Tito 3:9 - Deoso-ka Yama Hani

⁹ Yama one tamine‑ya mai hiyara, mai ibi weena, mai‑ya tisawiriyahi. Yama ai watora tamine‑ya ai ibi weerihi, Mose‑ka yama hani tamine‑ya ai ibi weerihi, ai nahi. Yama one tamine‑ya ai ibi weeniya, ai ati‑ya mai one mita, Deoso ati‑ya mai nofaraba awineni.

Tito 3:9 ပူးပေါင်းရင်းမြစ်များ

Korito daidi 13:2

Deoso‑ka Doni ene Deoso ati okaminiya, yama‑ya mai one watora, owa‑ta yama owatobisiya, Deoso ati onofi nafiya, owati ihi adami fawaniya, dai onofara‑mani, owati honita toha neni.

Korito daidi 8:1

Mai‑ka deoso wamane‑ka bani‑bona mai daahine, kabi tamine dai watobisamone dai‑ka yama hani ati na, yama‑ya dai watamone dai ati na, hini dai‑ya dai tonanafebone dai ati amani. Mai ai nofa, mai ai tonanafibisa, ai‑ya ai tonanafiterani.

Timoti daidi 4:7

Deoso ati‑ta tinofabisahi. Hiyara bote‑ya mai hiyariya, mai ati tinofariyahi. Tiwa‑ya tinawadahi, Deoso ati‑nima tinabonehe.

Timoti yoto‑ke 2:14

Timoti, owati timitamatasahi. Tika mai‑ya tihiyarahi. Mai ati‑ya Deoso mite, mai ihi‑ya Deoso kakatomane, mai one hini mai ati‑ya mai hiyara, mai ibi weena, mai ati ihi mai one atibodi koma kita, mai teni. Mai‑ya tiwati barinahi.

Timoti yoto‑ke 2:16

Deoso ati‑nima mai ati ni awira, mai ati honita toha, mai‑nima tiriyahi. Hini mai ati ihi mai ihi towe tohaboneni.

Timoti yoto‑ke 2:23

Hiniya mai hiyara, mai ibi weenaboneni. Yama‑ya mai watora, mai ati tinofariyahi. Mai ati‑ya tisawiriyahi.

Tito 1:14

Yodeo bote mai ati‑ya mai nofamariyahi. Deoso ati‑ya mai nofara mai ati mai nofariyahi.

Tiyako 4:1

Hini yamata ihi dai ibi wee, dai ibi kakoniti? Dai atibodi bote ati‑nima dai ene tohasa nani.