Tito 3:2 - Deoso-ka Yama Hani

² Tito, mai tikanawatoya, eya tinahi. “Dai ene amosabone, dai one tamine‑ya keyehe‑ya dai hiririhi, dai ibi weerihi na, dai ibi nofahi, dai nafi.” Tinahi.

Tito 3:2 ပူးပေါင်းရင်းမြစ်များ

Mateo 11:29

Owa‑nima dai nahi. Hama·oterani. Owati somateni. Owa‑nima dai niya, dai atibodi maa tohamateraboneni.

Yeso‑ka yo‑yose mai tamine 23:5

“Se! Deoso‑ka yama‑bone‑ya mai da‑daa mai‑ka hidi webote‑no owatore‑ya wee·onani. Deoso‑ka yama hani ati ihi ai‑ka hidi ai weeterani.” Baoro ati nemarine.

Korito daidi 6:10

Yama‑ya mai bo‑boti mai toha, hini mai‑ka yama‑mone‑ya mai ibi to‑tokatowe mai toha, kawi‑ya mai no‑nokotoni mai toha, mai one tamine‑mone‑ya keyehe‑ya mai hi‑hiri mai toha, mai na, Deoso tabaro‑ya mai winateraboneni.

Korito daidi 9:19

Bofe‑ya oka hidi awire, owa manakone‑ya mai nanahabara, hiniya mai nafi‑ya na‑narifa ama·oni, Deoso ati‑ya mai nofawahabonehe.

Korito yoto‑ke 10:1

Baoro ama·oni. Owati dai mitahi. Owati hamara, owati somateni. Hibati‑ya Kirisito ati somemata‑nima owati somateni. Dai‑ya osawiya, owati somabisa, yama hani‑ya owati hamatemone dai owa ati nemona mai ati nineni.

Korito yoto‑ke 12:20

“Dai tabaro‑ya kobo·oniya, dai ene amosaraba awineni.” Owatibodi ati na. Dai ene amosara‑mani, owa ene dai nofara neni. Dai ibi wee, mai one‑ka yama‑ya dai ati kayafa, dai ibi ati yawa, dai one‑ya dai ati kasomara, keyehe‑ya dai hiri, mai noki beheri‑kaya mai tamine‑mone‑ya dai kamina, dai‑ya dai kahiyarabisa, dai ibi nimani awira, dai ene haa‑nima niya, owa ene‑ya dai awaboneni.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Karatiya 6:1

Dai narabo hawihi. Dai owa ene amosare, Yeso ati‑ya dai no‑nofa, dai owa‑ya dai hiyarahi. “Tiwa ene amosara tiwa oda awa, tiwa oda nofa, tiwa ene amosawamahi.” Dai ati nahi. Dai owa‑ya dai hiyarabone, dai noko wadahi, dai owa ene‑nima dai ene ni awiraboneni.

Karatiya 6:10

Yama‑ya mai kihara mai dai kasomahi. Dai‑ka yama dama, dai one‑ka yama‑ba dai daanahi. Yeso ati‑ya mai nofara mai dai kasomi bi‑bidi, Yeso ati‑ya mai no‑nofa mai dai kasomi ba‑basi nahi.

Efesiyo 4:2

Hini tiwa‑ya tikahiyarariyahi. Dai owa dai kahiyarabisahi. Dai owa ene amosare, dai ati yawa kanibote ra, mai dai nofa, mai dai kasomabone, mai dai hiyarabisahi.

Efesiyo 4:31

Mai‑ya dai kakorihi, dai ati bida‑ya mai dai daarihi, dai nahi, dai ati komene‑ya mai awarabonehe. Mai dai keyeherihi, dai ati ene mai korikasarihi na, dai ati ene mai atibodi komaraboneni.

Firibo 4:5

Dai‑ya mai weena, dai ati yawariyahi. Yeso kama kanibote nebonane.

Tesaronika daidi 2:7

Dai‑ka ami‑nima oda nineni. Ai wada yati toha, ai‑ka ami ai‑ya nofa, ai‑ya kasoma, ai‑ya nayanateni. Fara‑nima dai oda kasomineni.

