Yowaho 17:11 - Deoso-ka Yama Hani

¹¹ Tiwa‑ya okomabone, bofe‑ya owinami awiraboneni. Bofe‑ya mai winabisaboneni. Abi Deoso, oka mai daatinamaro mai tinawadahi, ai ohare‑nima mai ohariwamabonehe, mai nafi.

Yowaho 17:11 ပူးပေါင်းရင်းမြစ်များ

Mateo 10:16

Owati dai mitahi. Kaneiro mai‑nima dai nahi. Dai hamariyahi. Yome hame‑nima mai teni. Mai‑ya dai‑ya oyose, dai noko wadiyahi. Maka mai noki wadi‑nima dai noko wadiyahi. Wayomata mai hamaterani. Wayomata mai‑nima dai nahi. Dai hamariyahi.

Mateo 5:48

Tiwa ene amosa hinama tohahi. Ai‑ka Abi neme‑ke ene amose hinama tohatene. Ai‑ka Abi ene‑nima dai ene nahi.” Yeso ati nemarine.

Mateo 6:9

Deoso‑ya dai hiyarabone, eya dai atiyahi. ‘Abi, neme‑ya tiwina, amosabote amatini.

Yowaho 13:1

Yeso bofe‑ya sawimarebona, Badi‑ya tokoma kanibote nebona, hini tamine‑ya watomarine. Bofe‑ya oda wi‑wina Yeso‑ka oda toha, oda‑ya Yeso nofemari, oda‑ya nofi fawaterene. Ka‑kariwa‑ya oda marinabone, oda tafi yanatonamaroni.

Yowaho 13:3

“Okobi ati ene yama nafi‑ka hidi ama·oni. Deoso‑ya yana·onamaro, okoma kanibote onaboneni.” Yeso atibodi ati nemarine.

Yowaho 14:20

Okobi oda famini, oka dai toha ai ohariwamabone, fara okitamiya dai wataboneni.

Yowaho 16:28

Hibati‑ya Okobi oda famamaro, dai tabaro‑ya okemaro, Okobi‑ya okomatasaboneni.” Yeso ati nemarine.

Yowaho 16:33

Yama tamine okamina, owati dai nofiya, dai habo siitoraboneni. Bofe‑ka dai‑ya mai bisinaboneni. Dai habo kitahi. Bofe‑ka mai kiti bi‑bidi, owa kiti nafibisineni.” Yeso ati nemarine.

Yowaho 17:23

Owa‑ya tisawi mai‑ya osawi ona, mai nafi ohariwamabonehe. Mai ihi‑ya mai one awiya, owa‑ya tiyosemaro, owa‑ya mai watowahaboneni. Owa tinofi‑nima oka mai tinofahare, mai‑ya mai watowahaboneni.

Yowaho 17:25

Abi, amosabote amatini. Bofe‑ka tiwa‑ya mai watora, tiwa owatobisineni. Owa tiyosemaro, owa‑ya oka mai watowahineni.

Yowaho 17:6

Abi, tika mai one bofe‑ya wi‑wina, owa‑ya mai daatina, mai‑ya tiwa tamine okamina, tiwati‑ya mai tokadabineni.

Yowaho 7:33

Yeso ati yanane, “Dai tabaro‑ya owa amoni damamaraboneni. Owa‑ya yose‑mari‑ya okomaboneni.

Yeso‑ka yo‑yose mai tamine 3:21

Hibayata neme‑ya Yeso wine, hibati‑ya Deoso ati‑ya mai mi‑mita‑mete Deoso ati‑ya mai kanahano, ‘Yama yanakani‑ya yama nafi amosamete‑nima Deoso ene yama namatasaboneni.’ Mai ati na, Fara‑nima yama yanatonabone, Yeso kamatasebonane. Deoso ati‑nima yama naboneni.

Homa 12:5

Fara‑nima Yeso ati ai no‑nofa Deoso‑ka ai dami toha, ai ene fara hinama tohatera ai abano ohare‑ta ai toha ai nineni.

Homa 9:17

Hibati‑ya Fara·o‑ya Deoso‑ka yama hani hiyara, “Fara·o, owa ene Eyito‑ka mai‑ka hidi tihawahani, Isara·eo‑ka mai seetikarabone tina, owa ene kitabote tiwiya, mai seetikanaboneni. Mai tabori nafi‑ya owa tamine‑ya mai kaminabone, owa ene kitabote tamine‑ya mai dami mitaboneni.” Ati nematane.

Korito daidi 1:10

Oka soho dai amani. Owati dai mitahi. Ai‑ka Ayo i‑di Yeso Kirisito ati ene dai ibi weerihi, dai yorotokana dai ibi eberihi, dai ibi nofabisa, Yeso atibodi ati‑nima dai nafi atibodi ati nahi.

