Yowaho 1:51 - Deoso-ka Yama Hani

⁵¹ “Owati amosabote dai mitahi. Dai‑ka Ayo neme‑ke ama·oni. Neme seekaniya, Deoso‑ka yo‑yose owa‑ya mai kisiya, mai tokomatasa, mai dai awaboneni.” Yeso ati nemarine.

Yowaho 1:51 ပူးပေါင်းရင်းမြစ်များ

Mateo 25:31

“Dai‑ka Ayo neme‑ke Deoso‑ka yo‑yose mai eyehe kamataseya, wehene nafi, hidi webote tohawahebonane.

Mateo 26:24

Dai‑ka Ayo neme‑ke abebona yama hani ati na, fara yama hani ati‑nima abebonane. Owa‑ya kahabane‑ka ene towe manakone nafi bonane. Ka! Wadare‑mana, yama amosabisa neni.” Yeso ati nemarine.

Mateo 3:16

Yowaho habahinirise, tokomorosame, Deoso‑ka Doni neme‑ya kise, Yeso‑ya sawiwahe, wayomata awi‑nima awi ne‑ya Yowaho awematane.

Mateo 4:11

Diaboro tokome nowati‑ya Deoso‑ka yo‑yose mai kake, Yeso‑ya mai kasomameteni.

Mateo 8:20

“Bani mai one tabori hodi‑ya toha, bani mai afe wada mai bori tohateni. Owa‑ta owa tabaro wadarani.” Yeso ati nemarine.

Mateo 9:6

Owati ihi ai owa ene towe manakone wadamare, dai awaboneni.” Yeso ati nematane. Maki kiyane‑ya hiyare, “Tiwaamisahi. Tika fo‑fori‑ka yama diwatikaniya, tikamahi, tika yobe‑ya.” Yeso ati nematane.

Maroko 1:10

Faha‑ya Yeso habanise, waamisame, neme seekana, Deoso‑ka Doni kisemarine, Yeso‑ya. Wayomata awi‑nima Deoso‑ka Doni awinemarine.

Maroko 14:62

Yeso ati yanane, “Fara ama·oni. Deoso mano kanika‑ya owitariya, owa‑ya dai awa, neme sabi‑ya okomatasiya, owa‑ya dai awa naboneni.” Yeso ati nematane.

Roka 2:13

Deoso‑ka yo‑yose wai‑ya Deoso‑ka yo‑yose mai one dama fodomake, Deoso‑ya mai kahiyara,

Roka 2:9

Mai nahokosiya, Deoso‑ka yo‑yose mai noki‑ya fodoki, Deoso wehene sawi ene mai naho‑kaya yama tehewama, mai habi siitonameteni.

Roka 22:43

Deoso‑ka yo‑yose neme‑ke fodoki, Yeso‑ya nakitamematane.

Roka 22:69

Owati dai mitahi. Deoso mano kanika‑ya dai‑ka Ayo neme‑ke itariwahebonane.” Yeso ati nematane.

Roka 24:4

Mai atibodi yama‑ya kadikiya, mai yowi‑ya maki mai fama fodoke, mai demena, mai‑ka bora wahi kitameteni.

Roka 3:21

Yowaho mai‑ya habanirise, Yeso‑ya habanirisahari nematane. Deoso‑ya Yeso hiyare, neme‑ya Deoso seekanematane.

Yowaho 1:50

“‘Fiko waa bofe‑ya tiwitare, tiwa oawani.’ Ona, owati tinofineni. Owa ene kitabote yokana tiawamakeboneni.” Yeso ati nemarine.

Yowaho 10:1

Yeso mai‑ya kanawatobona mai‑ya hiyare, “Owati amosabote dai mitahi. Kaneiro mai‑ya mai botebone, awa yara neme‑kaya mai tokiyomateni, kaneiro mai‑ka hidi mai‑ya awarebonaha.

Yowaho 10:7

Yama‑ya mai watowahabone, mai‑ya hiyaramatase, “Owati amosabote dai mitahi. Kaneiro mai‑ka awa yara nokobiri ama·oni.

Yowaho 13:16

Owati amosabote dai mitahi. Ai‑ka hidi ati kitabise, ai ati kiti bi‑bidi teni. Ai‑ya yose ati kitabise, ai ati kiti bi‑bidi teni.

Yowaho 13:38

“Owa tikasoma ihi ti·abiya, yama sibarabone tina, owati amosabote timitahi. Arakawa haani awisareya, owa‑ya tiwatoramone tinabone, tiwati yanani 3 kana boneni.” Yeso ati nemarine.

Yowaho 14:12

Owati amosabote dai mitahi. Owati mai nofiya, owa ene‑nima mai ihi nawahaboneni. Okobi‑ya okomiya, Okobi ene mai ihi kitawahaboneni. Owa ene kiti bi‑bidi namaro, mai ihi kiti ba‑basi naboneni.

Yowaho 16:20

Owati amosabote dai mitahi. Dai yawiya, dai ohinaboneni. Dai ohiniya, bofe‑ka mai ya‑yainibisaboneni. Makobote dai ya‑yainawahaboneni.

