Yowaho 2:19 - Deoso-ka Yama Hani

¹⁹ “Deoso‑ka yobe‑ya dai nanahabiya, mahi 3 tohe‑ya yobe wama·onamatasaboneni.” Yeso ati nemarine.

Yowaho 2:19 ပူးပေါင်းရင်းမြစ်များ

Mateo 12:40

Hibati‑ya aba doro‑ya i‑di Yona foye, mahi, yama soki na 3 kane‑ya aba doro‑ya foye, aba saahinamematane. Fare‑nima onabone, hodi‑ya ofoyabone, mahi 3 kane‑ya okitamaboneni. Dai‑ka Ayo neme‑ke ama·oni.” Yeso ati nemarine.

Mateo 16:21

Yeso abebona, hini tamine‑ya hiyare, “Yerosare‑ya ai tokaboneni. Yodeo mai‑ka hidi mai bi‑bidi na mai toha, Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, mai na, dai‑ka Ayo neme‑ke ati‑ya mai nofarabone, mai weeni hikitebona, mai hinahabeya, mahi 3 tohe‑ya okitamaboneni.” Yeso ati nemarine.

Mateo 27:40

“Ka! Deoso‑ka yobe tinahabiya, mahi 3 kane‑ya wamatinamatasebona tina, tiwa‑ya tikasomahi. Deoso Bidi amatini, tikisamahi.” Mai ati namaroni.

Mateo 27:63

“Naki, Yeso hasinasa neya, ‘O·abiya, mahi 3 tohe‑ya okitamaboneni.’ Yeso ati ne, keyehe‑ya hirinane.

Maroko 14:58

“‘Deoso‑ka yobe maki mai wamahinemata onahabeya, amoni 3 kane‑ya wama·onamatasaboneni. Owati yananiya, yobe hawa tohebonane.’ Yeso ati nene.” Mai one ati nameteni.

Maroko 15:29

Hawi‑ya mai yakana Yeso baakane awa‑ya waane‑ya mai awa, Yeso‑ya mai weena, mai tati weona, mai ati yanana, “Ka! Deoso‑ka yobe tinahabiya, mahi 3 kane‑ya wamatinamatasebona tina,

Maroko 8:31

Yeso hini tamine‑bona‑ya kamine, “Yodeo mai‑ka hidi mai bi‑bidi na mai toha, Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, mai na, dai‑ka Ayo neme‑ke ati‑ya mai nofarabone, mai weeni hikitebona, mai hinahabeya, mahi 3 tohe‑ya kitamebonane.” Yeso ati nematane.

Yowaho 11:25

“Mai‑ya na‑nakitama ama·oni. Ai abarabone‑ka yama da‑daa ama·oni. Owati‑ya mai nofa owa ene mai abarabone, mai abano abiya, mai abaraboneni.

Yowaho 5:19

Yeso mai‑ya hiyare, “Owati amosabote dai mitahi. Owa ene yama ani·oterani. Okobi ati ene yama ani·obisa, Okobi‑ka yama anini‑nima oka yama aniniteni.

Yeso‑ka yo‑yose mai tamine 2:24

Yeso abano‑ya temene barikiterene. Deoso ene kitame, hini temene‑ke abano wadamare, abe komene wadamare, abamaterebonane.

Yeso‑ka yo‑yose mai tamine 2:32

Deoso ene Yeso kitame, kitami oda nafi awemari, tamine oda hiyarawahineni.

Yeso‑ka yo‑yose mai tamine 3:15

Yeso ai‑ya wamanemata, dai ati ene mai hinahabe, Deoso hinakitame, kitami oda awemarine.

Yeso‑ka yo‑yose mai tamine 3:26

Deoso Bidi‑ya nakitami hawa tohe, dai‑ya hiyosemi dai hihemarine. Dai‑ya kasomebona, dai ene towe tohamarabonehe.” Bedoro ati nemonane.

Yeso‑ka yo‑yose mai tamine 6:14

“Yeso Nasare‑kaya kakimari tamine‑ya Tefaho hiyare, ati oda mite, Deoso‑ka yobe‑ya Yeso nanahabebona, ati ene Mose ati bare tohawahebona ati nene.” Mai ati namoneni.

Homa 4:24

Abaraho tamine‑ya mai kanahanamete Deoso ati ai no‑nofa ai‑ya kasomaharibona ai watonane. Ai‑ka Ayo i‑di Yeso Kirisito‑ya Deoso nakitamemata, ati ai nofe, ai‑ya ati somawame, ai‑ya kasomaharibonane.

Homa 6:4

Yeso abe, yati hodi‑ya mai hinafoye, Deoso kitabote ene Yeso kitamatasane. Yeso kitame‑ka hetarato‑nima ai na, ai‑ya mai habanirisa, ai waamisama, hibati‑ka ai‑nima ai namaraboneni.

Homa 8:11

Deoso‑ka Doni dai atibodi yati‑ya sawi, Yeso Kirisito‑ya Deoso nakitamemata, fare dai‑ya nakitamaharibonane. Deoso‑ka Doni dai‑ya sawi ene dai abano kitamaboneni.

Korito daidi 15:12

Yeso Kirisito abe, Deoso hinakitame tamine oda kaminamaro, hini yamata ihi ai aba, ai kitamaterabone dai one ati niti?

Koroso 2:12

Dai‑ya mai habanirisa, dai atibodi amosaramaro, dai atibodi bote aba, dai aba‑nima dai namaroni. Deoso ati ene Kirisito ati dai no‑nofa dai atibodi yati tohawaha, dai kitama‑nima dai nawahani. Yeso Kirisito abemari, Deoso hinakitamemarine. Ai atibodi bote amosara, Deoso ene ai atibodi yati tohawahineni.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.