Yowaho 10:4 - Deoso-ka Yama Hani

⁴ Mai nafi fidotona, mai‑ka hidi dai tohe, nowati‑ya mai tokomakiteni, mai‑ka hidi ati‑ya mai wataro.

Yowaho 10:4 ပူးပေါင်းရင်းမြစ်များ

Mateo 16:24

Yeso‑ya oda da‑daba oda‑ya Yeso hiyaramaki, “Owa‑ya dai ati daba, dai‑ka yama dai nokotoniriyahi. Owa‑ya dai dabiya, owa‑ya mai nanahababone‑nima dai‑ya mai nanahabahareba awineni.

Yowaho 10:16

Mai tabori one‑ya oka kaneiro mai one toha, mai onakamaboneni. Owati‑ya mai mitaboneni. Oka kaneiro mai one‑ya mai yoro·okanihebone, mai‑ya na‑nawada owa hare boneni.

Yowaho 10:27

Oka kaneiro mai owatoni. Owati‑ya mai nofa, owa‑ya mai tokomakiteni.

Yowaho 10:3

Kaneiro mai nokobiri‑ya wa‑waa kaneiro mai‑ka hidi‑ya awe, nokobi‑ya seekane, mai‑ka hidi yananeya, kaneiro mai oni‑ya mai‑ka hidi haaneya, hidi‑ya mai tokomakiteni.

Yowaho 10:5

Bara mai‑ya kaneiro mai tokomakiterani. Bara mai ati‑ya mai watora, mai kananibisateni.” Yeso ati nemarine.

Yowaho 10:8

Hibati‑ya mai kobona yama‑ya mai bo‑boti mai toha, kaneiro mai‑ya mai haana, mai ati‑ya kaneiro mai nofarameteni.

Yowaho 12:26

Owa‑ya dai narifabone dai ati na, owa ene‑nima dai ene nahi. Owa‑ya dai narifa osawi‑kaya dai sawebone, Okobi dai‑ya kahiyarebonane.” Yeso ati nemarine.

Yowaho 13:15

Owa ene‑nima dai ene niyahi.

Yowaho 18:37

“Hidi webote amatiraniha?” Birato ati ne, “Hehe, hidi webote ama·oni. Deoso ati yokana okaminabone, bofe‑kaya okemaro, owada onamaroni. Deoso ati yokana‑ya mai no‑nofa owati‑ya mai tokadabateni.” Yeso ati nemarine.

Yowaho 3:29

Ai‑ka no‑nofa fanebona, ya‑yaine, fadi‑bone‑ya famebonaha. Fane‑bona kobone ene ai ya‑yainahariteni. Yeso‑ka no‑nofa ama·oni. Yeso‑ya mai toka, oyawara, ya‑yai·oneni.

Korito daidi 11:1

Kirisito‑nima oteni. Owa‑nima dai niyahi.

Efesiyo 5:1

Ai‑ka abi bofe‑ke ai‑ya nofe, ene‑nima ai ene teni. Fare‑nima dai‑ka Abi i‑di Deoso dai‑ya nofi nafi, ene‑nima dai ene nahi.

Ebereo 12:2

Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.

Ebereo 6:20

Deoso‑ya Yeso hini emene‑ya towakame, emene daahinaya, ai manakone abawahineni. Deoso‑ka yama‑bone‑ya mai da‑daa mai‑ka hidi webote Yeso tohawahe, Meokisadeki‑nima nane.

Bedoro daidi 2:21

Dai ene Yeso Kirisito‑ya mai bisina, Yeso‑ya mai nanahabamaroni. Yeso ene amose hinama tohe, mai bisihine yawaremari, “Owa‑nima dai nahi. Dai ene amosa, dai‑ya mai bisiniya, dai yawariyahi.” Yeso ati nemarine.

Bedoro daidi 4:1

I‑di Yeso Kirisito mai bisihine, oda‑ya kasomebona abano komene kitemarine. Dai‑ya mai bisina, dai yawariyahi. Yeso atibodi ati‑nima dai atibodi ati nahi. Yeso Kirisito mai bisinamaro dai‑ya mai bisinaboneni. Ai‑ya mai bisina, yama towe‑ya ai nofamaraboneni.

Bedoro daidi 5:3

Mai dai weenadiriyahi. Hiniya mai dai kasoma, dai ene amosiya, dai ene‑ya mai awiya, yama‑ya mai watowahiya, Deoso ati‑ya mai tokadababoneni.