Yowaho 1:14 - Deoso-ka Yama Hani

¹⁴ Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 1:14 ပူးပေါင်းရင်းမြစ်များ

Mateo 1:16

Yako bidi i‑di Yose tohe, Yose fadi‑bone i‑di Mariya tohameteni. Mariya bidi i‑di Yeso, Deoso‑ka Ka‑kadika amane, mai ati nineni.

Roka 2:11

Hibayata Dafi tabaro‑mata‑ya ewe wade, dai‑ya Ka‑kasoma‑tebona amane. Deoso‑ka Ka‑kadika amane. Ai‑ka Hidi Webote amane.

Roka 2:7

Mai‑ka oteo‑ya Yose fadi eyehe winebona, oteo kibamone mai ati na, yobe one‑ya Yose fadi eyehe wine, Mariya bidi wade, bora ibe‑ya mai kinihikane, bani mai tafe wiye‑ya forimatane.

Roka 9:32

Bedoro mai‑ya nokobisa nafe ihi mai amona, mai dodafiya, Yeso wehene‑ya mai awa, Mose‑ya mai awa, Eriya‑ya mai awa nameteni.

Yowaho 1:1

Hibati‑ya yama‑ba awisariya, Deoso‑ya Yo‑yofikana‑bona Deoso‑ya famematamonane. Fare Deoso amane.

Yowaho 11:40

“Owati timitara awineni. Owati tinofa, Deoso ene kitabote tiawabone onani.” Yeso ati nemarine.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yowaho 14:9

“Firibi, dai‑ya osawi yaba, owa dai wato awirini. Owa dai awiya, Okobi dai awaharineni. Abi yofitikanahi tiriyahi.

Yowaho 17:22

Owa‑ya tika yama daatina, fara mai‑ya daa·onamaki, ai ohari‑nima mai oharebonehe, mai damaro.

Yowaho 17:24

Abi, owa‑ya mai daatinamaro, owa‑ya mai sawebone, mai‑ya owatibodi kobonineni. Yama nafi ai wamani awisari‑ya owa‑ya tinofi nafe, owa wehene‑bone daatinamaroni. Owa wehene‑ya mai awiyahi.

Yowaho 18:37

“Hidi webote amatiraniha?” Birato ati ne, “Hehe, hidi webote ama·oni. Deoso ati yokana okaminabone, bofe‑kaya okemaro, owada onamaroni. Deoso ati yokana‑ya mai no‑nofa owati‑ya mai tokadabateni.” Yeso ati nemarine.

Yowaho 2:11

Kana Karireya‑ya Yeso ene kitabote daidi oda awa, Yeso amosabote oda watowaha, ati oda nofemarine.

Yowaho 3:16

Bofe‑ka dai nafi‑ya Deoso nofi nafi, Bidi yokana ohari‑ya yose, Bidi ati dai no‑nofa yama kome fawaterabone‑kaya dai sawirabone, dai abaterabone‑kaya dai sawibisaboneni.

Yowaho 3:18

Bidi ati mai hinofeya, mai ihi towe manakone wadamarani. Deoso Bidi ati‑ya mai nofara mai ihi manakone hasinasa neni. Deoso Bidi yokana oharine.

Yowaho 6:51

Neme‑ya okisamaroni. Baho‑nima ona ama·oni. Oka baho‑ya mai kaba, mai abateraboneni. Bofe‑ya dai wi‑wina dai‑ya okasomabone, oka baho daa·onaboneni. Oka baho owa eme tamine amani.” Yeso ati nemarine.

Yowaho 8:32

Ati yokana dai watobona, ati yokana dai‑ya seekanebonane.” Yeso ati nemarine.

Yeso‑ka yo‑yose mai tamine 13:33

Ai‑ka idi mai‑ya hiyare, ati‑mata‑nima yama na, ai awawaha, Yeso‑ya Deoso nakitamebona ati nemata, fare hinakitamawahene. Yeso tamine‑ya Deoso kamine, ati‑ya Dafi kanahanomata, ‘Oka dao amatini. Hibayata tiwa oka dao oneni.’ Deoso ati nematane.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Homa 9:5

I‑di Abaraho, i‑di Isaki, i‑di Yako mai na, ai‑ka idi mai tohamete. I‑di Abaraho‑ka nodi‑bona i‑di Kirisito, yama nafi‑ka hidi tohe, fare Deoso toha ne, Kirisito‑ya ai kahiyari fawateraboneni. Fara amani.

Korito daidi 15:47

I‑di Adaho bofe‑ke atabo‑ya Deoso wamahine, Adaho owa i‑di Yeso Kirisito neme‑ke amane.

