Yowaho 17:3 - Deoso-ka Yama Hani

³ Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Yowaho 17:3 ပူးပေါင်းရင်းမြစ်များ

Maroko 9:37

“‘Owa ene Yeso ya‑yainebonane.’ Dai atibodi ati na, ewe dai kasomiya, owa‑ya dai kasomahari, Okobi‑ya dai kasomahari neni.” Yeso ati nematane.

Roka 9:48

Mai‑ya hiyare, “‘Owa ene Yeso ya‑yainebonane.’ Dai atibodi ati na, ewe dai kasomiya, owa‑ya dai kasomahari, Okobi‑ya dai kasomahari neni. Bi‑bidi ne‑mona ati ne, fare ba‑basi nibisane.” Yeso ati nematane.

Yowaho 10:36

Okobi owa‑ya kayawe, owa‑ya yosemarine, bofe‑ya okebonehe. ‘Deoso Bidi ama·oni.’ Ona. Owati kasiramone dai ati neni, dai yawaro. Hini yamata ihi dai yawiti?

Yowaho 11:42

Owati timitateni. Yama‑ya mai watobone‑ka owati amani. Owa tiyosemaro, owa‑ya mai watowahaboneni.” Yeso ati nemarine.

Yowaho 14:26

Owati ihi Okobi hika Doni‑ya yosebonane. Dai‑ya kanawatoya, ati ene owati nafi‑ya dai atibodi watinawamaboneni. Deoso‑ka Doni dai‑ya kasomebonane.

Yowaho 17:18

Bofe‑ka mai‑ya owa tiyosemaro‑nima bofe‑ka mai‑ya mai oyosemakineni.

Yowaho 17:21

Abi, tiwati ihi mai nafi oharihi. Ai‑ka mai toha ai ohari‑nima mai oharihi. Ai nafi oharihi. Mai ihi‑ya mai one awiya, owa tiyosemaro owa‑ya mai watowahaboneni.

Yowaho 17:23

Owa‑ya tisawi mai‑ya osawi ona, mai nafi ohariwamabonehe. Mai ihi‑ya mai one awiya, owa‑ya tiyosemaro, owa‑ya mai watowahaboneni. Owa tinofi‑nima oka mai tinofahare, mai‑ya mai watowahaboneni.

Yowaho 17:25

Abi, amosabote amatini. Bofe‑ka tiwa‑ya mai watora, tiwa owatobisineni. Owa tiyosemaro, owa‑ya oka mai watowahineni.

Yowaho 17:8

Owa‑ya tikaminamaro, mai‑ya okaminamakineni. Tiwati‑ya mai nofineni. Tika ama·oni. Owa‑ya tiyosemaro, owa‑ya mai watowahineni.

Yowaho 3:17

Dai ene towe manakone Deoso dai‑ya haani nofaremarine, Bidi‑ya yose, dai ene manakone‑ya nanahababisebonaha.

Yowaho 3:34

Deoso hiyose, Deoso ati‑ya kaminatene. Deoso ati ene Bidi‑ya hika Doni sawi oharine.

Yowaho 5:44

Hini dai hinama dai ibi kahiyarabisa, Deoso dai‑ya kahiyarebona‑ya dai nokotonirani. Fara ihi owati dai nofarani.

Yowaho 6:57

Okobi abarene. Okobi owa‑ya yosemari, Okobi ene o·abaharirani. Owa eme‑ya mai kaba, owa ene mai abahariraboneni.

Yowaho 7:29

Owa‑ya yose‑mari owatobisane.” Ati nemarine.

Yowaho 8:19

“Ebeni‑kaya abi sawiti?” Mai ati na, “Owa‑ya dai watora, Okobi‑ya dai watoharirani. Owa‑ya dai wata‑mani, Okobi dai watohare neni.” Yeso ati nemarine.

Korito daidi 15:34

Dai amona‑nima dai na, dai dodafiya, dai atibodi dai kadikahi, dai ene amosabonehe. Mai one yama‑ya mai wa‑wato‑mone mai ati na, Deoso‑ya mai nofara dai‑ya keyehe‑ya mai hirikanateni, dai ene amosarabonehe. Yama dai watabone ona, yama dai watora awineni.

