Yowaho 16:2 - Deoso-ka Yama Hani

² Dai‑ya mai ati barinaboneni, Deoso‑ya mai hi‑hiyara‑ke yobe‑ya dai tokiyomamarabonehe. Dai‑ya mai nanahabiya, ‘Oda ene Deoso ya‑yainane.’ Mai atibodi ati naboneni.

Yowaho 16:2 ပူးပေါင်းရင်းမြစ်များ

Mateo 10:28

Dai‑ya mai ati naboha, mai‑ya dai nayofinariyahi. Dai atibodi‑ya mai nanahabaterani. Deoso dai nayofinabisahi. Deoso‑ya mai nofara, mai aboni, mai atibodi na‑ya yama hirini‑kaya Deoso weretowitibonane.

Mateo 24:9

Oka dai toha dai‑ya mai bisina, dai one‑ya mai nanahababoneni. Mai dama owa‑ya mai nofarabone, oka dai toha dai‑ya mai kakaboneni.

Roka 6:22

Dai‑ka Ayo neme‑ke‑ya dai nofa ihi dai‑ya mai kako, dai‑ya mai kananihe, dai‑ya mai wee na, Deoso dai‑ya kasomebona,

Yowaho 12:42

Yeso ati‑ya mai dami nofa, Yeso ati‑ya oda‑ka hidi mai dama mai nofahare, hini mai tamine‑ya mai kamini awirani. “Oda tamine‑ya oda kaminiya, fariseo oda‑ya mai kakoya, Deoso‑ya mai hi‑hiyara‑ke yobe‑ya oda sawimaraboneni.” Mai atibodi ati namaroni.

Yowaho 16:25

Okobi tamine ohiyara, yama bara tamine ohiyarabisa, owati dai wato nafira, yama one‑ya Okobi tamine okamini amosaboneni.

Yowaho 16:32

yama nahorabone, fara hibayata dai kananaboneni. Owa dai dabami awirabone, dai tabaro‑ya dai tokomaboneni. Owa hari awirabone, Okobi oda famaboneni.

Yowaho 4:21

“Owati timitahi. Yama one‑ya ai‑ka Abi i‑di Deoso‑ya ai ati kahiyariya, Yerosare‑ya oda tokomarihi, dai tabaro‑ka adami webote‑ya dai tokomorosamarihi, hini ai sawi‑kaya Deoso ai kahiyara, ai nawahaboneni.

Yowaho 4:23

Deoso ai nofiya, Deoso‑ya ai atibodi kahiyariya, Deoso ya‑yaitene. Fara dai watowahaboneni.

Yowaho 9:22

Oda‑ka hidi mai‑ya mai nayofinameteni. Hibati‑ya oda‑ka hidi mai ati yanana, “Yeso i‑di Deoso‑ka Ka‑kadika‑mona mai one ati na, Deoso‑ya mai hi‑hiyara‑ke yobe‑ya mai tokiyomamaraboneni.” Oda‑ka hidi mai ati nameteni.

Yowaho 9:34

“Tiwadi awisari‑ya tiwa ene amosaramaro, towe amatini. Oda‑ya tikanawatoraboneni. Tikahi. Deoso‑ya oda hi‑hiyara‑ke yobe‑ya tikamakiriyahi.” Mai ati nameteni.

Yeso‑ka yo‑yose mai tamine 5:33

Yeso‑ka yo‑yose mai ati‑ya mai‑ka hidi mai mita, mai yawi kita, “Mai ai nanahabahi.” Mai ati namoneni.

Yeso‑ka yo‑yose mai tamine 7:56

“Dai awahi. Neme hawi tohawaha, Deoso‑ka kanika‑ya okoyo i‑di Yeso waari‑ya oawawahineni.” Tefaho ati nemonane.

Korito daidi 4:13

Oda tamine‑mone‑ya keyehe‑ya mai hirina, mai‑ya oda hiyara, oda ati amosabisineni. Bani sabone‑nima oda nihi, yamata atori‑nima oda nawahamone mai ati teni.

Firibo 3:6

Deoso ati okadabamone ona, Yeso ati‑ya mai no‑nofa mai bisi·onamaroni. Deoso ati mai nofaramone ona, mai bisi·onamaroni. Mose ati‑nima ai niya, ai sibarabone mai ati na, Mose ati‑nima onamaroni.

Yeso Kirisito ene‑bona 6:9

Kaneiro Bidi yama barikani 5 kani‑ka‑ya wakakanamakitaseya, Deoso ati‑ya mai no‑nofa, Deoso tamine‑ya mai one‑ya mai ka‑kamina mai mai hinahabamaro, mai atibodi‑ta oawani. Deoso‑ka yobe‑ka yama mahi amosa a‑amimi‑ka yama bofe‑ya mai oawani.