Yowaho 13:34 - Deoso-ka Yama Hani

³⁴ Owati dai mitahi. Dai ibi nofiyahi. Dai onofi‑nima dai ibi nofiyahi.

Yowaho 13:34 ပူးပေါင်းရင်းမြစ်များ

Mateo 5:44

Owati dai mitahi. Dai‑ya mai nofara mai dai nofiyahi. Dai‑ya mai bisina mai tamine dai hiyarahi, Deoso mai‑ya kasomebonaha.

Yowaho 15:17

Dai ibi nofiyahi, onani.

Yowaho 17:21

Abi, tiwati ihi mai nafi oharihi. Ai‑ka mai toha ai ohari‑nima mai oharihi. Ai nafi oharihi. Mai ihi‑ya mai one awiya, owa tiyosemaro owa‑ya mai watowahaboneni.

Homa 12:10

Yeso‑ka dai toha dai‑ka soho dai nofi‑nima dai ibi nofa, mai ihi amosa mai dai kahiyarahi.

Homa 13:10

Mai dai nofa, mai atibodi dai nakomarabone, Deoso atibodi yama kobohina‑nima dai ene naboneni.

Homa 13:8

Yama dai kanika, manakone dai nanahaba kanibote nahi. Mai‑ka yinero dai kayafe, manakone dai daatonama kanibote nahi. Mai dai nofabone Deoso ati ne, mai dai nofahi. Mai dai nofi yokana toha, Deoso ati‑nima dai teni.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Karatiya 6:10

Yama‑ya mai kihara mai dai kasomahi. Dai‑ka yama dama, dai one‑ka yama‑ba dai daanahi. Yeso ati‑ya mai nofara mai dai kasomi bi‑bidi, Yeso ati‑ya mai no‑nofa mai dai kasomi ba‑basi nahi.

Karatiya 6:2

Dai ibi kasomiyahi. Dai ibi kasoma, Yeso ati dai tokadababoneni.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Koroso 1:4

Koroso‑ya dai wi‑wina dai tamine oda mita, Yeso Kirisito ati‑ya dai nofa, Yeso ati‑ya mai one no‑nofa mai‑ya dai kasomi nofa, dai tamine oda mita, oda ya‑yaina, Deoso oda kahiyarani.

Tesaronika daidi 3:12

Ai‑ka Ayo Yeso, ati ene dai ibi nofi nafihi. Mai nafi dai nofahi. Dai oda nofi‑nima mai dai nofahi.

Tesaronika yoto‑ke 1:3

Yeso ati‑ya dai no‑nofa, dai ene oda ya‑yaineni. Deoso‑ya oda hiyara, dai tamine oda hiyara, oda ya‑yaineni. Yeso ati‑ya dai nofamaro, ati dai nofi nafiwahane. Dai ibi nofamaro, dai ibi nofi nafiwahineni.

Ebereo 13:1

Ai‑ka ayo ai‑ya nofi‑nima ai ibi nofiyahi.

Tiyako 2:8

“Hini dai‑ya dai nofi‑nima dai one dai nofahi.” Deoso‑ka yama hani ati nineni. Deoso ati dai tokadabiya, yama sibaraboneni.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Bedoro yoto‑ke 1:7

Deoso yama hinofa‑nima yama na dai nofa, dai ibi nofiyahi. Dai ibi nofa, dai ibi nofi na‑nafi nahi.

Yowaho daidi 3:11

Yeso tamine dai miti baha, oda ati dai mita, “Dai ibi nofahi.” Oda ati namaro, fara dai ibi nofahi.

Yowaho daidi 3:23

Deoso ati dai mitahi. “Oka dao i‑di Yeso Kirisito ati dai nofiya, owati‑maro‑nima dai ibi nofahi.” Deoso ati nemarine.

Yowaho daidi 4:21

Hibati‑ya Deoso ai‑ya hiyare, “Owa‑ya dai nofabone, dai one dai nofaharihi!” Deoso ati nematane.

Yowaho yoto‑ke 1:5

Mai‑ka ami amatini, owati timitahi. Owati bara tohi awirini. Fara mai ati‑maro‑nima owati nineni. Ai ibi nofabone mai ati namaro, fara mai ati‑nima owati nineni.