Yowaho 17:10 - Deoso-ka Yama Hani

¹⁰ Oka yama nafi toha tika tohahari, tika yama nafi toha oka mai tohahari neni. Owa‑ya mai watowahini.

Yowaho 17:10 ပူးပေါင်းရင်းမြစ်များ

Yowaho 10:30

Okobi oda oharineni.” Yeso ati nemarine.

Yowaho 11:4

Rasaro tamine‑ya Yeso mite, “Rasaro hasinebonane. Rasaro kiyane ene Deoso ene amose‑ya mai awa, Deoso Bidi ene amose‑ya mai awahari naboneni.” Yeso ati nemarine.

Yowaho 12:23

“Dai‑ka Ayo neme‑ke ama·oni. Owa ene amosabote‑ya mai awaboneni. Fara yama kobo kanibote naboneni.

Yowaho 5:23

Owa‑ya yosemari ene Okobi‑ya mai kahiyari‑nima owa‑ya mai kahiyarahareboneni. Owa‑ya mai kahiyari awira, Okobi owa‑ya yose‑mari‑ya mai kahiyaraharirani.

Yeso‑ka yo‑yose mai tamine 19:17

Yodeo mai toha, Kereko mai toha, Efesiyo‑ya mai wina, Sefa bidi mai tamine‑ya mai mita, mai habi siitona, Yeso‑ya mai ati nakitawahamoneni.

Karatiya 1:24

Owa tamine‑ya mai mita, mai ya‑yainamaroni. “Deoso, amosabote amatini, Baoro hamemari, tiwati ihi ati somawamane.” Mai ati namaroni.

Firibo 1:20

Owa‑ya mai nanahabiya, sibarihi, owa‑ya mai nanahabi awiriya, sibarihi naboneni. Owati ihi Yeso ati‑ya mai nofawahaba awineni. Mai ihi owa habo siitoraboneni. Owa ene‑ya mai awiya, Kirisito ati‑ya mai nofabone owatibodi ati nofateni.

Koroso 2:9

Deoso‑nima Yeso Kirisito nane. Yeso Kirisito ai awiya, Deoso ai watowahaboneni. Deoso abano wadare, Kirisito abano wadabise, Deoso ati‑nima Kirisito ati nane. Deoso ene‑nima Yeso ene nane.

Tesaronika yoto‑ke 1:10

Ai‑ka Hidi kameya, ati ai no‑nofa ai yorotokanabone, ai‑ka Hidi ai nafi kahiyaraboneni. “Ayo Yeso, amosabote amatini. Tiwa ene amosini.” Ai ati naboneni. Yeso tamine oda kamine, Yeso ati dai nofa, dai ati‑ya mai one mitamakiya, Yeso ati‑ya mai nofiya, Yeso koboneya, mai nafi kahiyaraboneni.

Tesaronika yoto‑ke 1:12

Dai ene‑ya mai awiya, Yeso‑ya mai kahiyarawahaboneni. Dai ene Yeso‑ya mai kahiyara, dai ene i‑di Deoso ya‑yainebonane. Ai‑ka Ayo i‑di Yeso Kirisito ene Deoso ai‑ya kasomebonane.

Bedoro daidi 2:9

Dai‑ya Deoso kadikemari, hika yama‑bone‑ya da‑daa dai tohaboneni. Dai ene amosa hinama tohebona ati ne, Deoso‑ka dai toha, Deoso ene amosabote tamine dai kaminahi. Hibati‑ya yama soki‑nima dai ene namaro, Deoso ene yama tehe‑nima dai ene nawaha, Deoso wehene amosabote tohatene.