Tito 3:5 - Deoso-ka Yama Hani

⁵ Ai ene tohara. Deoso ai‑ya nofi nafi, ai‑ya kasome, ai ene amosaramaro, ai atibodi‑ya Deoso awe, ai bisa toha‑nima ai atibodi na, Deoso ene ai atibodi yati tohawaha, ai bisa toha, ai‑ya ai sokona‑nima ai atibodi yati tohawaha nineni. Deoso ene‑nima ai ene nawahabone, Deoso‑ka Doni ai‑ya sawi, yama amosa ai watoni.

Tito 3:5 ပူးပေါင်းရင်းမြစ်များ

Mateo 3:11

Deoso‑ka Ka‑kadika ama·orani. Faha‑ya dai‑ya haba·onirisineni, dai ene amosawamabonehe. Kamaki‑bona kitabotebisa amane. Owa‑ta towebisa ama·oni. Amosabotebisa amane. Ati ene Deoso‑ka Doni dai one‑ya sawiwahebonane. Ai nafi‑ya kadikeya, ai one‑ya sarikanebonane.

Roka 1:50

Deoso‑ya ai‑ka idi mai nayofina mai‑ya Deoso kasomemata, fare hini ene‑mata‑nima ene nasa ne, Deoso‑ya ai nayofina ai‑ya kasomatene.

Roka 1:54

Isara·eo‑ka nodi ai toha, Deoso‑ya ai na‑narifa ai amani. Deoso ai‑ya nofe, ai‑ya kasomatene.

Roka 1:72

Ai‑ka idi mai‑ya Deoso nofe, ai‑ya kasomebona ati ne, hini ati‑nima ai‑ya kasomebonane.

Roka 1:78

Deoso ai‑ya nofi nafi, Neme‑ke mahi wehene‑nima ne kiseya, ai‑ya nofi nafibonane.

Homa 11:14

Dai‑ya ohiyara, owa‑ya Yodeo mai awiya, mai yawaba awineni. Yeso ati‑ya dai nofa Deoso dai‑ya kasome‑ya mai awiya, Yeso ati‑ya mai one nofamakeba awineni.

Homa 11:6

Hibati‑ya Deoso ai‑ya nofe, ai‑ya kadikematane. Deoso hini ene amane. Ai ene ai‑ya kadike‑mana, hini ene tohare nane.

Homa 12:2

Deoso ati‑ya mai nofara mai‑nima dai riyahi. Yama amosa hinama tamine‑ya dai atibodi kadikabisahi. Fara yama amosa dai kadikiya, dai ene amosawamabone, yama Deoso hinofa‑ya dai watabone, dai ene Deoso dai ya‑yainiheboneni.

Homa 3:20

Mose ati‑ya ai ati tokadaba, ati nafi ai tokadabare, Deoso ai‑ya ati somawami awirane. Mose ati ai kadika, ai ene towe‑ya ai watowahateni.

Homa 3:28

Yeso ati‑ta ai nofa, Deoso ati somawamatene. Ai ene amosa ene tohi awirihi, Mose ati ene tohi awirihi nane.

Homa 4:5

Ai ene amosaramaro, Deoso ai‑ya ati somawame, yama ai anina manakone tohara. Deoso ati ai nofe ene Deoso ai‑ya ati somawamabisane.

Homa 9:11

Mai wadi awisariya, mai ihi amosi awisarihi, mai ihi towe tohi awisarihi niya, Deoso ati‑nima yama nabone ai watabone mai tamine‑bone‑ya Deoso hiyarematane.

Homa 9:16

Deoso kitabote tohe, ai owa‑ya kasomebona ati ne, ai owa‑ya kasomatene. Deoso‑ya mai yoserihi, Deoso‑ya mai ati baririhi teni. Hini ati koboni‑ka yama‑ya anitene.

Homa 9:30

Hibati‑ya Deoso ati‑ya Bara mai watora, Deoso‑ya mai sibaramete, Yeso ati‑ya mai mitawaha, Yeso ati‑ya mai one nofawaha, Deoso mai‑ya ati somawame, Deoso‑ka mai tohawahani.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Karatiya 2:16

Bedoro, I‑di Mose ati‑ta ai ati tokadaba, Deoso ai‑ya ati somawamaterene. Yama tiwatoneni. Yeso Kirisito ai manakone‑ya nanahabe, ai‑ya hiyare, ‘Owa ene‑ta Deoso dai‑ya ati somawamebonane. Owati dai nofa, dai sibaraboneni. Deoso dai‑ya ati somawamebonane.’ Yeso ati nemarine. I‑di Mose ati nafi ai tokadabaterani. Mose ati ene Deoso ai‑ya ati somawamare. Fare Yeso ai manakone‑ya nanahabe, Yeso ati ai nofiya, Deoso ai‑ya ati somawamebonane.” Onamaroni, Bedoro‑ya ohiyararo.

Efesiyo 2:4

Ai‑ya yawe, ai‑ya nofi nafinasa ne, ai‑ya kasomatene.

Efesiyo 4:23

Dai atibodi yati ati dai tokadababisa, dai ene amosabisaboneni.

Efesiyo 5:26

Yeso‑ka ai toha, ai atibodi‑ya Kirisito namosebona, abematane. Bora bisa toha, ai sokona, amosawamabone‑nima Yeso ati ai nofa ai‑ya namosane.

Koroso 3:10

Dai atibodi yati tohawaha, Deoso dai‑ya mamanemata, dai‑ya kanawatowahe, fare‑nima dai nawahabonehe.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Tito 3:4

Hibati‑ya Deoso ai‑ya kayawemari, ai‑ya nofi nafi ene i‑di Yeso ai manakone‑ya nanahabemarine.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Ebereo 4:16

Deoso‑ya ai hiyarabone, ai habo siitoriyahi. Ai ya‑yainibisahi. Deoso ai hiyariya, ati somawamebonane, ai‑ya kasomebonane.

Ebereo 6:6

Deoso ati‑ya mai nofami awira, awa‑ya Yeso Kirisito‑ya mai baakanamatasa‑nima mai nineni. Fara ihi Kirisito‑ya mai one hahakanaboneni.

Bedoro daidi 1:3

Ai‑ka Abi ai kahiyarahi. Ai‑ka Hidi i‑di Yeso Kirisito‑ka Abi i‑di Deoso amosabote amane. Ai‑ya nofe, ai‑ya kadike ene ai wada yati‑nima ai nawahani, Deoso bidi ai tohawahabonehe. Deoso bidi ai toha, Bidi i‑di Yeso Kirisito‑ya nakitame‑nima ai‑ya nakitamebona ai nimaneni.

Bedoro daidi 2:10

Hibati‑ya Deoso‑ka dai toharamaro, hibayata Deoso‑ka dai tohawahi neni. Hibati‑ya Deoso dai‑ya kasomare ati ne, hibayata dai‑ya kasomawahatene.

Bedoro daidi 3:21

Ai‑ya mai habanirisa ihi ai besene fawara, Deoso‑ya ai tamine ai kamina ai‑ya ati somawame, ai atibodi besene fawateni. Ai‑ya mai habanirisa, ai‑ya mai one awiya, Deoso ati ai nofa ai‑ya mai watowahaboneni. “Owati‑ya dai nofa, dai‑ya mai habanirisahi faha‑ya.” Deoso ati nematane. Dai atibodi dai‑ya weerabone, dai‑ya mai habanirisahi. Yeso Kirisito kitamemari‑nima ai kitamahareboneni.