Yowaho 10:1 - Deoso-ka Yama Hani

¹ Yeso mai‑ya kanawatobona mai‑ya hiyare, “Owati amosabote dai mitahi. Kaneiro mai‑ya mai botebone, awa yara neme‑kaya mai tokiyomateni, kaneiro mai‑ka hidi mai‑ya awarebonaha.

Yowaho 10:1 ပူးပေါင်းရင်းမြစ်များ

Mateo 7:15

“Dai noko wadahi. ‘Deoso ati‑ya mi‑mita oda amani.’ Mai one ati naboneni. Deoso ati‑mona mai ati na, keyehe‑ya mai hirina, Satanasi ati‑ya mai kaminabisateni.

Yowaho 10:7

Yama‑ya mai watowahabone, mai‑ya hiyaramatase, “Owati amosabote dai mitahi. Kaneiro mai‑ka awa yara nokobiri ama·oni.

Yowaho 3:3

“Owati amosabote timitahi. Mai wadamatasara Deoso ai nafi‑ka hidi kitabote tohawahebona‑ya mai sawiraboneni.” Yeso ati nemarine.

Homa 10:15

Deoso mai‑ya yosere‑mana, Yeso tamine‑ya mai kaminara neni. “Yeso Kirisito tamine‑ya mai ka‑kamina mai kobona mai ihi ai ya‑yaiteni.” Deoso‑ka yama hani ati nineni.

Homa 16:18

Dai‑ya mai ebekanabone, ai‑ka hidi i‑di Yeso Kirisito mai hiyosera, hiniya mai dai kahiyarabone mai ati amani. Mai ati amosaya, dai‑ya keyehe‑ya mai hirikana, mai ati amosa ihi yama‑ya mai wato bi‑bidi na, mai ati mai hinofateni.

Tito 1:11

Keyehe‑ya mai hirineni, yinero‑ya mai kayafawahabonehe. Mai‑ya tiwati bariniyahi. Mai ati ihi yobe dami‑ya mai wi‑wina mai atibodi mai‑ya weeneni.

Ebereo 5:4

Hiniya Deoso‑ka yama‑bone‑ya mai daaterani, Deoso mai‑ya kadikabisatene. Araho‑ya Deoso kadikemata, Araho nowati‑ya mai one‑ya kadikamakitase, Deoso‑ka yama‑bone‑ya mai daanamakebonehe.

Bedoro daidi 1:10

Deoso ati‑ya mai mi‑mita‑mete Deoso ati ene oda tamine‑ya mai kanahana, oda tamine‑ya mai atibodi watora, Deoso‑ya mai haanamatasameteni, yama‑ya mai watowahabonehe.

Bedoro yoto‑ke 2:1

Hibati‑ka mai one Deoso ati‑ya mai mitamone mai ati na, bara mai ati‑ya mai kaminabisa, Deoso yokana ati‑ya mai kaminarameteni. Fara dai tabaro‑ka dai‑ya mai ka‑kanawato, mai one Deoso yokana ati‑ya mai kamina, mai one‑ta Deoso ati‑mona‑ya mai kamina, deoso bare ati‑ya mai kaminabisineni. Mai ati dai tokadabiya, Deoso yokana ati‑ya dai nofaraboneni. “Yeso Kirisito ai‑ka hidi tohi awire, ai manakone‑ya nanahabi awirane.” Mai one ati naboneni. Keyehe‑ya mai hirina, hini mai ati ihi mai abawahaboneni.

Bedoro yoto‑ke 2:3

Keyehe‑ya dai‑ya mai ka‑kanawato, hini mai ati‑ya dai‑ya mai kamineni, Deoso ati monaha. Yinero‑ya mai nokotonihe, keyehe‑ya mai hiriteni, dai‑ka yinero‑ya mai kayafabone, mai ihi‑ya Deoso watomata, mai manakone‑ya daaneya, mai ababoneni. Mai manakone daani‑ya Deoso fawaterebonane.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.