Yowaho 2:18 - Deoso-ka Yama Hani

¹⁸ Yeso ene‑ya mai awa, mai one yawa, “Hini yamata‑bone mai‑ya kanatinihi? Deoso ene‑mona tina, Deoso ene kitabote oda awahi.” Oda‑ka hidi mai ati namaroni.

Yowaho 2:18 ပူးပေါင်းရင်းမြစ်များ

Mateo 21:23

Deoso‑ka yobe‑ya Yeso tokiyome, mai‑ya kanawatomarine. Deoso‑ka yama‑bone‑ya mai da‑daa mai‑ka hidi mai toha, Yodeo mai‑ka hidi mai bi‑bidi na mai toha na, mai kamake, Yeso‑ya mai weenabone, Yeso‑ya mai hiyara, “Ebeni‑ke ati ene mai‑ya kanatiniti? Ebeni‑ke ati ene mesa‑ya fatatikawiti tiniti?” Mai ati namaroni.

Maroko 8:11

Fariseo mai kamake, Yeso‑ya mai hiyara, “Deoso‑ka tihamone tina, neme‑ya tiwa ene kitabote oda awaboneni.” Mai ati namaroni, fai‑ya mai weenabonehe.

Roka 11:29

Yeso‑ya mai dama mai naho‑ya mai one kamake, mai dama mai‑ya Yeso hiyare, “Towe dai amani. Deoso ati dai tokadabara, hiniya owa ene kitabote dai awabone dai ati na, dai ati‑nima oteraboneni. Yama dai awabone dai ati na, i‑di Yona ene‑mata‑nima yama na dai awabisaboneni.

Yowaho 1:19

Deoso‑ka yama‑bone‑ya mai da‑daa mai one toha, Refi‑ka mai one toha, mai na, oda‑ka hidi mai mai hiyose, Yerosare‑ya mai yanana, mai toka, mai kobonamaroni, Yowaho Batita ati‑ya mai mitabonehe. “Ebeni‑ke amatiniti?” Mai ati na,

Yowaho 1:25

“Deoso‑ka Ka‑kadika tiharihi, Eriya tiharihi, Deoso ati‑ya mi‑mita kakibona Deoso ati nemata, fare tiharihi tinamone tina, hini yamata ihi mai‑ya habatinirisiti?” Mai ati namaroni.

Yowaho 6:30

“Tiwati oda nofawahabone, tiwa ene kitabote oda awahi.

Yeso‑ka yo‑yose mai tamine 4:7

Mai ati ihi i‑di Bedoro i‑di Yowaho mai‑ya mai kakama, “Oda bai‑ya dai yoronahi. Dai ati oda mitaboneni. Ebeni‑ke ati kite oni dai hirine, maki‑ya dai nakitamiti?” Mai ati na,

Yeso‑ka yo‑yose mai tamine 5:28

“Dai hiyari fawanahi. Yeso tamine dai hiyaramarabone oda ati namaro, dai ati fawarani. Yeso oda nanahabamone dai ati na, dai ati‑ya Yerosare‑ya mai wi‑wina mai nafi mitani.” Deoso‑ka yama‑bone‑ya mai da‑daa mai‑ka hidi ati nemonane.