Yowaho 1:1 - Deoso-ka Yama Hani

¹ Hibati‑ya yama‑ba awisariya, Deoso‑ya Yo‑yofikana‑bona Deoso‑ya famematamonane. Fare Deoso amane.

Yowaho 1:1 ပူးပေါင်းရင်းမြစ်များ

Mateo 1:23

“Fana atona maki‑ya famatera naba tohawahaboneni. Bidi wadeya, oni Emano·eo tohebonane.” Deoso‑ka yama hani ati neni. Emano·eo ai ati‑ya Deoso ai‑ya sawine.

Roka 24:53

Deoso‑ka yobe‑ya Deoso‑ya mai kahiyaranademeteni. Feye amani.

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 1:18

Deoso ai aware tamine‑ya Bidi kaminemarine. Bidi yokana Badi‑ya famene.

Yowaho 1:2

Yama awisariya, Deoso‑ya famematamonane.

Yowaho 16:28

Hibati‑ya Okobi oda famamaro, dai tabaro‑ya okemaro, Okobi‑ya okomatasaboneni.” Yeso ati nemarine.

Yowaho 17:5

Bofe‑ba awisari‑ya ai fama ai amosabote ai wehene wadamaroni. Tiwa‑ya osawimatasiya, hini owa wehene wadamaro, owa wehene wadamatasahi.

Yowaho 20:28

“Oka Ayo amatini. Oka Deoso amatini.” I‑di Tome ati nemarine.

Yowaho 8:58

“Owati amosabote dai mitahi. I‑di Abaraho‑ba wadare‑ke ama·oni.” Yeso ati nemarine.

Homa 9:5

I‑di Abaraho, i‑di Isaki, i‑di Yako mai na, ai‑ka idi mai tohamete. I‑di Abaraho‑ka nodi‑bona i‑di Kirisito, yama nafi‑ka hidi tohe, fare Deoso toha ne, Kirisito‑ya ai kahiyari fawateraboneni. Fara amani.

Efesiyo 3:9

Hibati‑ya yama‑ya mai watoramete, owati ihi yama‑ya ai nafi watowahaboneni. Yama nafi‑ya Deoso wamanemata, ai hinama tohabone tamine‑ya mai‑ya kamini awiremata, fara tamine‑ya ai nafi watowahaboneni.

Firibo 2:6

Deoso‑nima Kirisito ne, Deoso‑ka yama‑ya kayawaterene.

Koroso 1:15

Deoso ai awatera, Yeso‑ta ai awabisa, Deoso‑nima nane. Deoso Bidi yokana ohari, oni Yeso Kirisito tohane. Yama‑ya Deoso wamani awisareya, Kirisito‑ta tohematane.

Koroso 1:17

Yama one awisari‑ya Yeso Kirisito‑ta tohe, ati ene yama nafi hasineni.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Tito 2:13

Yeso ai‑ka Ayo kamebona ai nimana, Yeso ai manakone‑ya nanahabemari, kameya, kami amosebonane. Deoso kitabote amose‑nima Yeso nane.

Ebereo 13:8

Yeso Kirisito hibati‑ke hini tohe toha, hibayata‑ke hini tohe toha, makobote hini tohe tohatebonane.

Ebereo 7:3

Meokisadeki badi, madi, mai na mai wadarameteni. Wadarihi, abarihi ne, Deoso Bidi‑nima nane. “Meokisadeki, Oka yama‑bone‑ya da‑daa tihabone, tika yama daani fawateraboneni.” Deoso ati nematane.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.

Yowaho daidi 5:7

Ati 3 tohe, Yeso tamine‑ya kamine, Deoso‑ka Doni tohe, faha‑ya habanise, Deoso ati yanane, emene tokafodobonaya, Deoso ati yananamatasane. Fara hinama mai toha, mai ati 3 tohateni.

Yeso Kirisito ene‑bona 1:11

“Yama tiawa tamine tikanahanohi. Sidadi 7 kana‑ya Deoso‑ya mai hi‑hiyara‑ke yobe 7 kane wade, fara sidadi 7 kana oni Efesiyo toha, Esimina toha, Bekamo toha, Tiyatira toha, Sadisi toha, Firadefia toha, Raodiseya toha na, fare yobe nafi‑ka mai‑ka yama hani‑ba daatinahi.” Ati ne, torobeta ati‑nima ati nene.

Yeso Kirisito ene‑bona 1:17

Fare oawe, o·abakosani. Yehe kanika‑ya owa‑ya boyone, ati yanane, “Tiwa habo siitoriyahi. Yama yanakani‑ke ama·oni. Faina ama·oni.

Yeso Kirisito ene‑bona 1:2

Deoso ati okanahano, Yeso Kirisito hikamina toha na, okanahanoneni. Fara wada‑nima yama na oawani.

Yeso Kirisito ene‑bona 1:8

“Yama yanakani‑ke ama·oni. Faina ama·oni. Hini hini ama·oni. Oyanaterani. O·abateraboneni. Kitabote ama·oni.” Deoso ati nane.

Yeso Kirisito ene‑bona 19:13

Oni owa “Deoso‑ya Yo‑yofikana” toha, hika bora ama toha nani.

Yeso Kirisito ene‑bona 2:8

“Yama hani tikanahanohi. Deoso‑ya mai hi‑hiyara‑ke yobe Esimina‑ya wai, yobe hidi‑ya daatinahi. Yama yanakani‑ke ama·oni. Faina ama·oni. O·abamaro, okitamamaro, fara owati amani.

Yeso Kirisito ene‑bona 21:6

Oka yama a‑ani hawa tohineni. Aofa ama·oni. Omeka ama·oni. Yama yanakani‑ke ama·oni. Faina ama·oni. Mai baki hoka mai‑ya oka faha daa·onabone, manakone haa·orabone, mai hifi‑ya mai abaraboneni.

Yeso Kirisito ene‑bona 22:13

Aofa ama·oni. Omeka ama·oni. Yama yanakani‑ke ama·oni. Faina ama·oni. Oyanaterani. O·abateraboneni.

Yeso Kirisito ene‑bona 3:14

“Yama hani tikanahanohi. Deoso‑ya mai hi‑hiyara‑ke yobe Raodiseya‑ya wai, yobe hidi‑ya daatinahi. Deoso ati‑nima owati na, keyehe‑ya hiri·otera, Deoso fara oda ati kafamineni. Deoso ati ene yama nafi‑ya wama·onamaro, fara owati amani.