Timoti daidi 3:11

Deoso‑ka mai‑ya mai kasomabone, mai‑ka yobote mai ihi amosahari nahi. Mai one tamine‑mone‑ya keyehe‑ya mai hiririhi, kawi‑ya mai nokotonirihi, mai na, hini mai‑ka yama‑ya mai ani, mai one‑ya mai kasoma, mai na, mai sibarineni.

Timoti daidi 3:3

Kawi ihi towe toharihi, Yinero‑ya nokotonirihi, mai one‑ya nofa, mai one‑ya weerihi, tene.

Tiyako 3:17

Deoso ene yama‑ya mai wato yokana toha, mai ihi amosa mai ibi weerihi, mai ati kitarihi, mai one ati‑ya mai mita, mai one tosaware, mai‑ya mai ati somawamateni. Mai ihi amosa dama, mai dami‑ya mai nofa, mai atibodi ati‑nima mai ihi teni.

Tiyako 4:11

Oka soho dai toha, owati dai mitahi. Dai owa ene dai kadikariyahi. Dai owa atibodi dai watora, Deoso‑ta hiwatobisane. Dai owa ene dai kadikarabone Deoso ati ne. Dai owa ene dai kadika‑mani, Deoso ati dai tokadabara, Deoso yama‑ya wato awire, dai‑ta, dai watobisa‑mone dai atibodi ati neni.

Bedoro daidi 2:1

Deoso ati‑nima dai na, dai ene‑maro‑nima dai ene namariyahi. Keyehe‑ya dai ibi hirikariyahi. Hini dai atibodi ati yokana‑nima dai ati nahi. Mai‑ka yama‑ya dai atibodi kayafarihi, dai ibi tairihi nahi.

Bedoro daidi 3:10

Deoso ati dai mite, “Dai ya‑yainabone, dai amosawahabone dai ati na, mai dai tairihi, keyehe‑ya dai hiririhi, dai nahi.

Bedoro daidi 3:8

Owati hawa tohi yanatoneni. Owati dai nafi mitahi. Dai nafi atibodi ati fara hinama tohahi. Ai‑ka ayo ai nofi‑nima dai ibi nofiyahi. Mai atibodi koma mai dai kasomahi. “Yama dai watora, owa‑ta yama owatobisineni.” Dai ati riyahi.

Bedoro daidi 4:4

Hibayata dai‑ya mai haaniya, mai ati dai tokadabariya, mai‑nima dai namara, “Ka! Hini yamata ihi ai ati‑ya mai nofamarihi?” Mai ati na, dai‑ya mai hahakana, dai‑ya mai wee teboneni.

Bedoro yoto‑ke 2:10

Ai one Satanasi ati‑ya mai tokadaba, mai one‑ya mai nokotoniteni, mai‑ya mai ahabonehe. Mai‑ka hidi ati‑ya mai kaka, Satanasi‑ka madi mai kiti ba‑basi na mai toha, mai tamine‑ya mai weeni kofina, mai habi siitora, mai ihi‑ya Deoso kadikebonane.

Yoda‑ka yama hani 1:10

Deoso ati‑ya mai nofara, yama‑ya mai watorihi mai na, Deoso‑ka yo‑yose mai tamine‑ya mai hahakanineni. Bani mai‑nima mai na, yama‑ya mai watora, hini mai ihi Deoso mai‑ya nanahabebonane.

Yoda‑ka yama hani 1:8

Sodoma‑ya mai wi‑wina, mai ihi‑mete‑nima dai‑ya mai da‑daba mai ihi nineni. “Wada ati oda mita, mai fanawi mai makidi na, mai ai aha, ai sibaraboneni. Oda‑ka wada ati nineni.” Mai ati na. Deoso ati‑ya mai nofara, mai‑ka wada ati‑ya mai nofabisa, Deoso ati‑ya mai tokadabara, Deoso‑ka yo‑yose mai kiti ba‑basi na, mai‑ya mai weena, mai korikasarani.