Tito 3:3 - Deoso-ka Yama Hani

³ Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Tito 3:3 ပူးပေါင်းရင်းမြစ်များ

Mateo 21:29

‘Ofa bodone‑ya yama anini onofarini.’ Bidi daidi ati ne, makobote, atibodi ene toke, ofa bodone‑ya yama‑ya aninibisane.

Roka 21:8

“Dai noko wadahi. Dai‑ya mai keyeheriyahi. ‘Deoso‑ka Ka‑kadika ama·oni. Yama yana kanibote naboneni.’ Mai dama mai ati naboneni. Mai ati dai tokadabariyahi.

Yowaho 8:34

“Owati amosabote dai mitahi. Mai ihi amosara yama towe mai‑ya kayafa‑nima mai na, yama towe‑ka ka‑kanika mai tohateni.

Homa 11:30

Hibati‑ya Deoso ati dai tokadabaramaro, Isara·eo‑ka nodi mai ihi amosara, mai ihi Deoso Ati Amosabote dai mita, ati dai nofe, Deoso dai‑ya kasome, dai‑ya ati somawamane.

Homa 6:12

Dai atibodi bote yama towe‑ya nokotonihemaro, dai‑ka hidi tohamara. Dai atibodi bote ati‑nima dai riyahi.

Homa 6:17

Deoso ene ya‑yai·oneni. Hibati‑ya dai atibodi bote dai‑ka hidi toha, ati dai tokadabamaroni. Hibayata Deoso ati‑ya dai mita, ati dai nofe, ati dai tokadabawahatene.

Homa 6:22

Dai ene‑maro dai‑ya yaditonamara, dai manakone abawaha, hibayata Deoso‑ka dai toha, dai ene amosawama, dai manakone amosawamahari na, makobote Deoso tabaro‑ya dai winaboneni.

Homa 6:6

Hibati‑ya ai ene amosara, ai ene Yeso awa‑ya abemata, ati ai nofa, Yeso ene hibati‑ka ai aba, ai yati tohawaha ai‑ya ai watoneni. Hibati‑ka ai‑nima ai namara, ai atibodi bote kiti fawana, ai‑ka hidi tohamara, ai atibodi yati kitawaha, ai ene amosawamaboneni.

Korito yoto‑ke 12:20

“Dai tabaro‑ya kobo·oniya, dai ene amosaraba awineni.” Owatibodi ati na. Dai ene amosara‑mani, owa ene dai nofara neni. Dai ibi wee, mai one‑ka yama‑ya dai ati kayafa, dai ibi ati yawa, dai one‑ya dai ati kasomara, keyehe‑ya dai hiri, mai noki beheri‑kaya mai tamine‑mone‑ya dai kamina, dai‑ya dai kahiyarabisa, dai ibi nimani awira, dai ene haa‑nima niya, owa ene‑ya dai awaboneni.

Karatiya 6:3

Dai‑ta dai amosabisa‑mone dai ati na, dai‑ya dai keyehe, dai amosabisarani.

Koroso 1:21

Hibati‑ya Deoso‑ya dai ka‑kako, dai ene amosaramaroni. Dai ene Deoso yawemarine.

Koroso 3:7

Hibati‑ya Kirisito ati dai nofara, mai‑nima dai namaroni.

Timoti yoto‑ke 3:13

Mai ihi towe toha, mai ihi towe ba‑basi naboneni. Mai one‑ya mai keyeheneni. Mai one mai hikayeheriya, mai ati‑ya mai nofahareboneni.

Timoti yoto‑ke 3:6

Mai one tabori‑ya mai tokiyoma, mai fanawi‑ya mai keyeheteni. Mai fanawi yama‑ya watora, mai ati‑ya mai tokadabateni. Mai fanawi ihi amosaramaro tamine mai atibodi hini mai‑ya weena, mai atibodi mai‑ya weenamara, keyehe‑ya mai nofawahani.

Tito 1:16

“Deoso ati oda nofini.” Mai ati na, Deoso ati‑nima mai ni awira, mai ihi towe hinama yama amosa‑ya mai watoteraboneni. Mai atibodi towe, mai ihi amosaterani.

Tito 2:12

Yeso ati‑ya mai nofara, mai‑nima ai riyahi. Yama towe ai nofarihi. Mai fanawi ai nokotonirihi, kawi ai fawarihi, ai nahi. Ai atibodi bote ati ai nofarihi. Deoso ene‑nima ai ene nahi. Ai ati, ai atibodi ati, ai ene na, ai nawada, ai atibodi yati ati‑nima ai nabone, Ai ene amosahi.

Tiyako 1:26

Deoso ati tinofamone tina, tiwati tinawadi amosara, keyehe‑ya hiritineni. Deoso ati tinofamone tina, tiwatibodi ati tohara, tiwati honita tohani.

Bedoro daidi 1:14

Madehe ihi amosa, mai‑ka abi mai ati‑ya mai tokadabateni. Madehe‑nima Deoso ati dai tokadabahi. Hibati‑ya yama‑ya dai watoriya, yama amosara dai atibodi kobohina‑nima dai ene namariyahi.

Yeso Kirisito ene‑bona 12:9

Dafi kite hika yo‑yose mai eyehe bofe‑ya mai korohinisane. Dafi Satanasi amane. Oni owa Diaboro amane. Satanasi maka‑nima ne, fare amane. Bofe‑ka mai nafi‑ya keyehene.

Yeso Kirisito ene‑bona 13:14

Bani Hame wami‑ke ene kite‑ya bofe‑ka mai awa, hika keyehe mai hikadaba, “Bani Hame faha‑ke yima ihi‑ya nawademari, kitame, korimari dai wamanahi, korimari dai kahiyarebonaha.” Bani Hame wami‑ke ati nene.

Yeso Kirisito ene‑bona 18:2

Ati yanane, ati kite, “Babironi kita abi fama, madi towe mai‑ka tabora tohawahani. Bani mai afe wada, mai kabara, mai‑ka tabora tohawahineni.