Yowaho 13:1 - Deoso-ka Yama Hani

¹ Yeso bofe‑ya sawimarebona, Badi‑ya tokoma kanibote nebona, hini tamine‑ya watomarine. Bofe‑ya oda wi‑wina Yeso‑ka oda toha, oda‑ya Yeso nofemari, oda‑ya nofi fawaterene. Ka‑kariwa‑ya oda marinabone, oda tafi yanatonamaroni.

Yowaho 13:1 ပူးပေါင်းရင်းမြစ်များ

Mateo 26:45

Yeso kamatase, mai amonasa na, “Dai nahomisamahi. Ai tokomahi. Yama one‑ya dai amonaboneni. Hibayata Deoso ati‑ya mai tokadabara mai‑ya owa‑ya daanebona kamane, ahiyata‑ya.” Yeso ati nemarine.

Mateo 28:20

Owati nafi‑ya dai kanawatohi, owati‑ya mai tokadababonehe. Dai tokiya, dai‑ya osawebone, dai honita tohateraboneni.” Yeso ati nemarine.

Roka 22:53

Hibati‑ya mahi‑nima Deoso‑ka yobe‑ya osawe, owa‑ya dai wataramaroni. Hibayata Deoso dai‑ya ati barire, yama towe‑ka hidi‑ya Deoso ati baririhi nane.” Yeso ati nematane.

Roka 9:51

Yeso tokomisebona hika mahi koboni yanatone, Yerosare‑ya nokotoniwahematane, tokomebonaha.

Yowaho 11:55

Ka‑kariwa‑ka mahi koboni yanatoneya, tabora bide dama‑ka Yerosare‑ya mai tokomakemaroni, Mose‑ka yama hani ati‑nima yama‑ya mai hawa tonihebonehe.

Yowaho 12:23

“Dai‑ka Ayo neme‑ke ama·oni. Owa ene amosabote‑ya mai awaboneni. Fara yama kobo kanibote naboneni.

Yowaho 13:29

Yoda oda‑ka yinero‑ya da‑dama ene oda one atibodi yama‑ya dika, “Oda mariniba‑ka yamata‑ya kanikeba awane. Yamata mai kihara mai‑ka yinero‑bona‑ya daaneba awane.” Oda one atibodi ati namaroni.

Yowaho 13:3

“Okobi ati ene yama nafi‑ka hidi ama·oni. Deoso‑ya yana·onamaro, okoma kanibote onaboneni.” Yeso atibodi ati nemarine.

Yowaho 13:34

Owati dai mitahi. Dai ibi nofiyahi. Dai onofi‑nima dai ibi nofiyahi.

Yowaho 14:28

‘Okomabone, wini·onamatasaboneni.’ Ona, Okobi‑ya okomaboneni. Owa‑ya dai nofa‑mani, dai ya‑yaina neni. Okobi amosabotebisa amane.

Yowaho 14:31

Okobi onofa, Okobi ati‑nima oteni. Bofe‑ka owa ene‑ya mai awiya, owa‑ya mai watowahaboneni. Hima ai tokomahi.” Yeso ati nemarine.

Yowaho 16:28

Hibati‑ya Okobi oda famamaro, dai tabaro‑ya okemaro, Okobi‑ya okomatasaboneni.” Yeso ati nemarine.

Yowaho 17:1

Oda‑ya hiyari hawa tohe, neme‑ya tonokomise, Deoso‑ya hiyare, “Abi, tiwati‑maro‑nima yama yananaboneni. Tiwati ihi owa ene amosabote‑ya mai awahi. Owa ene‑ya mai awiya, tiwa ene‑ya mai watowahaboneni.

Yowaho 17:16

Bofe‑ka mai‑ka owa ohara, oka mai toha bofe‑ka mai‑ka one mai tohahari awirini.

Yowaho 17:26

Mai‑ya tiwa yofi·okanamaro, tiwa yofi·okateboneni. Tiwa‑ya mai wato, owa tinofi nafe‑nima mai ibi nofabone, mai‑ya osaweboneni.” Yeso ati nemarine.

Yowaho 17:5

Bofe‑ba awisari‑ya ai fama ai amosabote ai wehene wadamaroni. Tiwa‑ya osawimatasiya, hini owa wehene wadamaro, owa wehene wadamatasahi.

Yowaho 18:4

Yeso mai ihi‑bone‑ya wato, mai‑ya hiyare, “Ebeni‑ke dai watibati?” Ati nemarine.

Yowaho 19:28

Yama nafi hawa toha, fara Yeso hiwata, ati yanane, “Owa bako hokoni.” Ati nemarine, Deoso‑ka yama hani ati‑nima yama nabonehe.

Yowaho 2:13

Yodeo oda toha oda yorotokanaboneni, Ka‑kariwa‑ya oda marinabonehe. Fara ihi Yerosare‑ya Yeso oda eyehe tokomakimarine.

Yowaho 6:4

Ka‑kariwa‑ke mahi koboni yanatonemarine, Yodeo oda toha oda marinabonehe.

Yowaho 7:30

Ati mai himite mai one yawa, Yeso‑ya mai waratonabone mai atibodi ati na, Yeso abebona‑ka mahi kobore ene Deoso mai‑ya maakane, Yeso‑ya mai waratoni awiramaroni.

Yowaho 7:6

“Hibayata mai dama mai noki‑ya owati toki awisarani. Dai‑ya mai awabisiya, yama sibarini.

Yowaho 8:20

Deoso‑ka yobe‑ya yinero weyene wai yowi‑ya Yeso itari, mai‑ya kanawatomarine. Yeso ati‑ya mai mitiya, Yeso‑ya mai waratonabone mai atibodi ati na, Yeso aba‑bona‑ke mahi kobore ene Deoso mai‑ya maakane, Yeso‑ya mai waratoni awiramaroni.

Homa 8:37

Ai‑ya mai kaka, ai‑ya mai ati nanahaba na, Yeso ai‑ya nofi nafi, ai‑ya kasome, ai habo siitora, ai habo kiti ba‑basi na, ai ya‑yaiteni.

Korito daidi 1:8

Deoso dai eme‑ya nakitebonane, dai ene amosa fawarabonehe. Yeso Kirisito koboneya, dai ene ya‑yainebonane.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Ebereo 3:6

Yeso‑ta Deoso Bidi tohe, Deoso‑ka yobe hidi amane. Deoso ati ai no‑nofa, Deoso ene ai habo siitora, Deoso‑ka yobe ai tohateni. Mai ihi‑maro‑nima dai ene riyahi.

Ebereo 6:11

Yeso kamebona‑ya dai nimana, dai ene amosi fawariyahi. Dai ene amosa toha, dai manakone wadaboneni.

Bedoro daidi 1:13

Yeso Kirisito kamatasebona dai atibodi dai hawa tonihi. Yama amosa‑ya dai kadikabisahi. Dai atibodi noko wadahi. Dai‑ka yama amosabote‑bone‑ya Deoso daanebona dai nimanahi.

Yowaho daidi 4:19

Deoso ai‑ya nofi bahe, makobote mai ai nofamakiteni.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.