Korito yoto‑ke 12:9

“Baoro, tiwa eme komene fawaraboneni. Sibaraboneni. Tiwa okasomaboneni. Tiwa eme kitara, tiwa ene‑ta kita‑ya mai awa, owa ene toha‑ya mai watowahaboneni. Tiwa eme komara‑mani, owa ene‑ya mai watora neni.” Kirisito ati nemarine. Owa eme koma tamine okamina, ya‑yai·oneni, Kirisito ene‑ya mai awabonehe.

Karatiya 4:4

Makobote yama nafi hawa tohiya, Deoso Bidi‑ya yosemarine ai tabaro‑ya. Bofe‑ya Yeso kobone, Yeso madi i‑di Mariya ai toha, Yeso ai tohahari ne. Ai‑nima Yeso ne, Mose ati‑ya tokadabebona Deoso ati nane.

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Koroso 1:19

Deoso hini‑ya hiyare, “Owa‑nima oka dao nane.” Ati nane. Deoso‑nima Bidi, i‑di Yeso Kirisito nane. Yeso ai toha Deoso toha nane.

Koroso 2:3

Kirisito yama nafi‑ya watone. Kirisito ene yama‑ya ai wataboneni. Yama amosabote ai watoteboneni.

Koroso 2:9

Deoso‑nima Yeso Kirisito nane. Yeso Kirisito ai awiya, Deoso ai watowahaboneni. Deoso abano wadare, Kirisito abano wadabise, Deoso ati‑nima Kirisito ati nane. Deoso ene‑nima Yeso ene nane.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Ebereo 1:3

Deoso amosabote noko wehene nafi, noko wehene‑nima Bidi noko wehene ne Deoso‑nima Bidi ne. Ati kite ene neme toha, bofe tohasa nihi nineni. Ai ene amosara manakone wada, ai manakone‑ya nanahabe, Deoso kitabote‑ka kanika‑ya itariwahematane neme‑kaya.

Ebereo 1:5

Deoso Bidi‑ya hiyare, “Oka dao amatini. Tika abi ama·oni.” Deoso ati nematane. Bidi tamine‑ya hiyare, “Oka dao tohe, owa‑ya abi nebonane.” Deoso‑ka yama hani ati nineni. Haa‑nima hika yo‑yose‑ya hiyaraterene.

Ebereo 10:5

Bofe‑ya Kirisito koboni hawa tohe, ati yanane, “Abi Deoso, tika yama‑bone mai daahinaya, tiwati koboni awirani. Bani‑ya tiwati koboni awirihi, yama kaba‑ya tiwati koboni awirihi na, owa abano daatinamaroni, yama nafi manakone onahababonehe.

Ebereo 2:11

Yeso ene Deoso ai‑ya ati somawame, ai‑ya ewe nawahe, ai‑ka Abi i‑di Deoso ene‑nima ai ene nawahaboneni. Deoso Bidi Yeso tohe, Deoso bidi ai tohawaha, Yeso ai‑ya soho nawahene.

Ebereo 5:5

Yeso Kirisito hini‑ya kadikaterene. Deoso hikadike, Deoso‑ka yama‑bone‑ya mai da‑daa‑bone mai‑ka hidi webote tohebonaha. “Oka Dao amatini. Tika Abi ama·oni.” Deoso ati nematane.

Yowaho daidi 4:14

Oda ati dai mitahi. Deoso Bidi oda awamaroni. Deoso Bidi hiyose, ai manakone‑ya nanahabebona oda awemari, mai nafi‑ya tamine oda kaminebonane.

Yowaho daidi 4:9

Deoso ene ai wato, ai‑ya nofe ai wato ne. Ai‑ya nofi nafi Bidi ohari‑ya daanemarine, ai manakone‑ya nanahabe, ai abarabonehe.

Yowaho yoto‑ke 1:7

Ai tabaro dami‑nima keyehe‑ya mai hi‑hiri mai tokateni. “Deoso Bidi, i‑di Yeso Kirisito bofe‑ya kakiterene.” Mai ati na. Haa‑nima mai ati na, Satanasi‑ka mai toha, Kirisito‑ya mai ka‑kako mai amane.

Yeso Kirisito ene‑bona 19:13

Oni owa “Deoso‑ya Yo‑yofikana” toha, hika bora ama toha nani.

Yeso Kirisito ene‑bona 21:3

Hidi Webote‑ka kadera‑kaya yama ati kita yanana, “Deoso tabaro bofe‑ya tohawahe, Deoso‑ka mai tohawahani. Deoso mai‑ya sawiwahe, mai‑ya winawahene.