Yowaho 16:23

Koboniya, owa‑ya dai haanami awiraboneni. Owati amosabote dai mitahi. Onofa‑nima dai nofa, Okobi dai haaniya, yama dai haana‑ya Okobi daanebonane.

Yowaho 21:18

Owati amosabote dai mitahi. Yetene tihiya, tika bora sakotina, tiwati toki‑kaya tikameteni. Makobote bote tihiya, tiwa yehe daatowitikimabone, bora‑ya tiwa‑ya mai sakonihebone, tiwati toki nofariya tiwa‑ya mai towakamaboneni.” Yeso ati nemarine.

Yowaho 3:3

“Owati amosabote timitahi. Mai wadamatasara Deoso ai nafi‑ka hidi kitabote tohawahebona‑ya mai sawiraboneni.” Yeso ati nemarine.

Yowaho 3:5

“Owati amosabote timitahi. Ai‑ka ami‑ya ai wadi dai tohi bahiya, Deoso‑ka Doni ene ai wadamatasiya, Deoso ai nafi‑ka hidi kitabote tohawahebona‑ya ai sawiwahaboneni. Ai wadi fami awiriya, ai sawiraboneni.

Yowaho 5:19

Yeso mai‑ya hiyare, “Owati amosabote dai mitahi. Owa ene yama ani·oterani. Okobi ati ene yama ani·obisa, Okobi‑ka yama anini‑nima oka yama aniniteni.

Yowaho 5:27

Deoso ati ene dai‑ka Ayo neme‑ke dai ene‑ya kadikebonane. Hini dai ene‑nima dai manakone na daa·onaboneni.

Yowaho 6:26

“Owati amosabote dai mitahi. Baho dai kaba ihi owa‑ya dai sibanineni. Deoso ene dai nofabone, owa‑ya dai sibana‑mani, yama sibabisara neni.

Yowaho 6:32

“Owati amosabote dai mitahi. Neme‑ka baho‑ya mai kayafamete, Mose ene tohi awirematamonane. Neme‑ka baho amosabote‑ya Okobi daanibisatene.

Yowaho 6:47

“Owati amosabote dai mitahi. Owati dai no‑nofa dai abateraboneni.

Yowaho 6:53

“Owati amosabote dai mitahi. Dai‑ka Ayo neme‑ke eme dai kabarihi, dai‑ka Ayo emene dai fawarihi, dai na, dai abani.

Yowaho 8:34

“Owati amosabote dai mitahi. Mai ihi amosara yama towe mai‑ya kayafa‑nima mai na, yama towe‑ka ka‑kanika mai tohateni.

Yowaho 8:51

Owati amosabote dai mitahi. Owati‑ya mai tokadaba, mai abateraboneni.” Yeso ati nemarine.

Yowaho 8:58

“Owati amosabote dai mitahi. I‑di Abaraho‑ba wadare‑ke ama·oni.” Yeso ati nemarine.

Yeso‑ka yo‑yose mai tamine 10:11

Neme seekana‑ya yama kisa‑ya awemonane. Neme‑ya, bora ibe webote‑nima yama na kisa‑ya awe, bora ibe fowari‑ya ai 4 kana damana‑nima yama na, kisa, bofe‑ya kawitamoneni.

Yeso‑ka yo‑yose mai tamine 7:56

“Dai awahi. Neme hawi tohawaha, Deoso‑ka kanika‑ya okoyo i‑di Yeso waari‑ya oawawahineni.” Tefaho ati nemonane.

Tesaronika yoto‑ke 1:7

Makobote Yeso, hika yo‑yose mai kita, mai eyehe kameya, ai‑ya mai bisinamaro mai bisinami awiraboneni.

Tesaronika yoto‑ke 1:9

Mai kome kita fawateraboneni. Ai‑ka Hidi Yeso noko‑ya mai awamateraboneni. Ai‑ka Hidi ene kitabote‑ya mai awateraboneni.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Ebereo 1:14

Hini yamata‑nima Deoso‑ka yo‑yose mai nihi? Deoso ati ai no‑nofa, Deoso tabaro‑ya ai winabone ai‑nima mai ra, ai‑ya mai kasomabone, Deoso mai‑ya wamanematane.

Yoda‑ka yama hani 1:14

I‑di Adaho‑ka nodi‑ka nodi‑tasa i‑di Enoki tohe, fare mai tamine‑ya hiyarematane. Ai‑ka hidi kameya, hika mai dama mai eyehe kamebonane.

Yeso Kirisito ene‑bona 19:11

Deoso tabaro‑ka nokobi seekani hawa toha oawani. Kafaro sawa kaki, bari‑ya itari oni owa, “Deoso ati‑ya tokadabi ohari, keyehe‑ya hirire.” Mai ihi yokana‑ya wato, fara mai‑ya nanahabeya, yama sibarini, hini mai ihi manakone‑ya daanane.

Yeso Kirisito ene‑bona 4:1

Yeso ati hawa toheya, owa noko toka, neme‑ya nokobi seekani hawa toha oawani. Hibati‑ya ati yanane, ati yananamatase, torobeta ati‑nima ati ne owa‑ya haane, “Tikamahi, owa‑ya! Yama yananabone tamine tiwa‑ya yofi·okanaboneni.” Ati nene.