Yowaho 3:18 - Deoso-ka Yama Hani

¹⁸ Bidi ati mai hinofeya, mai ihi towe manakone wadamarani. Deoso Bidi ati‑ya mai nofara mai ihi manakone hasinasa neni. Deoso Bidi yokana oharine.

Yowaho 3:18 ပူးပေါင်းရင်းမြစ်များ

Maroko 16:16

Deoso ati amosabote ati‑ya mai nofa, mai dai habanirisiya, Deoso tabaro‑ya mai saweboneni. Deoso ati amosabote ati‑ya mai nofara, wara hirini‑ya mai‑ya weenebonane.

Yowaho 1:12

Abano oda nofa, ati oda nofa ne, ati ene Deoso bidi oda tohawahamaroni.

Yowaho 1:18

Deoso ai aware tamine‑ya Bidi kaminemarine. Bidi yokana Badi‑ya famene.

Yowaho 20:31

Yeso ene kote okanahano, Yeso tamine dai nofebonaha. Yeso i‑di Kirisito amane. Deoso Bidi amane. Tamine dai nofeya, Yeso ene dai abaraboneni.

Yowaho 3:16

Bofe‑ka dai nafi‑ya Deoso nofi nafi, Bidi yokana ohari‑ya yose, Bidi ati dai no‑nofa yama kome fawaterabone‑kaya dai sawirabone, dai abaterabone‑kaya dai sawibisaboneni.

Yowaho 3:36

Deoso Bidi ati ai nofa ai abateraboneni. Deoso Bidi ati‑ya mai nofara Deoso tabaro‑ya mai sawirabone, mai ihi manakone hasinasa nineni.” Yowaho ati nematane.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Yowaho 6:40

Haa‑nima yama na‑ya Okobi nofane, Bidi mai hiawa, Bidi ati mai hinofa hine mai abateraboneni. Yama faina‑bone‑ya mai onakitamaboneni.” Yeso ati nemarine.

Yowaho 6:47

“Owati amosabote dai mitahi. Owati dai no‑nofa dai abateraboneni.

Homa 5:1

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Homa 8:1

Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.

Homa 8:34

Deoso‑ya ai tamine‑ya mai hiyariya, “Mai ihi amosaramaro, mai abahi.” Mai ati naba awineni. Deoso‑ka kanika‑ya Yeso itari, ai tamine‑ya kaminamakiya, “Mai abarabone, mai manakone onahaba, o·aba, okitamamaro, mai manakone amosara wadami awirani.” Ati nebonane.

Ebereo 12:25

Deoso neme‑ya ati yananeya, dai narabo hawihi. Hibati‑ya adami tati‑ya ati yanane, ati mai hinofare, mai abameteni. Neme‑ya ati yananeya, ai narabo hawira, ai abahareboneni.

Ebereo 2:3

Deoso Bidi Badi ati‑ya kamine, ati ai tokadabare, ai manakone amosara ba‑basi nibisaboneni. Deoso Ati Amosabote‑ya Bidi mai‑ya kamine, Yeso ati‑ya mai mita, ati mai hikaminamaki, ati oda mitane.

Ebereo 3:19

Deoso ati‑ya mai nofara, hini mai ihi Deoso tabaro‑ya mai koborameteni.

Yowaho daidi 3:23

Deoso ati dai mitahi. “Oka dao i‑di Yeso Kirisito ati dai nofiya, owati‑maro‑nima dai ibi nofahi.” Deoso ati nemarine.

Yowaho daidi 4:9

Deoso ene ai wato, ai‑ya nofe ai wato ne. Ai‑ya nofi nafi Bidi ohari‑ya daanemarine, ai manakone‑ya nanahabe, ai abarabonehe.

Yowaho daidi 5:10

Yeso ati ai nofa, ai atibodi‑ya Deoso‑ka Doni hiyare, Deoso Bidi i‑di Yeso amane, ati tene. Yeso ati‑ya mai nofara, “Yeso Deoso Bidi tohaterene keyehe‑ya Deoso hirinane.” Mai atibodi ati teni.

Yowaho daidi 5:12

Deoso Bidi ai nofa, ai abateraboneni. Deoso Bidi‑ya mai nofara, mai ababoneni.