Yowaho 17:8 - Deoso-ka Yama Hani

⁸ Owa‑ya tikaminamaro, mai‑ya okaminamakineni. Tiwati‑ya mai nofineni. Tika ama·oni. Owa‑ya tiyosemaro, owa‑ya mai watowahineni.

Yowaho 17:8 ပူးပေါင်းရင်းမြစ်များ

Mateo 13:11

“Neme‑ke ai nafi‑ka hidi kitabote tohawahebona tamine dai watobisaboneni. Mai hiwatorebonane.

Yowaho 12:49

Owati yanana, owa ene owati yanarani. Okobi owa‑ya yose‑mari ati okaminabisineni.

Yowaho 14:10

Okobi oda famateni. Owati yanana, owa hare owati tohi awirini. Okobi oda fama oda ati tohateni. Owa ene dai awa, owa ene tohi awirini. Okobi oda fama oda ene tohateni.

Yowaho 15:15

Hidi‑ka yo‑yose mai‑ya hini tamine‑ya kaminaterene. Oka no‑nofa dai amani. Okobi ati nafi‑ya dai‑ya okaminateni. Oka yo‑yose dai tohamaro, oka no‑nofa dai tohawahineni.

Yowaho 16:27

Owa‑ya dai nofa, Yeso Deoso‑ka amane dai ati na, fara ihi Okobi dai‑ya nofi nafine.

Yowaho 16:30

Yama nafi tiwata, oda atibodi ati tiwato, tiwa oda watowahineni. Deoso‑ya tisawemete, tiwa‑ya oda watowahineni.” Oda ati namaroni.

Yowaho 17:14

Mai‑ya tiwati okaminamaroni. Bofe‑ka mai toha oka mai‑ya mai kakoteni. Bofe‑ka mai‑ka owa ama·ora, oka mai toha bofe‑ka mai‑ka mai tohaharirani.

Yowaho 17:18

Bofe‑ka mai‑ya owa tiyosemaro‑nima bofe‑ka mai‑ya mai oyosemakineni.

Yowaho 17:21

Abi, tiwati ihi mai nafi oharihi. Ai‑ka mai toha ai ohari‑nima mai oharihi. Ai nafi oharihi. Mai ihi‑ya mai one awiya, owa tiyosemaro owa‑ya mai watowahaboneni.

Yowaho 17:23

Owa‑ya tisawi mai‑ya osawi ona, mai nafi ohariwamabonehe. Mai ihi‑ya mai one awiya, owa‑ya tiyosemaro, owa‑ya mai watowahaboneni. Owa tinofi‑nima oka mai tinofahare, mai‑ya mai watowahaboneni.

Yowaho 17:3

Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Yowaho 3:17

Dai ene towe manakone Deoso dai‑ya haani nofaremarine, Bidi‑ya yose, dai ene manakone‑ya nanahababisebonaha.

Yowaho 3:33

Neme‑ke ati mai one hinofe, ‘Deoso ati amose, keyehe‑ya hirirene.’ Mai ati neni.

Yowaho 6:68

“Ayo, oda toki awirini. Ai abaterabone‑ka hawi yofitikana, ai‑ya yo‑yofikana‑ba ai owa wadarane.

Yowaho 8:42

“Dai‑ka Abi Deoso tohe‑mana, owa‑ya dai nofa neni. Deoso oda famamaro, dai tabaro‑ya okemaroni. Hiniya oki awira, owa‑ya Deoso yosemarine.

Korito daidi 11:23

Hibati‑ya ai‑ka Hidi owa‑ya hiyare, dai‑ya ohiyaramakitasamaroni. Yama soki‑ya ai‑ka Ayo i‑di Yeso Yoda daahinebona, baho‑ya damane.

Korito daidi 15:1

Oka soho dai amani, owati dai mitamatasahi. Hibati‑ya Deoso Ati Amosabote dai‑ya okamine, ati dai nofemari, ati‑nima dai teni.

Tesaronika daidi 2:13

Dai tabaro‑ya oda wina, dai‑ya oda hiyara, “Baoro hini mai ati tohi awirani. Deoso ati‑ya mai hiyarabisani.” Dai ati namaroni. Deoso ati oda hiyaremari, ati dai watowahineni. Deoso ati‑ya dai wata, dai ene sibarineni. Dai ene oda ya‑yaineni. Deoso‑ya dai ene oda hiyarineni.

Tesaronika daidi 4:1

Yeso‑ka dai toha oda ati dai mitamatasahi. Yeso ati oda hiyare, ati dai mitiyahi. Oda ati‑nima dai niya, Deoso ya‑yainebonane. Hibati‑ya oda ati‑nima dai namaroni. Hibati‑ya dai ene amosamaro, dai ene amosi ba‑basi nahi, yama sibaraboneni.

Yowaho daidi 4:14

Oda ati dai mitahi. Deoso Bidi oda awamaroni. Deoso Bidi hiyose, ai manakone‑ya nanahabebona oda awemari, mai nafi‑ya tamine oda kaminebonane.

Yeso Kirisito ene‑bona 1:1

Yeso Kirisito‑ka yama hani amani, dai awahi. Yama yana kanibote nabone tamine‑ya Yeso‑ya Deoso kamine, Yeso‑ya ai na‑narifa ai watowahabonehe. Deoso‑ka yo‑yose‑ya Yeso yose, yama tamine‑ya owa‑ya kaminane. Yowaho ama·oni. Yeso‑ya na‑narifa ama·oni.