Yowaho 1:17 - Deoso-ka Yama Hani

¹⁷ Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Yowaho 1:17 ပူးပေါင်းရင်းမြစ်များ

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yowaho 18:37

“Hidi webote amatiraniha?” Birato ati ne, “Hehe, hidi webote ama·oni. Deoso ati yokana okaminabone, bofe‑kaya okemaro, owada onamaroni. Deoso ati yokana‑ya mai no‑nofa owati‑ya mai tokadabateni.” Yeso ati nemarine.

Yowaho 5:45

Okobi‑ya dai‑ya okahabanaraboneni. Mose‑ka yama hani dai‑ya kasomabone dai ati na, Mose‑ka yama hani ati dai tokadabara, Mose‑ka yama hani dai‑ya kahabanabisaboneni.

Yowaho 7:19

Deoso‑ka yama hani‑ya i‑di Mose kanahanomata ati‑nima dai ene ra, hiniya owa‑ya dai ati nanahabineni.” Yeso ati nemarine.

Yowaho 8:32

Ati yokana dai watobona, ati yokana dai‑ya seekanebonane.” Yeso ati nemarine.

Yowaho 9:29

“Mose‑ya Deoso hiyaremata oda watoneni. Ebeni‑kaya maki kakiti? Maki tamine oda wato awirini.” Mai ati nameteni.

Yeso‑ka yo‑yose mai tamine 28:23

Mai kamatasi‑bone‑ka mahi tamine‑ya Baoro‑ya mai kamineni. Mai ati kami‑ke mahi kobone, mai one mai‑ya sawe, Baoro wini‑kaya mai kobona, yama wahabisari‑ya Baoro mai‑ya hiyari yanakane, Deoso tabaro tamine‑ya hiyare, Yeso tamine i‑di Mose hikanahanomata‑ya mai‑ya yofikana, Deoso ati‑ya mai mi‑mita‑mete Yeso tamine mai hikanahanomata‑ya mai‑ya yofikana nane. Mahi toke‑ya ati fawanemarine.

Yeso‑ka yo‑yose mai tamine 7:38

Tabora awiri‑ya i‑di Mose mai yorotokana, Deoso‑ka yo‑yose ati‑ya mai mitameteni. Sinai adami‑ya i‑di Mose tokomorose, Deoso‑ka yo‑yose ati himitemata, ati ai nofa, ai abarabone, ati hikanahanomata, ati ai fawaniterebonaha.

Homa 6:14

Dai atibodi bote dai‑ka hidi tohamara. Yama amosara dai nofamariyahi. Mose ati dai‑ka hidi toharihi ne, Deoso‑ta dai‑ka hidi tohabise, Deoso dai‑ya kasomabise, dai‑ya ati somawame, dai ene‑maro‑ya kadikamarebonane.

Korito yoto‑ke 1:20

Yama nabone Deoso ati nemata, fara‑nima yama naboneni. Deoso ati‑nima Yeso Kirisito ne ati‑nima oda na, fare dai kahiyaraho.

Karatiya 3:17

Abaraho‑ya Deoso hiyare, “Owati‑nima yama teboneni.” Deoso ati ne. Ati‑ya mai kanahanamaroni. Makobote amoni dameya, faha fowe 430 tohamakiya, Deoso Mose‑ya hiyare, “Mai ihi‑bone onofabone mai‑ya tikaminiyahi.” Ati ne. Mose‑ya hiyareya, Abaraho‑ya hiyaremata ati abarene. Ati‑nima yama teboneni.

Ebereo 9:22

Yama Deoso hikayahabone ama‑ya mai keteheteni. Ai ene amosara ene ama tokafodora, Deoso ati somawamaterene.