Yowaho 17:1 - Deoso-ka Yama Hani

¹ Oda‑ya hiyari hawa tohe, neme‑ya tonokomise, Deoso‑ya hiyare, “Abi, tiwati‑maro‑nima yama yananaboneni. Tiwati ihi owa ene amosabote‑ya mai awahi. Owa ene‑ya mai awiya, tiwa ene‑ya mai watowahaboneni.

Yowaho 17:1 ပူးပေါင်းရင်းမြစ်များ

Maroko 14:41

Yeso tokomatase, kamatase, mai amonamatasameteni. “Dai dodafihi, dai amonaro. Hibayata Deoso ati‑ya mai tokadabara mai‑ya owa‑ya daanebona kamane, ahiyata‑ya. Dai nahomisamahi. Ai tokomahi.” Yeso ati nematane.

Roka 18:13

Kofeno‑ka yinero‑bona‑ya ha‑haa aka‑ya wai, atibodi yawe, tonokomisi awire, hini bako‑ya batanane. Deoso‑ya hiyare, ‘Deoso, owati kasiramaro, owa‑ya tiwati somahi.’ Ati nane.

Roka 22:53

Hibati‑ya mahi‑nima Deoso‑ka yobe‑ya osawe, owa‑ya dai wataramaroni. Hibayata Deoso dai‑ya ati barire, yama towe‑ka hidi‑ya Deoso ati baririhi nane.” Yeso ati nematane.

Yowaho 11:4

Rasaro tamine‑ya Yeso mite, “Rasaro hasinebonane. Rasaro kiyane ene Deoso ene amose‑ya mai awa, Deoso Bidi ene amose‑ya mai awahari naboneni.” Yeso ati nemarine.

Yowaho 11:41

Yati‑ya mai karotowite, Yeso tonokomise, ati yanane, “Abi, owati timita, ya‑yai·oneni.

Yowaho 12:23

“Dai‑ka Ayo neme‑ke ama·oni. Owa ene amosabote‑ya mai awaboneni. Fara yama kobo kanibote naboneni.

Yowaho 13:1

Yeso bofe‑ya sawimarebona, Badi‑ya tokoma kanibote nebona, hini tamine‑ya watomarine. Bofe‑ya oda wi‑wina Yeso‑ka oda toha, oda‑ya Yeso nofemari, oda‑ya nofi fawaterene. Ka‑kariwa‑ya oda marinabone, oda tafi yanatonamaroni.

Yowaho 16:32

yama nahorabone, fara hibayata dai kananaboneni. Owa dai dabami awirabone, dai tabaro‑ya dai tokomaboneni. Owa hari awirabone, Okobi oda famaboneni.

Yowaho 7:30

Ati mai himite mai one yawa, Yeso‑ya mai waratonabone mai atibodi ati na, Yeso abebona‑ka mahi kobore ene Deoso mai‑ya maakane, Yeso‑ya mai waratoni awiramaroni.

Yowaho 7:39

Faha webote Yeso ati ne, Deoso‑ka Doni tamine amane. Yeso bofe‑ya wineya, Deoso‑ka Doni oda‑ya sawi awisare, neme‑ya Yeso tokeya, Yeso ati oda no‑nofa Deoso‑ka Doni oda atibodi‑ya sawiwahemarine.

Yowaho 8:20

Deoso‑ka yobe‑ya yinero weyene wai yowi‑ya Yeso itari, mai‑ya kanawatomarine. Yeso ati‑ya mai mitiya, Yeso‑ya mai waratonabone mai atibodi ati na, Yeso aba‑bona‑ke mahi kobore ene Deoso mai‑ya maakane, Yeso‑ya mai waratoni awiramaroni.

Yeso‑ka yo‑yose mai tamine 3:13

Deoso‑ya Yeso na‑narifa, yara mai‑ya dai kahabanemarine, mai baahikanebonaha. I‑di Birato seehikanebona, dai ati barihine mai hinahabemari, ai‑ka idi i‑di Abaraho, i‑di Isaki, i‑di Yako mai na, mai‑ka Deoso hinakitamemarine.

Bedoro daidi 1:21

Hini Bidi‑ya Deoso nakitame, neme‑ya towakame, wehene nafi‑ya daanematane. Bidi ati‑ya dai nofa ene badi‑ya dai watowaha, ati‑ya dai nofa, tabaro‑ya dai tokabone dai nimaneni.