Yowaho 11:11 - Deoso-ka Yama Hani

¹¹ “Ai‑ka naki, i‑di Rasaro amone, mowa·okanabone okomakeboneni.” Yeso ati nemarine.

Yowaho 11:11 ပူးပေါင်းရင်းမြစ်များ

Mateo 27:52

Deoso ati‑ya mai nofamete mai tame‑ya seekane, mai one dama mai kitamamaroni.

Mateo 9:24

“Dai tokahi. Atona abi awirini, hiniya amoneni.” Yeso ati ne, ati‑ya mai hahakanamaroni. “Yama tiwato awirini.” Mai ati namaroni.

Maroko 5:39

Yairo‑ka yobe‑ya Yeso tokiyome, ati yananane, “Hini yamata ihi dai ohini kita? Atona abi awirini, hiniya amoneni.” Yeso ati nematane.

Yowaho 11:10

Yama soki‑ya ai yakana, ai sonateni, yama wahi awiraro.” Yeso ati nemarine.

Yowaho 11:12

“Ayo, Rasaro amone, kitameba awane.” Oda ati namaroni.

Yowaho 11:13

Rasaro abe tamine‑ya Yeso hiyare, ati oda watoramaroni.

Yowaho 11:3

Rasaro‑ka adi mai fama, mai‑ka da‑daba‑ya mai yose, “Yeso sibatinahi. Tiwasiya, eya tiyahi. ‘Ayo, tinofi nafi kiyanene.’ Tiyahi.” Mai ati nameteni.

Yowaho 3:29

Ai‑ka no‑nofa fanebona, ya‑yaine, fadi‑bone‑ya famebonaha. Fane‑bona kobone ene ai ya‑yainahariteni. Yeso‑ka no‑nofa ama·oni. Yeso‑ya mai toka, oyawara, ya‑yai·oneni.

Yeso‑ka yo‑yose mai tamine 7:60

Yobati‑kaya ite, “Ayo, owa‑ya mai nanahaba, mai‑ya tiwati somawamahi.” Ati ne, ati kite, Ati fawane, abawahematane.

Korito daidi 15:18

Yeso kitami awire‑mana, Kirisito ati‑ya mai nofamete mai aba, Deoso tabaro‑ya mai winara neni.

Korito daidi 15:34

Dai amona‑nima dai na, dai dodafiya, dai atibodi dai kadikahi, dai ene amosabonehe. Mai one yama‑ya mai wa‑wato‑mone mai ati na, Deoso‑ya mai nofara dai‑ya keyehe‑ya mai hirikanateni, dai ene amosarabonehe. Yama dai watabone ona, yama dai watora awineni.

Korito daidi 15:51

Ai nafi abaraboneni. Ai one aba, ai one hasi na, ai nafi tohiyaboneni. Deoso ati ene ai tohiya, neme‑ke abano ai weyenaboneni. Ai tohiyabone, hibati‑ya tamine mai himitara, hibayata tamine ai mitawahineni.

Efesiyo 5:14

Yama wahi‑nima ai ene na, mai ihi amosara mai amona‑nima mai na, mai‑ya ai haanahi. “Dai dodafihi! Yeso ati dai mitahi. Dai abarabone, Yeso ati dai nofahi, Kirisito ya‑yainebonane.” Ai ati nahi.

Tesaronika daidi 5:10

Hibati‑ya Yeso abe, ai manakone‑ya nanahabane. Ai aba, ai hasina, ai sibaraboneni. Yeso kameya, Yeso‑ya ai tosawimiya, ai winawahaboneni Deoso tabaro‑ya.

Tiyako 2:23

Deoso‑ka yama hani ati‑nima yama na, i‑di Abaraho Deoso ati‑ya nofe ene i‑di Abaraho‑ya Deoso hiyare, “Abaraho, tiwa ene amosini.” Ati ne. “Deoso‑ka no‑nofa i‑di Abaraho amane.” Mai ati nameteni.