho 3:19 - Deoso-ka Yama Hani

¹⁹ Yama wahi‑nima ne bofe‑ya kobone, bofe‑ya mai wi‑wina yama towe‑ya mai nokotonihe, yama wahi‑nima ne‑ya mai nofarani. Hini mai ihi mai manakone hasinasa neni.

Yowaho 3:19 ပူးပေါင်းရင်းမြစ်များ

Yowaho 8:12

Mai naha mai‑ya hiyare, “Bofe‑ka mai‑ka yama wahi‑nima ona ama·oni. Deoso hawine yofi·okaneni. Owati‑ya dai tokadaba yama soki‑ya mai ya‑yaka mai‑nima dai ni awira, yama wahi ihi dai abaraboneni.” Yeso ati nemarine.

Tesaronika yoto‑ke 2:12

Deoso ati‑ya mai nofaramaro, Satanasi‑ka owa ati‑ya mai nofabisa, mai ya‑yainaboneni. Mai ihi amosara‑ya mai nofamaro, hini mai ihi mai hatiwahaboneni.

Homa 2:8

Mai one hini mai‑ya mai nofabisa, Deoso ati‑ya mai nofara, Satanasi ati‑ya mai nofa, hini mahi‑nima mai ihi towe toha, mai ihi Deoso yawi kiteya, mai‑ya nakomeya, Deoso yawe‑ya mai watowahaboneni.

Yowaho 12:43

Ai one ati‑ya mai nofi ba‑basi na, Deoso ati‑ya mai nofi bi‑bidi neni.

Homa 1:32

Mai ihi amosara‑ya mai nokotonihe, hini mai ihi‑ya mai saatonakosara. Deoso mai hinahababone, hini mai‑ya mai watobisa, mai korikasara, mai ihi‑nima mai one ihi namakitasa, mai ya‑yainibisineni.

Yowaho 5:44

Hini dai hinama dai ibi kahiyarabisa, Deoso dai‑ya kahiyarebona‑ya dai nokotonirani. Fara ihi owati dai nofarani.

Bedoro yoto‑ke 3:3

Yama dai watohi. Yeso kami yakari‑ya dai‑ya mai hahakanaboneni. “Yeso kamebona dai ati na, Yeso kamaterebonane.” Mai ati naboneni. Mai atibodi towe ati‑nima mai naboneni.

Yowaho 1:4

Deoso‑ya Yo‑yofikana ene ai hasina, ene ai one abaraboneni. Deoso‑ya Yo‑yofikana yama wahi‑nima ne ai‑ya yofikanemarine.

Roka 12:47

Dai‑ka hidi ati dai mita, dai‑ka hidi ati‑nima dai ni awiriya, dai‑ka hidi dai‑ya kosini kitebonane.

Bedoro daidi 2:8

Yati‑ya mai taratokana, yati ihi mai yawawahani. Yeso ati‑ya mai nofara, ati‑ya mai taratokateni. Mai ihi‑bone‑ya Deoso watomatane.

Yowaho 7:7

Dai‑ya mai kakoterani. ‘Mai ihi amosarani.’ Ona, owa‑ya mai kakoteni.

Yowaho 7:17

Deoso ati dai tokadabiya, hini owati ihi owati yanara, Deoso ati ene owati yananibisa dai wataboneni.

Roka 16:14

Fariseo yinero‑ya mai nokotoniteni. Yeso ati‑ya mai mita, “Yeso yama‑ya watorane.” Mai ati nameteni.

Yowaho 1:5

Ai watoremari yama wahi‑nima ne ai‑ya yofikane, yama soki‑ka mai toha mai ati maahikanebona mai ati na, mai kitara, mai maahikaremarine.

Yowaho 9:5

Bofe‑ya owina, dai nafi‑ka yama wahi‑nima oneni, yama dai watabonehe.” Yeso ati nemarine.

Yowaho 12:31

“Hibayata bofe‑ke mai ene Deoso kadikebonane. Hibayata bofe‑ke mai‑ka hidi‑ya Deoso kananebonane.

Yowaho 12:46

Yama wahi‑nima oneni. Owati‑ya mai no‑nofa yama soki‑ya mai yakanamarabone ihi okemaroni.