Tito 3:14 - Deoso-ka Yama Hani

¹⁴ Mai one yama‑ya kihara, mai‑ka yama‑ba mai daanahi. Yama‑ya mai da‑daa mai ihi sibabisaraboneni.

Tito 3:14 ပူးပေါင်းရင်းမြစ်များ

Mateo 21:19

Hawi fowari bodi‑ya fiko ohare waa‑ya Yeso awe, toke, fiko bonora, afe hinama tohamaroni. “Tibonomateraboneni.” Yeso ati ne, Ati ene fiko wayatonamaroni.

Mateo 7:19

Awa bono ade amosara ai tiiniya, ai sarikiteni.

Yowaho 15:16

Owa‑ya dai kadikara, dai‑ya okadikabisa, dai‑ya oyosemaroni, dai bonabonehe, dai ene amosa fawarabonehe. Yama onofa‑nima yama na dai nofa, yama dai haana‑ya Okobi daanebonane.

Yowaho 15:8

Dai ene amosa, dai bona‑nima dai nineni. Dai bono nafiya, dai ene‑ya mai awiya, oka dai toha dai‑ya mai watowahabone, Deoso ene amose‑ya mai awaboneni.

Yeso‑ka yo‑yose mai tamine 18:3

Mai tabori‑ya Baoro winawahane. Bora kita‑ya yobe‑ya mai wa‑wama, mai‑nima i‑di Baoro ne, yama‑ya anitene.

Yeso‑ka yo‑yose mai tamine 20:35

Dai yofi·okana, yama‑ya ani·ona, dai kiyana, dai okasoma, onamaro, owa‑nima dai niyahi. Dai yofi·okanani. Yeso ati‑ya dai ati kadamowamariyahi. ‘Yama‑ya dai‑ya mai daana, Deoso dai‑ya kasomi bi‑bidi, yama‑ya dai daana, Deoso dai‑ya kasomi ba‑basi nibisane.’ Yeso ati nemona,” Baoro ati nemarine.

Homa 12:13

Yeso ati‑ya mai no‑nofa yama‑ya mai one kihara, mai dai kasoma, mai‑ka yama‑ba dai daanahi. Mai a‑amo‑ke mai‑ka yobe awire, tika yobe‑ya mai amonahi.

Homa 15:28

Yerosare‑ya mai wi‑wina mai‑ka yinero‑bona owakami hawa ohiya, Esibaniya‑ya okomakiya, dai tabaro‑ya owa amoni fa‑famaraba nabone owatibodi ati nineni.

Efesiyo 4:28

Yama‑ya dai one botemete, yama‑ya mai botimariyahi. Hiniya yama‑ya mai aninawaha, mai one yama‑ya kihara‑ya mai kasomabisaboneni.

Firibo 1:11

Hibayata Yeso dai‑ya sawi, mahi‑nima dai ene amosi ba‑basi, mahi‑nima dai ene amosi ba‑basi niya, dai ene‑ya mai awiya, Deoso‑ya mai kahiyara, “Deoso amosabote amane.” Mai ati nawahaboneni.

Firibo 4:16

Tesaronika‑ya owina, oka yama tosiya ona, yinero‑bona‑ya dai daani famamaroni.

Firibo 4:17

Yinero noko·oni awirini. Dai ene amosa oawa, ya‑yai·oteni. Dai ene dai manakone ba‑basi na‑ya Deoso daanebonane.

Koroso 1:10

Yeso‑ya dai ya‑yainihebone, dai ene amosiyahi. Awa bono ade amosa, bona ihi ai ya‑yaiteni. Fara‑nima dai ene amosa, ai‑ka Ayo i‑di Yeso ya‑yainebonane. Deoso‑ya dai wato ba‑basi naboneni.

Tesaronika daidi 2:9

Oda‑ka soho dai toha, oda ene‑maro‑ya dai ati kadamowamariyahi. Deoso Ati Amosabote dai‑ya oda kamina, dai‑ya oda kanawata, oda na, oda ene‑ya dai awamaroni. Yama oda anina, yama soki‑ya yama oda ani, yama tehe‑ya yama oda ani, oda namaroni. Dai‑ka yinero oda haara, oda‑ka yinero‑ya oda‑ka yamata‑bone oda kanikabisamaroni.

Tesaronika yoto‑ke 3:8

Yamata honita‑ya oda kabara, manakone oda nanahababisamaroni. Yama tehe‑ya yama oda ani, yama soki‑ya yama oda ani na, oda‑ka yamata‑bone manakone oda nanahabamaroni, dai nanahabi awirabonehe.

Tito 2:8

Deoso ati tihiyara, tiwa ene amosa‑ya mai dami awiya, Deoso ati‑ya mai one nofara mai yawaba awineni. Tiwa ene amosa mai dami awa, Deoso ati‑ya mai nofara mai ati fawanaboneni.

Tito 3:8

Owati timitahi. Hini owati‑nima mai‑ya tihiyaramakitasahi. Deoso ati ai nofa, ai ene amosahi. Mai ai kasoma. Ai ene amosiya, mai ai kanawatoya, Deoso ati‑ya mai nofaba awineni.

Bedoro yoto‑ke 1:8

Haa‑nima dai ene na‑ya mai awiya, Deoso ati‑ya mai nofawaha, “Yeso ati‑ya mai no‑nofa mai ihi amosa, oda ene‑nima mai ihi terani.” Mai ati niya, Deoso ati‑ya mai nofawahaba awineni.