Yowaho 10:3 - Deoso-ka Yama Hani

³ Kaneiro mai nokobiri‑ya wa‑waa kaneiro mai‑ka hidi‑ya awe, nokobi‑ya seekane, mai‑ka hidi yananeya, kaneiro mai oni‑ya mai‑ka hidi haaneya, hidi‑ya mai tokomakiteni.

Yowaho 10:3 ပူးပေါင်းရင်းမြစ်များ

Yowaho 10:14

Kaneiro mai‑ka hidi amosabote ama·oni. Oka kaneiro mai owato, owa‑ya mai watohari nineni.

Yowaho 10:16

Mai tabori one‑ya oka kaneiro mai one toha, mai onakamaboneni. Owati‑ya mai mitaboneni. Oka kaneiro mai one‑ya mai yoro·okanihebone, mai‑ya na‑nawada owa hare boneni.

Yowaho 10:4

Mai nafi fidotona, mai‑ka hidi dai tohe, nowati‑ya mai tokomakiteni, mai‑ka hidi ati‑ya mai wataro.

Yowaho 10:9

Awa yara nokobiri ama·oni. Owa‑kaya mai tokiyomiya, mai sibaraboneni. Mai yobiniya, mai tafaboneni.

Yowaho 6:37

Dai one‑ya Okobi owa‑ya daane, Okobi mai daahina owa‑ya mai nafi nofabone, owa‑ya mai nofiya, ‘Dai‑ya onofi awirini, dai tokahi.’ Oteraboneni.

Yowaho 6:45

‘Deoso mai nafi‑ya kanawatowahebonane.’ Deoso ati‑ya mai mi‑mita‑mete mai‑ka yama hani ati neni. Okobi mai‑ya kanawato, ati‑ya mai nofa owati‑ya mai nofawahaboneni.” Yeso ati nemarine.

Homa 8:30

Deoso ai‑ya kadikemata, ai‑ya haane, ai‑ya ati somawamemari, tabaro‑ya ai winiya, yama amosa hinama ai kayafaboneni.

Korito daidi 16:9

Hibayata owatibodi ati toki nofarani. Deoso ene owati‑ya mai dami mitawaha, Satanasi ene owa‑ya mai one kakona, owa‑ya mai ati nanahabineni.

Firibo 4:3

Oka owa amatini. Mai fanawi tikasomahi, mai ibi nofabonehe. Yeso ati okamina, owa‑ya mai daba, yama‑ya mai anini kitamaroni. I‑di Keremete mai nafi owa‑ya mai daba, neme‑ka yama hani‑ya mai oni‑ya Deoso kanahanomatane. Mai abaterabone, Deoso tabaro‑ya mai winabisaboneni.

Koroso 4:3

Deoso‑ya dai hiyariya, oda tamine dai hiyara, “Abi Deoso, Baoro mai tikasomahi, tiwati‑ya mai kaminabonehe, mai dami‑ya. Yeso Kirisito tamine‑ya mai kaminabone, mai tikasomahi.” Dai ati nahi. Yeso Kirisito tamine ohiyaranadi ene kadeya‑ya owa‑ya mai nawaani.

Timoti yoto‑ke 2:19

I‑di Deoso ati abaterene. Deoso mai‑ya kadikemari, Deoso mai oni‑ya watone. Deoso‑ka ama·oni, ai ati niya, Deoso ati‑nima ai nahi. Ai ene amosahi.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.

Yowaho daidi 4:6

Deoso‑ka ai toha, Deoso‑ka mai one ai ati‑ya mai nofateni. Deoso‑ka mai tohara ai ati‑ya mai nofaterani. Ai ati‑ya mai nofa, Deoso‑ka mai toha mai ai wato. Ai ati‑ya mai nofara Satanasi‑ka mai toha, mai ai wato teni.

Yowaho faina 1:14

Tiwa‑ya owati foya, tiwa awa kanibote onabone oneni. Ai ibi koboniya, tiwa ohiyaraboneni.

Yeso Kirisito ene‑bona 20:15

Ai abarabone‑ka yama hani‑ya mai oni sawira, wara hirini‑kaya mai‑ya weretoniwahene.

Yeso Kirisito ene‑bona 3:20

Owati dai mitahi. Nokobi‑ya dai‑ya haa·onani. Owati dai mitiya, nokobi dai seekaniya, yobe doro‑ya okomakeboneni. Ai tafa, ai ibi hiyara naboneni.

Yeso Kirisito ene‑bona 7:17

Hidi Webote‑ka kadera amosa yowi‑ya Kaneiro Bidi wai, Bani hidi hika bani mai‑ya kakatomi‑nima Kaneiro Bidi hika mai‑ya kakatominebonane. Bani hidi faha kimisa‑ya yofikitine. Bani mai baki hokorabone‑nima Kaneiro Bidi ene mai ya‑yaiteboneni. Deoso ene mai ohinamaraboneni.” Hidi bi‑bidi ne ati nene.