Yowaho 10:14 - Deoso-ka Yama Hani

¹⁴ Kaneiro mai‑ka hidi amosabote ama·oni. Oka kaneiro mai owato, owa‑ya mai watohari nineni.

Yowaho 10:14 ပူးပေါင်းရင်းမြစ်များ

Yowaho 10:11

Kaneiro mai‑ka hidi amosabote ama·oni. Oka kaneiro mai abarabone, o·ababisiya, yama sibaraboneni.” Yeso ati nemarine.

Yowaho 10:13

Hika yama anini manakone‑ya nokotonibise, kaneiro mai‑ya nofare, bani hame koboneya, kanatene.

Yowaho 10:27

Oka kaneiro mai owatoni. Owati‑ya mai nofa, owa‑ya mai tokomakiteni.

Yowaho 17:3

Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Yowaho 17:8

Owa‑ya tikaminamaro, mai‑ya okaminamakineni. Tiwati‑ya mai nofineni. Tika ama·oni. Owa‑ya tiyosemaro, owa‑ya mai watowahineni.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Efesiyo 1:17

“Abi Deoso, Yeso Kirisito‑ka Abi amosabote amatini. Yeso Kirisito‑ka Deoso amatini. Efesiyo‑ya mai wi‑wina mai‑ya tika Doni sawiyaho, tiwa‑ya mai wato ba‑basi nabonehe. Tiwa tamine‑ya mai tikanawatohi.” Oteni.

Efesiyo 3:19

Abi Deoso, Yeso Kirisito‑ka yama nofi‑ya mai wato nafiterabone, mai hiwato ba‑basi hinahi. Abi, tiwa ene Yeso yama hinofa‑ya mai nofiyahi.” Oteni.

Firibo 3:8

Yama anini manakone noko·onihemaro, yama anini manakone noko·onimateraboneni. Oka Ayo Yeso Kirisito noko·onibisa oneni. Hibati‑ka oka yama dama tohamaro, Kirisito ati onofa ene oka yama nafi fawanawahani. Sibarini. Yama one onofamaraboneni. Kirisito ati onofe ene yama one onofami awira, Kirisito‑ta owato ba‑basi nabonehe.

Timoti yoto‑ke 1:12

Deoso ati‑ya ohiyara, kadeya‑ya owa‑ya mai nawaa, kadeya‑ya owaa, oyawi awirani. Sibarabone owatibodi ati nani. Deoso owato, ati onofe, owa‑ya nawadebona, owa‑ya kayawebonane. Hika yama ani·ona‑ya kayafatene. Makobote Yeso kamataseya, oka yama‑bone‑ya daanebonane.

Timoti yoto‑ke 2:19

I‑di Deoso ati abaterene. Deoso mai‑ya kadikemari, Deoso mai oni‑ya watone. Deoso‑ka ama·oni, ai ati niya, Deoso ati‑nima ai nahi. Ai ene amosahi.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.

Yeso Kirisito ene‑bona 2:13

Dai ene nafi owatoneni. Dai wini‑kaya Satanasi ati‑ya mai dami tokadabineni. Anitibasi dai‑ya sawimari, owa oni‑ya saatonakosi awiremari ene Anitibasi‑ya mai one nanahabani. Anitibasi‑ya mai nanahabiya, owa oni‑ya dai saatonakosi awirani.

Yeso Kirisito ene‑bona 2:19

Dai ene nafi owatoneni. Dai ibi nofa, dai ibi kasoma, Deoso ati dai nofa, Deoso‑ka hawi bai‑ya dai maakani awirani. Hibayata dai ene amosi ba‑basi nineni.

Yeso Kirisito ene‑bona 2:2

Dai ene nafi owatoneni. Dai‑ka yama anini amosa, Deoso‑ka hawi bai‑ya dai maakani awirani. Mai ati kasira, mai ati dai nofi awirani. ‘Yeso‑ka yo‑yose oda amani.’ Mai one ati na, keyehe‑ya mai hirina. Mai ati dai mita, mai‑ya dai watoneni. Mai ati dai nofarani.

Yeso Kirisito ene‑bona 2:9

Dai ene nafi owatoneni. Deoso‑ya mai nofara, dai‑ya mai weenineni. Dai‑ka yinero nafire, neme‑ya dai‑ka yama dama tohabisineni. ‘Deoso‑ka dai tohi awirini. Deoso bidi oda amani.’ Yodeo mai one ati na, keyehe‑ya mai hirineni. Satanasi‑ka mai amani.

Yeso Kirisito ene‑bona 3:1

“Yama hani tikanahanohi. Deoso‑ya mai hi‑hiyara‑ke yobe Sadisi‑ya wai, yobe hidi‑ya daatinahi. Deoso‑ka doni mai 7 kana owa‑ya mai sawi, fara amowa mai 7 kana mai dama·okana, fara owati amani. Dai ene nafi owatoneni. ‘Deoso‑ka hawi‑ya dai sawi amosa, dai tosawari awirini.’ Mai one ati na, dai atibodi‑ya mai watora, dai‑ta dai tosawaribisineni.

Yeso Kirisito ene‑bona 3:15

Dai ene nafi owatoneni. Dai ene sari hiwa‑nima ni awira, faha sire‑nima dai ene ni awira, dai ene yama kaba tosire‑nima na, onofi awirani. Yama hiwa fawi amosabisateni. Faha sire fawi amosabisineni. Yama kaba tosire, kabi towebisa amani.

Yeso Kirisito ene‑bona 3:8

Dai ene nafi owatoneni. Owati dai mitahi! Nokobi dai noko‑ya waa, owa ene seekani hawa toha, mai barihikani awiraboneni. Owati dai tokadabamaro dai kiti bide toha, owa oni dai saatonakosarineni.