Yowaho 15:5 - Deoso-ka Yama Hani

⁵ Ofa ade‑nima ona, ofa ini‑nima dai na, owa dai nokotoniya, ofa ade‑ya ini waana‑nima dai na, dai‑ya okasomaboneni. Dai‑ya okasomara‑mani, dai ene amosa wadara neni.

Yowaho 15:5 ပူးပေါင်းရင်းမြစ်များ

Mateo 13:21

Deoso ati‑ya mai nofara mai mai weehiniya, mai atibodi kitara, mai maakana kanibote na, Deoso ati‑ya mai tokadabamarani.

Yowaho 12:24

Owati amosabote dai mitahi. Ahosi‑nima na noki ai kamara, dodamaterani. Noki ohare wami‑ya ai kama, noki abiya, yana, noki dodamateni.

Yowaho 15:16

Owa‑ya dai kadikara, dai‑ya okadikabisa, dai‑ya oyosemaroni, dai bonabonehe, dai ene amosa fawarabonehe. Yama onofa‑nima yama na dai nofa, yama dai haana‑ya Okobi daanebonane.

Yowaho 5:19

Yeso mai‑ya hiyare, “Owati amosabote dai mitahi. Owa ene yama ani·oterani. Okobi ati ene yama ani·obisa, Okobi‑ka yama anini‑nima oka yama aniniteni.

Yowaho 9:33

Deoso‑ka tohare‑mana, owa noko‑ya kasomare nane.” Maki kitame ati nematane.

Yeso‑ka yo‑yose mai tamine 4:12

Neme‑ya mai wi‑wina, bofe‑ya mai wi‑wina na, mai ihi tohara, Yeso ohari‑ta ati ai nofa, Deoso‑ka ai tohateni.” Bedoro ati nemarine.

Homa 12:5

Fara‑nima Yeso ati ai no‑nofa Deoso‑ka ai dami toha, ai ene fara hinama tohatera ai abano ohare‑ta ai toha ai nineni.

Homa 6:22

Dai ene‑maro dai‑ya yaditonamara, dai manakone abawaha, hibayata Deoso‑ka dai toha, dai ene amosawama, dai manakone amosawamahari na, makobote Deoso tabaro‑ya dai winaboneni.

Homa 7:4

Soho, owati dai mitahi. Yeso ati dai nofawahiya, hibati‑ka dai aba, Mose ati dai‑ya barinami awire. Yeso Kirisito kitamemata, fare hika dai tohawaha, dai yati tohawaha, Deoso‑ka yama anini amosa dai aninaboneni.

Korito daidi 10:16

Ai yorotokana, awa bono fahi ai fawa, baho ai ebekana, ai na, Yeso abe tamine ai hiyarateni. Awa bono fahi ai fawabone, Deoso‑ya ai hiyara, ai ene Yeso emene tokafodo tamine‑ya ai atibodi kadika, baho‑ya ai ebekanabone, Deoso‑ya ai hiyara, Yeso ai manakone‑ya nanahabemata tamine‑ya ai atibodi kadika teni.

Korito daidi 12:12

Ai abano ohare, ai kobobona‑ta damateni. Ai abano kobobona dama, ai abano ohare‑ya wamanineni. Fara ai abano‑nima Yeso Kirisito nane. Yeso ati‑ya ai no‑nofa ai dama, Yeso‑ka ai hinama tohawahani.

Korito daidi 12:27

Kirisito kobobone dame, Kirisito kobobone ai tohineni.

Korito yoto‑ke 13:8

Mai ihi amosa, mai‑ya oda ati kitarabone, mai ihi amosara mai‑ya oda ati kitabisaboneni.

Korito yoto‑ke 9:10

Ai‑ka yamata ai kamabone‑ya Deoso ai‑ya daane, ai kamaya, Deoso nayanatene, ai kababonehe. Dai ene amosa‑ya Deoso kasomebonane, dai ene amosa dodamabonehe.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Efesiyo 5:9

Deoso ene yama wahi‑ya dai wi‑wina dai ene amosa, yama amosa‑ya dai atibodi kobona, keyehe‑ya dai hiririhi, dai teni.

Firibo 1:11

Hibayata Yeso dai‑ya sawi, mahi‑nima dai ene amosi ba‑basi, mahi‑nima dai ene amosi ba‑basi niya, dai ene‑ya mai awiya, Deoso‑ya mai kahiyara, “Deoso amosabote amane.” Mai ati nawahaboneni.

Firibo 4:13

Yeso Kirisito kite ene owa kiti toha, Yeso ene yama anini dami owatowahineni.

Firibo 4:17

Yinero noko·oni awirini. Dai ene amosa oawa, ya‑yai·oteni. Dai ene dai manakone ba‑basi na‑ya Deoso daanebonane.

Koroso 1:10

Yeso‑ya dai ya‑yainihebone, dai ene amosiyahi. Awa bono ade amosa, bona ihi ai ya‑yaiteni. Fara‑nima dai ene amosa, ai‑ka Ayo i‑di Yeso ya‑yainebonane. Deoso‑ya dai wato ba‑basi naboneni.

Koroso 1:6

Deoso Ati Amosabote ati dai mite, ati dai nofe, mai one‑ya ati dai kaminamaki, dai ene Deoso Ati Amosabote mai one nofamoneni. Awa yana, tonafe, bonowahateni. Fara‑nima Deoso Ati Amosabote toheya mai dami mita, ati mai hinofe Deoso‑ka mai dodamateni.

Tiyako 1:17

Deoso ene yama amosa ai kayafa, mahi, abariko, amowa mai na, mai‑ya wamane, ai wehene‑bone‑ya Deoso daanematane. Hibati‑ke‑nima ne, hibayata‑ke tohasa ne, fare‑nima tohatebonane.

Bedoro daidi 2:4

Deoso‑ka yobe‑ya Deoso wamanebona, kote yati hasikana amosabote, ohari‑ya kadike, manakone nafi tohe, bofe‑ya kame, mai hinofare, dai‑ta ati dai nofawahani.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.