Yowaho 3:16 - Deoso-ka Yama Hani

¹⁶ Bofe‑ka dai nafi‑ya Deoso nofi nafi, Bidi yokana ohari‑ya yose, Bidi ati dai no‑nofa yama kome fawaterabone‑kaya dai sawirabone, dai abaterabone‑kaya dai sawibisaboneni.

Yowaho 3:16 ပူးပေါင်းရင်းမြစ်များ

Mateo 9:13

Yama hani ati dai mitahi, ‘Oka bani‑bona mai daana mai ihi ya‑yai·oni nafira, mai ati soma mai ihi ya‑yai·obisaboneni.’ Yama hani ati neni. Mai ihi amosamone mai ati na, mai hima·orani. Mai ihi amosara mai hima·onabone okemaroni.” Yeso ati nemarine.

Maroko 12:6

Ofa hidi hika fai‑ya mai na‑narifa mai one‑ya yosere, bidi‑ya yosebisane. Bidi‑ya nofi nafi, ‘Oka dao ati‑ya mai nofabisaboneni.’ Ofa hidi atibodi ati nene.

Roka 2:14

“Deoso neme‑ya wine, Deoso amosabote amane. Bofe‑ya dai wi‑wina, Deoso dai‑ya nofe, dai ya‑yainahi.” Mai ati nameteni.

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 1:18

Deoso ai aware tamine‑ya Bidi kaminemarine. Bidi yokana Badi‑ya famene.

Yowaho 1:29

Mahi owa‑ya Yowaho Yeso‑ya awe, mai dami‑ya hiyare, “Kamaki dai awaho. Deoso‑ka Kaneiro Bidi amane. Deoso hiyose, bofe‑ya ai wi‑wina ai manakone‑ya nanahabebonane.

Yowaho 10:28

Owa ene oka mai hasinabone, mai abateraboneni. Owa yehe doro‑ya oka mai onawada, mai‑ya mai kahiditeraboneni.

Yowaho 3:15

owati‑ya dai no‑nofa dai abaterabonehe.

Yowaho 3:18

Bidi ati mai hinofeya, mai ihi towe manakone wadamarani. Deoso Bidi ati‑ya mai nofara mai ihi manakone hasinasa neni. Deoso Bidi yokana oharine.

Yowaho 3:36

Deoso Bidi ati ai nofa ai abateraboneni. Deoso Bidi ati‑ya mai nofara Deoso tabaro‑ya mai sawirabone, mai ihi manakone hasinasa nineni.” Yowaho ati nematane.

Yowaho 6:40

Haa‑nima yama na‑ya Okobi nofane, Bidi mai hiawa, Bidi ati mai hinofa hine mai abateraboneni. Yama faina‑bone‑ya mai onakitamaboneni.” Yeso ati nemarine.

Homa 5:10

Deoso ai nofasa riya, Deoso Bidi abe, ai manakone‑ya nanahabematane. Deoso Bidi abe ene ai‑ya ati somawame, Bidi kitame ene ai‑ya weenamarebona, hini tabaro‑ya ai winabone ai watoneni.

Homa 5:8

Ai ene‑nima Deoso ene ni awire, ai ene amosara, ai ababone, Deoso ai‑ya nofi nafi ene Bidi i‑di Yeso Kirisito‑ta ababisane, ai manakone‑ya nanahabebonaha.

Homa 8:32

Deoso ai‑ya nofi nafi, Bidi‑ya kayawi awire, Bidi‑ya yosene, ai manakone‑ya nanahabebonaha. Fare Bidi‑ya daanemata, yama nafi‑ya ai‑ya Deoso daanamakitasebona ai watoneni.

Efesiyo 2:4

Ai‑ya yawe, ai‑ya nofi nafinasa ne, ai‑ya kasomatene.

Tesaronika yoto‑ke 2:16

Ai‑ka Ayo i‑di Yeso Kirisito, ai‑ka Abi i‑di Deoso ne, ai‑ya mai nofa, ai‑ya mai kasomateni. Fara mai ihi Deoso tabaro‑ya ai kobonabone ai watoneni.

Tito 3:4

Hibati‑ya Deoso ai‑ya kayawemari, ai‑ya nofi nafi ene i‑di Yeso ai manakone‑ya nanahabemarine.

Ebereo 2:9

Hibayata yama ai watoneni. Yeso bofe‑ya wine, ai‑nima ne kiti bi‑bidi, bofe‑ya wineya, Deoso‑ka yo‑yose mai kiti ba‑basi, Yeso abe, ai nafi manakone‑ya nanahabe, Deoso hinakitame, hini kiti tohamatase, abamaterebona, amosabote tohawahene.

Yowaho daidi 3:1

Deoso ai‑ya nofi nafi, dai awaho, ai‑ya bidine. Deoso‑ya mai dami watora ene oda‑ya mai watorani.

Yowaho daidi 4:19

Deoso ai‑ya nofi bahe, makobote mai ai nofamakiteni.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.