Yowaho 1:18 - Deoso-ka Yama Hani

¹⁸ Deoso ai aware tamine‑ya Bidi kaminemarine. Bidi yokana Badi‑ya famene.

Yowaho 1:18 ပူးပေါင်းရင်းမြစ်များ

Mateo 11:27

Oda‑ya hiyaramatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomakineni. Dai‑ya okasomara‑mani, Okobi‑ya dai watora neni.

Roka 10:22

Yeso ati yananamatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomake, dai‑ya okasomara‑mani, Okobi dai watora neni.” Yeso ati nematane.

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 12:41

Hibati‑ya Yeso amosabote‑ya Isa·iya awe, Yeso tamine‑ya kanahanomatamonane.

Yowaho 13:23

Yeso‑ka no‑nofa ama·oni. Yeso yowi‑ya oforemaroni.

Yowaho 14:9

“Firibi, dai‑ya osawi yaba, owa dai wato awirini. Owa dai awiya, Okobi dai awaharineni. Abi yofitikanahi tiriyahi.

Yowaho 17:26

Mai‑ya tiwa yofi·okanamaro, tiwa yofi·okateboneni. Tiwa‑ya mai wato, owa tinofi nafe‑nima mai ibi nofabone, mai‑ya osaweboneni.” Yeso ati nemarine.

Yowaho 17:6

Abi, tika mai one bofe‑ya wi‑wina, owa‑ya mai daatina, mai‑ya tiwa tamine okamina, tiwati‑ya mai tokadabineni.

Yowaho 3:11

Owati amosabote timitahi. Yama oda watobisa tamine oda hiyara, yama oda awamaro tamine oda kamina, oda ati dai nofarani.

Yowaho 6:46

(Bofe‑ka dai toha Okobi dai awaterani. Owa‑ta Deoso owa‑ya yose‑mari oawabisane.)

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Koroso 1:15

Deoso ai awatera, Yeso‑ta ai awabisa, Deoso‑nima nane. Deoso Bidi yokana ohari, oni Yeso Kirisito tohane. Yama‑ya Deoso wamani awisareya, Kirisito‑ta tohematane.

Timoti daidi 1:17

Deoso ai‑ka Hidi webote ohari, abaterebonane. Ai nafi‑ka Hidi i‑di Deoso tohe, Deoso noko ai awatere, neme‑ya wine, Deoso ai nofa, “Deoso amosabote amane.” Ai ati na. Ai ati fawariyahi. Owatibodi ati nineni.

Timoti daidi 6:16

Deoso abaterebonane. Hini wehene kite‑ya winane. Yama wahi kita ihi ahiyata‑ya ai tokaterani. Deoso noko ai awaterani. Deoso ai kahiyarahi. Deoso kitabote amane. Kiti fawaterebonane. Feye amani.

Yowaho daidi 4:12

Deoso ai awaterani. Ai ibi nofa, Deoso ai atibodi‑ya winatene. Deoso ai atibodi‑ya wine, ai ibi nofi nafeboneni.

Yowaho daidi 4:20

Deoso‑ya nofe‑mona ati ne, mai one‑ya nofare, keyehe‑ya hirine. Mai one ai nofara, Deoso ai nofahariterani. Mai ai awabisa, Deoso ai awaterani. Mai ai nofara, Deoso ai nofaterani.

Yowaho daidi 4:9

Deoso ene ai wato, ai‑ya nofe ai wato ne. Ai‑ya nofi nafi Bidi ohari‑ya daanemarine, ai manakone‑ya nanahabe, ai abarabonehe.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.