Yowaho 19:4 - Deoso-ka Yama Hani

⁴ Yodeo mai‑ya Birato hiyarebona mai‑ya tokomatase, “Owati ihi Yeso‑ya mai kakamaboneni. Yeso ene towe tohi awirene, Yeso dai aweya, owati dai nofaba awineni.” Birato ati nemarine.

Yowaho 19:4 ပူးပေါင်းရင်းမြစ်များ

Mateo 27:19

Hidi‑ka kadera‑ya Birato itariya, Birato fadi ati‑ya mai kamina, “Yeso ene towe tohi awire, weetirayaho. Amo·ona, Yeso wadari oawani, wada ihi owa habo siitoneni.” Birato fadi ati nameteni.

Mateo 27:24

Birato ati‑ya mai tokadabara, mai ati hamawahameteni. Faha‑ya Birato haane, hini yehe‑ya sokone, “Owa ene tohi awirini. Dai ene amani.” Birato ati nematane.

Mateo 27:4

“Towe ama·oni. Ene towe tohare‑ya daa·obisani.” Yoda ati ne, “Tiwa ene amani. Oda ene tohi awirani.” Mai ati nameteni.

Mateo 27:54

Yeso abeya wami wawawakana, mahi wehene fawa ne‑ya sodado mai awa, mai habi siitonameteni. “Deoso Bidi amane. Keyehe tohi awirini.” Mai ati nawahameteni.

Roka 23:4

Deoso‑ka yama‑bone‑ya mai da‑daa mai‑ka hidi mai toha, mai dama mai toha, mai na, mai‑ya Birato hiyare, “Yeso ene towe tohi awirene.” Ati nematane,

Roka 23:41

Ai ene amosara, ai ene manakone ai kayafineni. Yeso ene amose hinama amane.

Roka 23:47

Mahi wehene fawane‑ya sodado mai‑ka hidi awe, Yeso ati‑ya mite, “Deoso ene amane.” Atibodi ati ne, “Yeso ene amosabisane.” Ati nematane.

Yowaho 18:33

Birato hika yobe doro‑ya tokiyamatase, ati ene Yeso‑ya mai kakama, ati yanane, “Yodeo mai‑ka hidi webote amatiraniha?” Birato ati nemarine.

Yowaho 18:38

“Deoso ati yokana owatoterani.” Birato ati ne, tokome, Yodeo mai‑ya hiyare, “Yeso ene towe tohi awirene.

Yowaho 19:6

Yeso‑ya mai awa, Deoso‑ka yama‑bone‑ya mai da‑daa mai‑ka hidi mai toha, mai‑ka sekorasa mai toha, mai na, mai ati kita, “Awa‑ya baakanaho. Awa‑ya baakanaho.” Mai ati namaroni. “Dai towakamabisaho. Awa‑ya dai baakanaho. Yeso ene towe tohi awirane.” Birato ati nemarine.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Ebereo 7:26

Deoso‑ya ai manakone‑ya Yeso daane ene ai manakone abawahani. Ati amose hinama tosawariterene. Ai‑ta ai tosawari, Yeso‑ta tosawari terene. Neme amosi‑ya Yeso amosi fiyakanane.

Bedoro daidi 1:19

Hini emene‑ya dai manakone‑ya nanahabemarine. Hibati‑ya mai ihi amosara, kaneiro bidi amose‑ya mai daanameteni, mai ihi‑ya Deoso barikanebonaha. Kirisito Deoso‑ka kaneiro bidi emene ene ai manakone nafi abawahani.

Bedoro daidi 2:22

Yeso ene amose hinama tohe, keyehe‑ya hiriterene.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Yowaho daidi 3:5

Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.