Yowaho 13:5 - Deoso-ka Yama Hani

⁵ Faha wiye‑ya faha‑ya soronise, oda teme‑ya sokone, towaya‑ya oda teme‑ya tamonemarine.

Yowaho 13:5 ပူးပေါင်းရင်းမြစ်များ

Roka 7:38

Yeso teme‑kaya itarisa, ohina, noki fahi‑ya Yeso teme‑ya nowinihe, tati kone‑ya Yeso teme‑ya tamo, Yeso teme‑ya toma, yama mahi amosa‑ya Yeso teme‑ya sorokaremaki, Yeso teme‑ya tamo, fai teme‑ya toma nameteni.

Roka 7:44

Fana‑ya kakatomeya, Simaho‑ya hiyare, “Fana ihi tiawahi. Tika yobe‑ya okiyoma, owa teme sokoni‑bone‑ka faha‑ya daatira, fana noki fahi‑ya owa teme‑ya nowina, tati kone‑ya owa teme‑ya tamoneni.

Yowaho 13:10

“Ai afini hawa toha, ai‑ka yobe‑ya ai kama, ai teme ai sokokawama, ai afinamarani. Dai atibodi amosi hawa toha, dai‑ka owa atibodi amosi awirane.” Yeso ati nemarine.

Yowaho 13:6

Simaho Bedoro teme‑ya sokonebona, “Ayo, owa teme sokotibana?” Bedoro ati ne,

Yowaho 13:8

“Owa teme sokotiraboneni.” Bedoro ati ne, “Tiwa teme soko·oriya, oka tiharaboneni.” Yeso ati nemarine.

Yowaho 19:34

Yeso abo fowari bodi‑ya sodado idemarine, wabise‑ya, ama faha‑ya fama tokafodamaroni.

Yeso‑ka yo‑yose mai tamine 22:16

Hibayata tiwa‑ya mai habanirisahi. Tiwa ene‑maro‑nima tiwa ene namarabone, ai‑ka Ayo haatiniya, Deoso tiwa‑ya ati somawamebonane.’ Ananiya ati nemarine.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Efesiyo 5:26

Yeso‑ka ai toha, ai atibodi‑ya Kirisito namosebona, abematane. Bora bisa toha, ai sokona, amosawamabone‑nima Yeso ati ai nofa ai‑ya namosane.

Timoti daidi 5:10

Fana madehe‑ya na‑nayana, mai one kake mai‑ya natafa, mai wini‑bone‑ka mai‑ka yobe‑bona‑ya yofikana, mai kiyana mai‑ya kasoma namaroni. Timoti, haa‑nima mai na, mai‑ya tikasomanadiyahi.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Yowaho daidi 1:7

Yama tehe‑ya Deoso wini‑nima yama tehe‑ya ai wina, ai ibi hiyari nofateni. Ai ene amosara ai atibodi bisa toha, Deoso Bidi i‑di Yeso ai atibodi‑ya sokotene, ai atibodi besene fawanabonehe.

Yowaho daidi 5:6

Hibati‑ya Yeso‑ya Yowaho habanirise, Yeso tamine‑ya Deoso ati yanane. Yeso abebona‑ya ati yananamatase, “Yeso, Oka Dao amane.” Ati nemarine. Deoso‑ka Doni Yeso tamine‑ya kaminaharitene. Deoso‑ka Doni keyehe‑ya hiriterene. Faha‑ya Yeso habanise‑ya ati toha, emene tokafodobona‑ya ati toha nemarine.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.

Yeso Kirisito ene‑bona 7:14

Owati yanana, “Hidi amatini. Mai tiwatobisahi.” Onani. Hidi bi‑bidi ne ati yananamatase, “‘Bofe‑ya yama towe dama yananabone ihi yama yofinaboneni.’ Deoso‑ka yama hani ati neni. Fara‑ya mai yanana, neme‑ya mai kobonineni. Kaneiro Bidi emene‑ya mai‑ka bora mai sokona, mai‑ka bora sawa tohawahineni.