Karatiya 3:28

Ai hinama tohawahineni. Yeso‑ka ai nafi tohawahani. Yodeo ai one toha, Bara ai one toha, ai one‑ya mai kanika, ai one‑ya mai kanikarihi mai namaroni. Maki mai toha, mai fanawi toha na, Yeso‑ka ai nafi tohawahineni. Yeso Kirisito ati ai nofa, ai hinama tohawahineni.

Efesiyo 4:4

Yeso‑ka ai hinama toha, Deoso‑ka Doni ohari ai‑ya sawitene, Deoso ai‑ya haanemari, Deoso ati‑nima yama nabone‑ya ai nafi nimanineni.

Firibo 2:9

Deoso ati nafi‑ya Kirisito tokadabe, Deoso hiwakamane neme‑ya. “Mai one amosarani. Yeso‑ta amosabotebisa amane.” Deoso ati nematane.

Ebereo 1:3

Deoso amosabote noko wehene nafi, noko wehene‑nima Bidi noko wehene ne Deoso‑nima Bidi ne. Ati kite ene neme toha, bofe tohasa nihi nineni. Ai ene amosara manakone wada, ai manakone‑ya nanahabe, Deoso kitabote‑ka kanika‑ya itariwahematane neme‑kaya.

Ebereo 9:24

Neme‑ke yobe Deoso wamahinemata, fare bofe‑ke mai wamahine hetarato‑nima ne‑ya idi Mose wamanane. Yobe kote Deoso hikayawemata‑ya Kirisito tokiyomare, neme‑ke yobe‑ta‑ya tokiyomabisene, Deoso‑ya ai manakone‑ya daanebonaha.

Tiyako 4:4

Mai dami‑ya mai da‑dakora mai‑nima dai na, yama dai watokarini? Satanasi‑ka yama ai nokotonihe Deoso ai‑ka no‑nofa tohaterebonane. Satanasi‑ka ai‑ya mai nofabone mai ihi‑nima ai ene na, Deoso ai ene‑ya kakotebonane.

Bedoro daidi 1:5

Deoso kitabote dai‑ya nawade, tabaro‑ya dai kobona, Yeso ati‑ya dai nofa ene yama amosabote‑ya dai kayafaboneni.

Yowaho daidi 3:12

I‑di Kaina‑nima ai riyahi. I‑di Kaina sori‑ya nanahabematane. I‑di Kaina Satanasi‑ya abi ne, badi ene‑nima ene ne. Hini yamata‑nima ne sori‑ya nanahabamatati? Sori ene amosabise i‑di Kaina‑ta ene amosare, yawe, sori‑ya nanahabematane.

Yowaho daidi 5:19

Deoso‑ka ai toha mai ai watoteni. Satanasi‑ka mai toha Satanasi mai‑ya yokobonane.

Yoda‑ka yama hani 1:1

Yeso Kirisito‑ya na‑narifa i‑di Yoda ama·oni. Tiyako sori ama·oni. Ai‑ka abi i‑di Deoso dai‑ya nofe, dai‑ya haanemarine, hika dai tohabonehe. Dai‑ka yama hani‑bone okanahanaboneni. Deoso dai‑ya nawade, Yeso Kirisito‑ka dai tohawahaboneni.

Yoda‑ka yama hani 1:24

Deoso dai‑ya kasomayaho, dai ene amosabone, Yeso hawine‑ya dai taratokara, Yeso‑ya dai koboni amosaboneni. Yeso amose dai awiya, dai ya‑yaina, “Dai ene amosini.” Ati nebonane.

Yeso Kirisito ene‑bona 15:4

Mai nafi tiwa‑ya nayofina, mai nafi tiwa‑ya kahiyara naboneni. Deoso yokana amatini. Deoso owa wadarene. Bofe‑ka mai nafi tiwa‑ya mai kahiyaraboneni. Fara tiwa ene amosa‑ya mai nafi awineni.” Mai wayomi ati nani.

Yeso Kirisito ene‑bona 19:12

Noko bodi yifo hirini‑nima ne, tati‑ya hidi‑ka sabewa dama sinare, hini mese‑ya oni kawane, hini oni‑ya wato, mai one‑ta oni mai hiwatorene.

Yeso Kirisito ene‑bona 4:8

Mai nafi afe 6 kana hinama toha, mai afe dori‑ya mai noki bodi dama, mai afe baki‑ya mai noki bodi dama kobobonani. Eya mai ati na, “Amosabote hinama, Amosabote hinama, Amosabote hinama, ai‑ka hidi i‑di Deoso kitabotebisa amane. Deoso yama yanakani‑ke amane. Deoso hini hini amane. Abaterebonane.” Mai ati nade, mai ati fawaterani. Yama tehe‑ya mai ati toha, yama soki‑ya mai ati toha teni.