Tito 2:8 - Deoso-ka Yama Hani

⁸ Deoso ati tihiyara, tiwa ene amosa‑ya mai dami awiya, Deoso ati‑ya mai one nofara mai yawaba awineni. Tiwa ene amosa mai dami awa, Deoso ati‑ya mai nofara mai ati fawanaboneni.

Tito 2:8 ပူးပေါင်းရင်းမြစ်များ

Maroko 12:17

“Sesa‑ka yama‑ya Sesa‑ya dai daatonama, Deoso‑ka yama‑ya Deoso‑ya dai daatonamahari, dai nahi.” Yeso ati nemarine. Yeso ati‑ya mai mita, “Ka! Yeso yama‑ya watone.” Mai atibodi ati namaroni.

Maroko 12:28

Mose‑ka yama hani ati‑ya mai ka‑kamina owa ohari Yeso ati‑ya mite, “Yeso yama‑ya watone.” Atibodi ati ne, ati yanane, “Yeso, ai ene tamine‑ya Mose kanahanomatamonane. Yama hani ati one amosabote owa‑ya tikaminamakihi.” Ati nemarine.

Maroko 12:32

Mose‑ka yama hani ati‑ya mai ka‑kamina owa ati yananamatase, “Hehe, tiwati‑nima yama teni. Deoso oharibisane, owa wadaterene.

Maroko 12:34

“Maki ati amose, yama‑ya watone.” Yeso atibodi ati nemarine. Maki‑ya Yeso hiyare, “Deoso ai nafi‑ka hidi kitabote tohawaheya tisaweba awineni.” Yeso ati nemarine. Yeso yama‑ya wato, Yeso‑ya mai nafi nayofina, mai ati fawanawahamaroni.

Roka 13:17

Yeso‑ya mai weena mai ati fawanameteni. Yeso ene‑ya mai dama mai awa, mai ya‑yainameteni.

Tesaronika yoto‑ke 3:14

Oda‑ka yama hani ati‑ya mai nofara, mai‑ya dai kadikiya, mai‑ya dai sawimarihi. Mai‑ya dai dabamarihi niya, mai atibodi hini mai‑ya weeniya, yama‑ya aninawahaba awineni.

Timoti daidi 5:14

Owati timitamatasahi. Mai fanawi fanamaro, mai‑ka yibote mai abamaro, mai bote tohi awira, mai fanamiya, mai‑ka madehe‑ya mai nayaniya, mai‑ka madehe‑ya mai kanawatoyahi. Haa‑nima mai niya, mai ihi amosaboneni. Yeso ati‑ya mai nofara ai‑ya mai weeni awiraboneni.

Timoti daidi 6:3

Owati‑nima mai tihiyarahi, yama‑ya mai watowahabonehe. Ai‑ka Ayo Yeso Kirisito ati‑nima mai ati ni awiriya, yama‑ya mai kanawatobone mai ati na,

Tito 3:14

Mai one yama‑ya kihara, mai‑ka yama‑ba mai daanahi. Yama‑ya mai da‑daa mai ihi sibabisaraboneni.

Bedoro daidi 2:12

Bara mai‑ya dai sawiya, dai ene amosahi. Dai ene towe‑mone mai ati na, dai ene‑ya mai awiya, dai ene amosa‑ya mai atibodi watowaha, Yeso kamataseya, dai ene Deoso‑ya mai kahiyaraboneni.

Bedoro daidi 2:15

“Dai ene amosahi.” Deoso ati ne, dai ene amosiya, yama‑ya mai watora dai ene‑ya mai awiya, mai ati fawanaboneni.

Bedoro daidi 3:16

Dai ati yananiya, dai ati yawara, dai ati somabisahi, dai atibodi dai‑ya weerabonehe. “Yeso Kirisito‑ka mai‑mone mai ati kasiroteni.” Mai ati na, Dai ene‑ya mai awiya, mai ati fawanabone, hini mai atibodi mai‑ya weenaboneni.