Tito 2:13 - Deoso-ka Yama Hani

¹³ Yeso ai‑ka Ayo kamebona ai nimana, Yeso ai manakone‑ya nanahabemari, kameya, kami amosebonane. Deoso kitabote amose‑nima Yeso nane.

Tito 2:13 ပူးပေါင်းရင်းမြစ်များ

Mateo 16:27

Deoso‑ka yo‑yose mai eyehe okomatasabone, Okobi wehene owa‑ya sawibonane. Bofe‑ka dai ene‑nima dai ene manakone na daa·onaboneni.

Mateo 25:31

“Dai‑ka Ayo neme‑ke Deoso‑ka yo‑yose mai eyehe kamataseya, wehene nafi, hidi webote tohawahebonane.

Mateo 26:64

“Hehe, tiwati‑nima, fara ama·oni. Deoso mano kanika‑ya owitariya, kitabote ohawahiya, owa‑ya dai awa kanibote naboneni.” Yeso ati nematane.

Maroko 14:62

Yeso ati yanane, “Fara ama·oni. Deoso mano kanika‑ya owitariya, owa‑ya dai awa, neme sabi‑ya okomatasiya, owa‑ya dai awa naboneni.” Yeso ati nematane.

Maroko 8:38

Bofe‑ya mai wi‑wina yama dama‑ya mai nokotonihe, Deoso ati‑ya mai tokadabara dai‑ya mai weeni awirabone dai ati na, owa‑ya dai nofarihi, owati‑ya dai nofarihi dai niya, okomatasiya, dai‑ya onofahariraboneni. Okomatasiya, Okobi wehene owa‑ya sawi, Okobi‑ka yo‑yose mai amosabote owa‑ya mai sawi naboneni.” Yeso ati nematane.

Yeso‑ka yo‑yose mai tamine 24:15

Mai ihi amosamaro, mai ihi amosaramaro mai na, mai aba, mai kitamabone Deoso ati nemata, ati‑nima yama nabone‑ya mai nimana, fara nima·onahari teni.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Homa 5:5

Deoso tabaro‑ya ai winabone yama ai nimana, Deoso‑ka Doni ai atibodi‑ya wine ene Deoso ai‑ya nofi nafi ai wato, ai‑ya nofi fawaterebonane.

Homa 8:18

Hibayata ai‑ya mai bisiniya, ai korikasara, makobote yama nafi amosabote‑ya ai kayafa, yama amosi ba‑basi naboneni.

Korito daidi 1:7

Dai ibi kasomi‑bone‑ka yama‑ya Deoso daanebona ati nemari, dai‑ya yama‑ya daanane. Ai‑ka Hidi i‑di Yeso Kirisito ko‑kobo dai nimaniya, Deoso dai‑ya kasomebona, dai kasomi‑ya fawaterebonane.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Koroso 1:23

Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Koroso 1:5

Deoso tabaro‑ya ai winabone tamine‑ya dai mita, Deoso Ati Amosabote dai nofamoneni. Yeso kami tamine dai mita, Yeso kamebona‑ya dai nimanawahamoneni.

Koroso 3:4

Kirisito ene dai atibodi yati tohawahani. Kirisito kamataseya, Kirisito eyehe dai‑ya mai awaboneni. Dai amosi nafeboneni.

Tesaronika yoto‑ke 2:16

Ai‑ka Ayo i‑di Yeso Kirisito, ai‑ka Abi i‑di Deoso ne, ai‑ya mai nofa, ai‑ya mai kasomateni. Fara mai ihi Deoso tabaro‑ya ai kobonabone ai watoneni.

Tesaronika yoto‑ke 2:8

Satanasi‑ka owa ati kasiro‑ya mai awawahaboneni. Ai‑ka Hidi Yeso kobonameya, ati ene Satanasi‑ka owa abebonane.

Timoti daidi 1:1

Baoro ama·oni. I‑di Yeso Kirisito‑ka yo‑yose ama·oni. I‑di Deoso owa‑ya kadikemarine, hika ohabonehe. I‑di Yeso Kirisito ai‑ya ka‑kasoma, kamebona ai nimaneni.

