Yowaho 17:6 - Deoso-ka Yama Hani

⁶ Abi, tika mai one bofe‑ya wi‑wina, owa‑ya mai daatina, mai‑ya tiwa tamine okamina, tiwati‑ya mai tokadabineni.

Yowaho 17:6 ပူးပေါင်းရင်းမြစ်များ

Yowaho 1:18

Deoso ai aware tamine‑ya Bidi kaminemarine. Bidi yokana Badi‑ya famene.

Yowaho 12:28

Abi, tiwa ene amosabote‑ya mai awahi.” Yeso ati ne, neme‑ya ati kaki, “Owa ene amosabote‑ya mai awamaro, owa ene amosabote‑ya mai awamatasaboneni.” Neme‑ke ati nemarine.

Yowaho 15:19

Bofe‑ka dai toha‑mani, dai‑ya mai nofa neni. Hini mai one‑ya mai nofateni. Dai okadikamaro, bofe‑ka dai tohamara, dai‑ya mai kakoteni.

Yowaho 15:3

Ofa ini kote‑ya Deoso tiinakose‑nima dai na, owati dai mita, dai ene amosawahineni.

Yowaho 15:7

Owa dai nokotonihi, owati dai tokadaba, dai niya, yama dai haana‑ya Deoso daanebonane.

Yowaho 17:12

Owa‑ya mai daatinamaro mai‑ya osawe, mai onawada, tika hawi‑ya mai yakana mai maakara, mai abarani. Mai‑ka owa ohari ababisane. Fara, tiwati‑ya mai kanahanamaro mai ati‑maro‑nima yama nawahaboneni.

Yowaho 17:14

Mai‑ya tiwati okaminamaroni. Bofe‑ka mai toha oka mai‑ya mai kakoteni. Bofe‑ka mai‑ka owa ama·ora, oka mai toha bofe‑ka mai‑ka mai tohaharirani.

Yowaho 17:16

Bofe‑ka mai‑ka owa ohara, oka mai toha bofe‑ka mai‑ka one mai tohahari awirini.

Yowaho 17:2

Abi, tiwa ene mai nafi‑ka hidi ama·oni. Owa‑ya mai daatinamaro owa ene mai abateraboneni.

Yowaho 17:24

Abi, owa‑ya mai daatinamaro, owa‑ya mai sawebone, mai‑ya owatibodi kobonineni. Yama nafi ai wamani awisari‑ya owa‑ya tinofi nafe, owa wehene‑bone daatinamaroni. Owa wehene‑ya mai awiyahi.

Yowaho 17:26

Mai‑ya tiwa yofi·okanamaro, tiwa yofi·okateboneni. Tiwa‑ya mai wato, owa tinofi nafe‑nima mai ibi nofabone, mai‑ya osaweboneni.” Yeso ati nemarine.

Yowaho 17:7

Oka yama nafi‑bone owa‑ya daatinamaro, tiwa ene‑ya mai watowahineni.

Yowaho 18:9

Mai hasinabone ati yanane, hibati‑ya ati‑nima yama nabone ihi ati yanane, “Oka mai‑bone owa‑ya mai daatinamaro, mai hasineni.” Yeso ati nemarine.

Yowaho 6:37

Dai one‑ya Okobi owa‑ya daane, Okobi mai daahina owa‑ya mai nafi nofabone, owa‑ya mai nofiya, ‘Dai‑ya onofi awirini, dai tokahi.’ Oteraboneni.

Yowaho 6:39

Owa‑ya yose‑mari haa‑nima yama na‑ya nofane, owa‑ya daahina mai one‑ya fawa·onirabone, yama faina‑bone‑ya mai onakitamaboneni.

Yowaho 8:51

Owati amosabote dai mitahi. Owati‑ya mai tokadaba, mai abateraboneni.” Yeso ati nemarine.

Yowaho 8:52

“Madi towe tiwa‑ya sawibisane. Abaraho abe, Deoso ati‑ya mai mi‑mita‑mete mai abamakemetemoneni. Tiwati‑ya mai tokadaba mai abaterabone tineni.

Yeso‑ka yo‑yose mai tamine 13:48

Baoro ati‑ya Bara mai mita, mai ya‑yaina, Deoso ati‑ya mai kahiyara, Deoso mai‑ya kadikemata, Yeso ati‑ya mai nofawahani.

Homa 11:2

Hibati‑ya Isara·eo‑ka mai‑ya Deoso kadikemata, mai‑ya kakanaterene. Deoso ati‑ya mi‑mita‑mata i‑di Eriya Isara·eo‑ka nodi mai tamine‑ya hiyarane.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Koroso 3:16

Kirisito ati dai kadiki nafiyahi. Dai‑ka mai‑ya ati nafi dai kanawatohi. Mai ihi amosabone, mai‑ya dai kamina, Deoso‑ka wayoma dai hirina, dai ya‑yaina, Deoso‑ya dai kahiyarahi.

Timoti yoto‑ke 1:13

Tiwa okanawato‑nima mai tikanawatohi. Deoso ati‑nima owati toha, fara owati‑nima tinahi. Mai tihiyariya, mai tinofiyahi. Yeso Kirisito ati ai nofa nafiyahi.

Ebereo 2:12

Deoso‑ya Yeso hiyare, “Oka soho mai‑ya ohiyaraboneni. Oka soho mai yorotokani‑ya tiwa tamine okaminiya, tiwa okahiyarahareboneni.” Yeso ati nematane.

Ebereo 3:6

Yeso‑ta Deoso Bidi tohe, Deoso‑ka yobe hidi amane. Deoso ati ai no‑nofa, Deoso ene ai habo siitora, Deoso‑ka yobe ai tohateni. Mai ihi‑maro‑nima dai ene riyahi.

Bedoro daidi 1:1

Bedoro ama·oni. Yeso Kirisito‑ka yo‑yose ama·oni. Deoso dai‑ya kadikematane, hika mai dai tohabonehe. Dai tabaro‑ya dai winamara, yama yaki‑ya dai winabisa, dai‑ka yama hani‑bone okanahanoneni. Boto‑ya dai wi‑wina, Karatiya‑ya dai wi‑wina, Kabadosiya‑ya dai wi‑wina, Asiya‑ya dai wi‑wina, Bitiniya‑ya dai wi‑wina, dai na, dai‑ka yama hani boneni.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.

Yeso Kirisito ene‑bona 2:13

Dai ene nafi owatoneni. Dai wini‑kaya Satanasi ati‑ya mai dami tokadabineni. Anitibasi dai‑ya sawimari, owa oni‑ya saatonakosi awiremari ene Anitibasi‑ya mai one nanahabani. Anitibasi‑ya mai nanahabiya, owa oni‑ya dai saatonakosi awirani.

Yeso Kirisito ene‑bona 3:10

Yama towe yananabone, bofe‑ya mai wi‑wina mai nafi saweboneni. ‘Deoso‑ka hawi bai‑ya dai maakariyahi.’ Onamaroni. Owati dai dami tokadaba ene dai hasinasa niya, yama towe yanani awiraboneni.

Yeso Kirisito ene‑bona 3:8

Dai ene nafi owatoneni. Owati dai mitahi! Nokobi dai noko‑ya waa, owa ene seekani hawa toha, mai barihikani awiraboneni. Owati dai tokadabamaro dai kiti bide toha, owa oni dai saatonakosarineni.