Korito daidi 8:4

“Mai‑ka deoso bare‑ka bani‑bona oda kabakaribana?” Dai‑ka yama hani ati nani. Mai‑ka deoso hiniya wamane, deoso tohaterene. Deoso yokana oharibisatene.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Firibo 3:10

Yama bara‑ya owati koboni awirani. Yeso Kirisito‑nima onabone owatibodi ati nineni. Yeso‑ya mai bisi, owa‑ya mai bisi, Yeso‑ya mai nanahaba, owa‑ya mai nanahaba, sibarini. Yeso kitame‑nima okitamahareboneni.

Firibo 3:8

Yama anini manakone noko·onihemaro, yama anini manakone noko·onimateraboneni. Oka Ayo Yeso Kirisito noko·onibisa oneni. Hibati‑ka oka yama dama tohamaro, Kirisito ati onofa ene oka yama nafi fawanawahani. Sibarini. Yama one onofamaraboneni. Kirisito ati onofe ene yama one onofami awira, Kirisito‑ta owato ba‑basi nabonehe.

Tesaronika daidi 1:9

Mai ati ihi oda ya‑yainineni. Hibati‑ya dai tabaro‑ya oda kobona, oda ati dai nofa, madi mai‑ya dai hiyaramaro, madi mai‑ya dai hiyarami awirabone dai ati na, “Deoso yokana ohari‑ta oda kahiyarabisaboneni.” Dai ati namaro, Dai ati‑nima dai nineni.

Tesaronika yoto‑ke 1:8

Yeso kameya, mai ihi amosara mai manakone‑ya daaneya, yifo hirina‑nima yama kome na‑ya mai kayafaboneni. Deoso‑ya mai watora, Yeso Kirisito Ati Amosabote‑ya mai nofara, haa‑nima mai manakone tohaboneni.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Bedoro yoto‑ke 1:2

Deoso dai‑ya kasomebona, dai habo siitorihi. Dai atibodi dai‑ya weerihi na, Deoso ati dai wato, ai‑ka Hidi i‑di Yeso Kirisito ati dai wato, dai niya, dai korikasateraboneni.

Bedoro yoto‑ke 1:3

Deoso ai‑ya haanematane. Deoso‑ya ai kahiyarabone ene amosabote ai kaminebonane. Yeso Kirisito ati ai wato, Deoso kite ene yama ai kayafateni, bofe‑ya ai wi‑wina ai ene amosabonehe.

Bedoro yoto‑ke 1:8

Haa‑nima dai ene na‑ya mai awiya, Deoso ati‑ya mai nofawaha, “Yeso ati‑ya mai no‑nofa mai ihi amosa, oda ene‑nima mai ihi terani.” Mai ati niya, Deoso ati‑ya mai nofawahaba awineni.

Yowaho daidi 1:2

Hibati‑ya ai‑bone‑ya wamane, neme‑ya Deoso eyehe winemata, ai tabaro‑ya kaki, oda awemari tamine okanahanoneni. Yeso ene ai atibodi abateraboneni.

Yowaho daidi 1:3

Yama oda awa, ati oda mitanamaro tamine okanahano, oda wata dai watohareboneni. Ai‑ka Abi i‑di Deoso, Bidi i‑di Yeso Kirisito‑ya fame, ai‑ya mai nofa, mai ai nofa, ai ibi hiyari nofateni.

Yowaho daidi 2:23

Deoso Bidi‑ya mai nofara, Deoso‑ya mai nofaterani. Deoso Bidi‑ya ai nofa, Deoso‑ya ai nofahari teni.

Yowaho daidi 4:6

Deoso‑ka ai toha, Deoso‑ka mai one ai ati‑ya mai nofateni. Deoso‑ka mai tohara ai ati‑ya mai nofaterani. Ai ati‑ya mai nofa, Deoso‑ka mai toha mai ai wato. Ai ati‑ya mai nofara Satanasi‑ka mai toha, mai ai wato teni.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.