Timoti yoto‑ke 1:2

Timoti, tiwa oka dao onamaro, tiwa onofa, tika yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito ne tiwa‑ya mai kasoma, tiwatibodi ati tiwa‑ya soma teni.

Timoti yoto‑ke 4:1

Yeso Kirisito kamataseya, ai nafi ene‑ya kadikebonane. Ai hasina, ai ene‑ya kadika, mai abamete mai ihi‑ya kadika nebonane. Ai one‑ya kayafa, ai one‑ya sarikana nebonane. Deoso owati‑ya mite, owati timitaharihi.

Timoti yoto‑ke 4:8

Owa manakone wadaboneni. Ai tati borone oro wamani‑ya tohaboneni. Ai ene amosa ai tati borone oro wamani‑ya tohabone, ai‑ka hidi i‑di Yeso ati nane. Ai ene‑ya kadikeya, ai manakone‑ya daanebonane. Yeso kamebona ai nimaniya, ai manakone wadaboneni.

Tito 1:2

Ai tabaro wamani awisari‑ya Deoso ati yanane, “Owati‑ya mai nofa, mai abateraboneni.” Ati nematane. Deoso keyehe‑ya hiriterene.

Tito 1:4

Tito, tika yama hani‑bone okanahana, tikadikiyahi. Oka dao owa amatini. Deoso ati ohiyara, owati‑ya timita, Deoso ati tinofawahamaro, tiwa oka dao onamaroni. Ai‑ka abi i‑di Deoso, ai‑ka ayo i‑di Yeso Kirisito mai na, tiwa‑ya mai kasoma, tiwatibodi tiwa‑ya weerabone, Yeso Kirisito tiwa manakone‑ya nanahabemari, tiwa‑ya kasomebonane.

Tito 3:4

Hibati‑ya Deoso ai‑ya kayawemari, ai‑ya nofi nafi ene i‑di Yeso ai manakone‑ya nanahabemarine.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Bedoro daidi 1:3

Ai‑ka Abi ai kahiyarahi. Ai‑ka Hidi i‑di Yeso Kirisito‑ka Abi i‑di Deoso amosabote amane. Ai‑ya nofe, ai‑ya kadike ene ai wada yati‑nima ai nawahani, Deoso bidi ai tohawahabonehe. Deoso bidi ai toha, Bidi i‑di Yeso Kirisito‑ya nakitame‑nima ai‑ya nakitamebona ai nimaneni.

Bedoro daidi 1:7

Oro‑ya mai awawama, yifo hiwe ihi oro fahi tohawamaya, yama bara sawe‑ya mai nanahaba, oro hinama tohaboneni. Makobote oro abawahaboneni. Yeso ati‑ya dai no‑nofa dai‑ya mai bisinabone, dai ene‑ya mai awaboneni. Yeso ati dai nofi yokana toha, ati dai nofi fawarebonane. Yeso kobonameya, Deoso dai‑ya kahiyara, hika wehene kote dai kayafaboneni.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.

Yowaho daidi 4:14

Oda ati dai mitahi. Deoso Bidi oda awamaroni. Deoso Bidi hiyose, ai manakone‑ya nanahabebona oda awemari, mai nafi‑ya tamine oda kaminebonane.

Yoda‑ka yama hani 1:21

Deoso dai‑ya nofe, ati dai tokadabahi. Ati dai tokadabeya, dai‑ya kasomebonane. Makobote Deoso tabaro‑ya Yeso Kirisito ai‑ka Hidi dai‑ya towakamebona, dai abamateraboneni.

Yeso Kirisito ene‑bona 1:7

Owati dai mitahi! Neme sabi‑ya Yeso kamebona, mai nafi hiawebonane. Yeso‑ya mai nanahabamaro Yeso‑ya mai awawahaboneni. Mai hiaweya, tabora nafi‑nima mai ohinawahaboneni. Fara yama amosaboneni.