Yowaho 12:5 - Deoso-ka Yama Hani

⁵ “Ka! Yama mahi amosa ai daana‑mani, yama sibabisara neni. Mahi amosa ai daana‑mani, yama ai anini mahi 300 kane‑ka manakone‑nima manakone na manakone ai kayafiya, mai‑ka yamata wadara mai‑ya yinero ai daana neni.” Yoda ati nemarine.

Yowaho 12:5 ပူးပေါင်းရင်းမြစ်များ

Mateo 18:28

Maki toke, hika owa‑ya hiyare, hika yama manakone‑ya haane, fara yama anini abariko 4 kane‑ka manakone‑nima hika owa‑ka yama manakone nineni. Hika owa namidi‑ya waratone, ‘Oka yinero‑ba daanama kanibote tinahi.’ Maki ati nane.

Mateo 20:2

bosane, mai one‑ya yose, ‘Oka ofa dai bataniya, dai‑ka yinero‑ba daa·onaboneni. Barata wamani ohari daa·onaboneni.’ Ati nane.

Roka 12:33

Dai yehe honene dai daanahi. Yinero dai waratokaniya, mai‑ka yama wadara mai‑ya yinero dai daanahi. Haa‑nima dai niya, neme‑ya dai manakone wadaboneni. Neme‑ya dai‑ka yama manakone tosiyoteraboneni. Neme‑ya yama‑ya mai botirihi, yama aboni yama‑ya mai kabarihi, teni.

Roka 18:22

Ati‑ya Yeso mite, ati yanane, “Tika yama ohare hasinineni. Tiwa yehe honene nafi daatinahi, manakone waratiniya, mai yahi hone wadara mai‑ya daatinahi. Deoso tabaro‑ya tika yama dama tohaboneni. Eya tiwa ene niya, makobote owa‑ya tisawiyahi.” Yeso ati nematane.

Roka 6:41

Dai owa ene dai kadiki nafimariyahi. Hini dai ene dai kadiki ba‑basi nibisahi. Awa hibakori dai owa noko‑ya boka, awa ibe dai noko‑ya foyana, awa hibakori‑ya dai bikanamaterani, awa ibe dai noko‑ya foyaro.

Yowaho 12:4

Yeso‑ya oda da‑daba oda‑ka owa Yeso‑ya daanebona, i‑di Yoda Isikari·oti amane. Fare Mariya ihi‑ya awe, yawemarine.

Yowaho 12:6

Yoda yama‑ya bo‑boti amane. Oda‑ka yinero‑ya Yoda damane, oda‑ka yinero kote‑ya botimarine. Yama mahi amosa‑ya ati daane, hiniya yinero‑ya atibodi kayafabisemarine, mai one‑ya kasomi awirebonane.

Yowaho 13:29

Yoda oda‑ka yinero‑ya da‑dama ene oda one atibodi yama‑ya dika, “Oda mariniba‑ka yamata‑ya kanikeba awane. Yamata mai kihara mai‑ka yinero‑bona‑ya daaneba awane.” Oda one atibodi ati namaroni.

Yowaho 6:7

Firibi ati yanane, “Ka! Yinero yama anini mahi 200 kane manakone‑nima ne‑ya mai tafe‑ba oda kanikiya, baho kote bide oda daaniya, mai nafi‑ya koboraba awineni.” Firibi ati nemarine.