Yowaho 14:7 - Deoso-ka Yama Hani

⁷ Hibati‑ya owa‑ya dai wata‑mani, Okobi dai watohare neni. Hibayata Okobi dai wato, Okobi dai awa, dai neni.” Yeso ati nemarine.

Yowaho 14:7 ပူးပေါင်းရင်းမြစ်များ

Mateo 11:27

Oda‑ya hiyaramatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomakineni. Dai‑ya okasomara‑mani, Okobi‑ya dai watora neni.

Roka 10:22

Yeso ati yananamatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomake, dai‑ya okasomara‑mani, Okobi dai watora neni.” Yeso ati nematane.

Yowaho 1:18

Deoso ai aware tamine‑ya Bidi kaminemarine. Bidi yokana Badi‑ya famene.

Yowaho 15:24

Owa ene kitabote‑ya mai awara‑mani, mai ihi manakone wadara neni. Owa ene kitabote‑ya mai awa, owa‑ya mai kako, Okobi‑ya mai kakohari nineni.

Yowaho 16:3

Okobi‑ya mai watora, owa‑ya mai watoharira, oda‑ya mai watora ihi dai‑ya mai kakaboneni.

Yowaho 17:21

Abi, tiwati ihi mai nafi oharihi. Ai‑ka mai toha ai ohari‑nima mai oharihi. Ai nafi oharihi. Mai ihi‑ya mai one awiya, owa tiyosemaro owa‑ya mai watowahaboneni.

Yowaho 17:23

Owa‑ya tisawi mai‑ya osawi ona, mai nafi ohariwamabonehe. Mai ihi‑ya mai one awiya, owa‑ya tiyosemaro, owa‑ya mai watowahaboneni. Owa tinofi‑nima oka mai tinofahare, mai‑ya mai watowahaboneni.

Yowaho 17:26

Mai‑ya tiwa yofi·okanamaro, tiwa yofi·okateboneni. Tiwa‑ya mai wato, owa tinofi nafe‑nima mai ibi nofabone, mai‑ya osaweboneni.” Yeso ati nemarine.

Yowaho 17:3

Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Yowaho 17:6

Abi, tika mai one bofe‑ya wi‑wina, owa‑ya mai daatina, mai‑ya tiwa tamine okamina, tiwati‑ya mai tokadabineni.

Yowaho 17:8

Owa‑ya tikaminamaro, mai‑ya okaminamakineni. Tiwati‑ya mai nofineni. Tika ama·oni. Owa‑ya tiyosemaro, owa‑ya mai watowahineni.

Yowaho 6:46

(Bofe‑ka dai toha Okobi dai awaterani. Owa‑ta Deoso owa‑ya yose‑mari oawabisane.)

Yowaho 8:19

“Ebeni‑kaya abi sawiti?” Mai ati na, “Owa‑ya dai watora, Okobi‑ya dai watoharirani. Owa‑ya dai wata‑mani, Okobi dai watohare neni.” Yeso ati nemarine.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Ebereo 1:3

Deoso amosabote noko wehene nafi, noko wehene‑nima Bidi noko wehene ne Deoso‑nima Bidi ne. Ati kite ene neme toha, bofe tohasa nihi nineni. Ai ene amosara manakone wada, ai manakone‑ya nanahabe, Deoso kitabote‑ka kanika‑ya itariwahematane neme‑kaya.

Yowaho daidi 2:13

Bote dai toha, dai‑ka yama hani‑bone okanahanoneni. Yeso yama nafi‑ya wamanemata dai watoneni. Yetene dai toha, dai‑ka yama hani‑bone okanahanoneni, Satanasi ati‑ya dai nofarabonehe. Madehe dai toha, dai‑ka yama hani‑bone okanahanoneni, ai‑ka abi dai watabonehe.