Yowaho 2:11 - Deoso-ka Yama Hani

¹¹ Kana Karireya‑ya Yeso ene kitabote daidi oda awa, Yeso amosabote oda watowaha, ati oda nofemarine.

Yowaho 2:11 ပူးပေါင်းရင်းမြစ်များ

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 1:17

Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Yowaho 1:43

Mahi owa‑ya Karireya‑ya Yeso tokebona, Firibi‑ya himane, “Firibi, owa‑ya tisawihi.” Yeso ati nemarine.

Yowaho 1:50

“‘Fiko waa bofe‑ya tiwitare, tiwa oawani.’ Ona, owati tinofineni. Owa ene kitabote yokana tiawamakeboneni.” Yeso ati nemarine.

Yowaho 10:41

Yeso‑ya mai dama mai kamake, “Yowaho Batita ene kitare, Yeso tamine‑ya hiyare, fare ati‑nima Yeso nane.” Mai ati namaroni.

Yowaho 11:15

“Rasaro abe ene owa ene dai awabone, owati dai nofabone, fara ya‑yai·oneni. Hima, ai tokomakihi.” Yeso ati nemarine.

Yowaho 11:47

Makobote Deoso‑ka yama‑bone‑ya mai da‑daa mai‑ka hidi mai toha, fariseo mai toha, mai na, oda‑ka hidi mai nafi‑ya haane, mai yorotokanameteni, Yeso tamine‑ya mai hiyarabonehe. “Hini yamata‑nima ai nibati? Yeso ene kitabote‑ya mai dama mai awineni.

Yowaho 12:18

Yeso ene kitabote tamine‑ya mai mita, Yeso‑ya mai tokomakemaroni, Yeso‑ya mai awabonehe.

Yowaho 12:37

Yeso ene kitabote‑ya mai awi dama, Yeso ati‑ya mai nofasa ramaroni.

Yowaho 12:41

Hibati‑ya Yeso amosabote‑ya Isa·iya awe, Yeso tamine‑ya kanahanomatamonane.

Yowaho 14:13

Yama onofa‑nima yama na dai nofa, owa‑ya dai haaniya, dai ati‑nima onaboneni. Owa ene‑ya mai awa, Deoso‑ya mai kahiyaraboneni.

Yowaho 16:27

Owa‑ya dai nofa, Yeso Deoso‑ka amane dai ati na, fara ihi Okobi dai‑ya nofi nafine.

Yowaho 16:30

Yama nafi tiwata, oda atibodi ati tiwato, tiwa oda watowahineni. Deoso‑ya tisawemete, tiwa‑ya oda watowahineni.” Oda ati namaroni.

Yowaho 2:1

Oda amoni famamakiya, Kana Karireya‑ya oda‑ka owa fanebona, fare marine‑ya Yeso madi sawe,

Yowaho 2:23

Ka‑kariwa kobona, Yerosare‑ya oda marini‑ya Yeso ene kitabote‑ya mai awa, Yeso ati‑ya mai dama mai nofawahamaroni.

Yowaho 3:2

Yama soki‑ya Yeso‑ya toke, Yeso‑ya hiyare, “Ayo, Deoso tiwa‑ya yose‑mata ati tikamine, tiwa ene kitabote tohani. Deoso‑ka tihara‑mani, haa‑nima tiwa ene ra neni.” Nikodimo ati nemarine.

Yowaho 4:3

Fariseo mai ati tamine‑ya Yeso mite, Karireya‑ya oda tokomamaroni.

Yowaho 4:46

Kana Karireya‑ya Yeso ati ene faha fino tohiyi‑maro‑kaya oda tokomatasamaroni. Kafanaho‑ya mai‑ka hidi‑ka yo‑yose winemari, bidi kiyani nafi, abi yanatonematane.

Yowaho 4:54

Hibati‑ya Yodeya‑ya Yeso tokemari, kamatase, Karireya‑ya ene kitabote famawahemarine.

Yowaho 5:23

Owa‑ya yosemari ene Okobi‑ya mai kahiyari‑nima owa‑ya mai kahiyarahareboneni. Owa‑ya mai kahiyari awira, Okobi owa‑ya yose‑mari‑ya mai kahiyaraharirani.

Yowaho 6:14

Yeso ene kite‑ya mai awa, “Deoso ati‑ya mi‑mita kakibona yama hani ati na, fare i‑di Yeso tohe awane.” Mai ati namaroni.

Yowaho 6:2

Fara ai one‑ya Yeso nakitame‑ya mai awa, mai dama mai tokobasamakemaroni.

Yowaho 6:26

“Owati amosabote dai mitahi. Baho dai kaba ihi owa‑ya dai sibanineni. Deoso ene dai nofabone, owa‑ya dai sibana‑mani, yama sibabisara neni.

Yowaho 6:30

“Tiwati oda nofawahabone, tiwa ene kitabote oda awahi.

Yowaho 7:31

Yeso ati‑ya mai dami mita, Yeso ati‑ya mai one dama nofawaha, “Deoso‑ka Ka‑kadika Yeso amane. Yeso ene kitabote tohe, Deoso‑ka Ka‑kadika tohare‑mana, kameya, ene kiti ba‑basi re nane.” Mai ati namaroni, mai ibi basanaro.

Yowaho 9:16

“Maki Deoso‑ka tohare awane, Deoso‑ka mai toha sabado‑ya yama‑ya mai aniterani.” Fariseo mai one ati na, “Ati kasiro awire awane, ene kite, Deoso hikasomare‑mana, ene kitare nane.” Fariseo mai one ati na, mai ibi weenameteni.

Korito yoto‑ke 3:18

Isibiyo noki bisa tohaya, ai‑ya ai awa, ai awi re‑refona, noki ai namosiya, ai‑ya ai awi amosateni. Kirisito‑ka ai toha, Kirisito‑ka isibiyo‑nima ai na, ai‑ya mai awa, Yeso‑ya mai awaboneni. Ai ene amosi bi‑bidi na, Kirisito‑ya mai awi re‑refona, Deoso‑ka Doni ene ai ene amosi ba‑basi niya, Kirisito‑ya mai awi amosawahaboneni.

Korito yoto‑ke 4:17

Hibayata oda‑ya mai bisi, oda‑ya mai kako na, oda amoni damariya, oda‑ya mai bisinamarihi, oda‑ya mai kakomarihi naboneni. Yeso kamataseya, oda amosawaha, oda noko wehene wadawaha, oda noko wehene fawateraboneni. Oda bisini oda kadikamaraboneni. Hibayata oda komene bi‑bidi na toha, yama Deoso daahinabone amosi ba‑basi nabone, oda komene‑ya fiyakani nafeboneni.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Yowaho daidi 5:13

Deoso Bidi ati dai no‑nofa dai‑ya okanahanabone, dai abaterabone dai watowahaboneni.